ಪ್ರೇಕ್ಷಕರನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡಿದ ಟಿ-20 ಕ್ರಿಕೆಟ್​ ಆರಂಭವಾಗಿ ಇಂದಿಗೆ 16 ವರ್ಷ

16 ವರ್ಷಗಳ ಹಿಂದೆ ಈ ದಿನ ನಡೆದಿದ್ದ ಮೊದಲ ಟಿ -20 ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ ಮೊದಲು ಬ್ಯಾಟಿಂಗ್ ಮಾಡಿ 214 ರನ್​ಗಳಿಸಿತ್ತು. ನಾಯಕ ರಿಕಿ ಪಾಂಟಿಂಗ್ 55 ಎಸೆತಗಳಲ್ಲಿ 5 ಸಿಕ್ಸರ್ಸ್​ ಹಾಗೂ 8 ಬೌಂಡರಿಗಳ ನೆರವಿನಿಂದ 98 ರನ್​ಗಳಿಸಿದ್ದರು.

ಹೈದರಾಬಾದ್​: ಕ್ರೀಡಾ ಜಗತ್ತಿನಲ್ಲಿ ಮಂಕು ಕವಿಯುತ್ತಿದ್ದ ಕ್ರಿಕೆಟ್​ಗೆ ಹೊಸ ಚೈತನ್ಯ ತಂದುಕೊಟ್ಟ ಟಿ -20 ಕ್ರಿಕೆಟ್​ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಆರಂಭವಾಗಿ ಇಂದಿಗೆ 16 ವರ್ಷ ಕಳೆದಿದೆ.

ಫೆಬ್ರವರಿ 17, 2005 ರಲ್ಲಿ ಕ್ರಿಕೆಟ್​ ಇತಿಹಾಸದ ಮೊದಲ ಅಂತಾರಾಷ್ಟ್ರೀಯ ಪಂದ್ಯದಲ್ಲಿ ಆಸ್ಟ್ರೇಲಿಯಾ ಮತ್ತು ನ್ಯೂಜಿಲ್ಯಾಂಡ್ ತಂಡಗಳು ಆಕ್ಲೆಂಡ್​ನಲ್ಲಿ ಮುಖಾಮುಖಿಯಾಗಿದ್ದವು. ಟಿ-20 ಕ್ರಿಕೆಟ್​ ಇಂದು ಪ್ರೇಕ್ಷಕರ ನೆಚ್ಚಿನ ಕ್ರಿಕೆಟ್​ ಮಾದರಿಯಾಗಿದ್ದು, ಇದು ಪ್ರಪಂಚದಲ್ಲಿ ಬೆರಳೇಣಿಕೆಯಷ್ಟಿದ್ದ ಕ್ರಿಕೆಟ್​ ಆಡುವ ರಾಷ್ಟ್ರಗಳನ್ನು ಇಂದು ನೂರಕ್ಕೂ ಹೆಚ್ಚಾಗುವಂತೆ ಮಾಡಿದೆ. ದಿನವೆಲ್ಲಾ ಸಮಯ ವ್ಯರ್ಥ ಎಂದು ಮೂಗು ಮುರಿಯುತ್ತಿದ್ದ ಜಪಾನ್, ಅಮೆರಿಕ ಮತ್ತು ಚೀನಾದಂತಹ ರಾಷ್ಟ್ರಗಳೇ ಇಂದು ಕ್ರಿಕೆಟ್​ ಆಡಲು ಶುರಮಾಡಿವೆಯಂದರೆ, ಅದರ ಸಂಪೂರ್ಣ ಶ್ರೇಯ ಟಿ-20 ಕ್ರಿಕೆಟ್​ಗೆ ಸಲ್ಲುತ್ತದೆ.

16 ವರ್ಷಗಳ ಹಿಂದೆ ಈ ದಿನ ನಡೆದಿದ್ದ ಮೊದಲ ಟಿ-20 ಪಂದ್ಯದಲ್ಲಿ ಆಸ್ಟ್ರೇಲಿಯಾ ತಂಡ ಮೊದಲು ಬ್ಯಾಟಿಂಗ್ ಮಾಡಿ 214 ರನ್​ಗಳಿಸಿತ್ತು. ನಾಯಕ ರಿಕಿ ಪಾಂಟಿಂಗ್ 55 ಎಸೆತಗಳಲ್ಲಿ 5 ಸಿಕ್ಸರ್ಸ್​ ಹಾಗೂ 8 ಬೌಂಡರಿಗಳ ನೆರವಿನಿಂದ 98 ರನ್​ಗಳಿಸಿದ್ದರು.

ನ್ಯೂಜಿಲ್ಯಾಂಡ್​ vs ಆಸ್ಟ್ರೇಲಿಯಾ

ಈ ಮೊತ್ತವನ್ನು ಬೆನ್ನಟ್ಟಿದ ನ್ಯೂಜಿಲ್ಯಾಂಡ್​ ತಂಡ 170 ರನ್​ಗಳಿಗೆ ಆಲೌಟ್ ಆಗುವ ಮೂಲಕ 44 ರನ್​ಗಳ ಸೋಲು ಕಂಡಿತ್ತು. ಆಸ್ಟ್ರೇಲಿಯಾದ ಮೈಕಲ್ ಕ್ಯಾಸ್ಪ್ರೊವಿಕ್ಸ್​ 4 ವಿಕೆಟ್​ ಪಡೆದಿದ್ದರು. ರಿಕಿ ಪಾಂಟಿಂಗ್​ ಪಂದ್ಯ ಶ್ರೇಷ್ಠ ಪ್ರಶಸ್ತಿ ಪಡೆದಿದ್ದರು.

• Beige kits. Big hair. An unbeaten 98 from Ricky Ponting.
  
  What more could you ask for?#OnThisDay in 2005, Australia and New Zealand played the first ever men’s T20I. pic.twitter.com/sHvZUiPceQ

  — ICC (@ICC) February 16, 2021 " class="align-text-top noRightClick twitterSection" data="

  Beige kits. Big hair. An unbeaten 98 from Ricky Ponting.
  
  What more could you ask for?#OnThisDay in 2005, Australia and New Zealand played the first ever men’s T20I. pic.twitter.com/sHvZUiPceQ

  — ICC (@ICC) February 16, 2021

  ">

  Beige kits. Big hair. An unbeaten 98 from Ricky Ponting.
  
  What more could you ask for?#OnThisDay in 2005, Australia and New Zealand played the first ever men’s T20I. pic.twitter.com/sHvZUiPceQ

  — ICC (@ICC) February 16, 2021

ಇನ್ನು ಅಂದಿನಿಂದ ಇಂದಿನವರೆಗೆ 1122 ಟಿ-20 ಪಂದ್ಯಗಳು ನಡೆದಿವೆ. 164 ಪಂದ್ಯಗಳನ್ನಾಡಿರುವ ಪಾಕಿಸ್ತಾನ ತಂಡ ಅತಿ ಹೆಚ್ಚು ಪಂದ್ಯಗಳನ್ನಾಡಿರುವ ತಂಡ ಎಂಬ ದಾಖಲೆಗೆ ಪಾತ್ರವಾಗಿದೆ. ಜೊತೆಗೆ ಚುಟುಕು ಕ್ರಿಕೆಟ್​ನಲ್ಲಿ 100 ಜಯ ದಾಖಲಿಸಿರುವ ಮೊದಲ ತಂಡ ಎನಿಸಿಕೊಂಡಿದೆ. ಎರಡನೇ ಸ್ಥಾನದಲ್ಲಿ ಭಾರತ ಮತ್ತು ನ್ಯೂಜಿಲ್ಯಾಂಡ್ ಇದ್ದು, 137 ಪಂದ್ಯಗಳನ್ನಾಡಿವೆ. ಭಾರತ 85 ಜಯ ಸಾಧಿಸಿದ್ದರೆ, ಕಿವೀಸ್​ 75 ಗೆಲುವು ಪಡೆದಿದೆ. 65 ಗೆಲುವಿನ ಸರಾಸರಿ ಹೊಂದಿರುವ ಟೀಮ್ ಇಂಡಿಯಾ ಈ ಮಾದರಿಯಲ್ಲಿ ಅತ್ಯಂತ ಯಶಸ್ವಿ ತಂಡ ಎನಿಸಿಕೊಂಡಿದೆ.

ಇದನ್ನು ಓದಿ:IPL ಮಿನಿ ಹರಾಜು.. ಮ್ಯಾಕ್ಸ್​ವೆಲ್​ಗಾಗಿ ಆರ್​ಸಿಬಿ, ಸಿಎಸ್​ಕೆ ಪೈಪೋಟಿ.. ಮಲನ್-ಮೋಯಿನ್​​ ಮೇಲೆ ಎಲ್ಲರ ಕಣ್ಣು..