ದುಬೈ: ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವೆ ನಡೆಯುವ ಏಕದಿನ ಮತ್ತು ಟಿ-20 ಸರಣಿಯಲ್ಲಿ ಲೈನ್ ನೋ ಬಾಲ್ ತೀರ್ಪು ನೀಡುವ ಅಧಿಕಾರ ಟಿವಿ ಅಂಪೈರ್ಗೆ ನೀಡಿ ಐಸಿಸಿ ಹೊಸ ನಿಯಮ ಜಾರಿಗೆ ತಂದಿದೆ.
ಹಲವು ಬಾರಿ ಆನ್ ಫೀಲ್ಡ್ ಅಂಪೈರ್ಗಳು ತಮ್ಮ ಕಣ್ತಪ್ಪಿನಿಂದ ನೋ ಬಾಲ್ ನೀಡದೆ ಪಂದ್ಯದ ಫಲಿತಾಂಶವೇ ಉಲ್ಟಾ ಆಗುತಿತ್ತು. ಇದಕ್ಕೆ ಆನ್ ಫೀಲ್ಡ್ ಅಂಪೈರ್ಗಳು ಟೀಕೆಗೆ ಗುರಿಯಾಗಿದ್ದರು. ಇದನ್ನ ಗಂಭೀರವಾಗಿ ಪರಿಗಣಿಸಿರುವ ಐಸಿಸಿ ಹೊಸ ಪ್ರಯತ್ನಕ್ಕೆ ಕೈ ಹಾಕಿದೆ.
ಟಿವಿ ಅಂಪೈರ್ಗಳು ಪ್ರತಿ ಬಾಲ್ ಮೇಲೆ ಕಣ್ಣಿಟ್ಟಿರುತ್ತಾರೆ. ಯಾವುದಾದರು ನೋ ಬಾಲ್ ಎಸೆತ ಕಂಡು ಬಂದ್ರೆ ಆನ್ ಫೀಲ್ಡ್ ಅಂಪೈರ್ಗಳಿಗೆ ತಿಳಿಸುತ್ತಾರೆ. ಟಿವಿ ಅಂಪೈರ್ ಮಾಹಿತಿ ನೀಡದೆ ಆನ್ ಫೀಲ್ಡ್ ಅಂಪೈರ್ಗಳು ನೋ ಬಾಲ್ ತೀರ್ಪು ನೀಡುವಂತಿಲ್ಲ.
ಭಾರತ ಮತ್ತು ವಿಂಡೀಸ್ ಸರಣಿಯಲ್ಲಿ ಈ ಹೋಸ ಪ್ರಯೋಗವನ್ನ ಮಾಡಲು ಐಸಿಸಿ ತೀರ್ಮಾನಿಸಿದ್ದು, ಇದರ ಸಾಧಕ ಮತ್ತು ಬಾಧಕಗಳನ್ನ ಅರಿಯುವ ಪ್ರಯತ್ನಕ್ಕೆ ಕೈ ಹಾಕಿದೆ. ನಾಳೆಯಿಂದ ಆರಂಭವಾಗುವ ಭಾರತ ಮತ್ತು ವೆಸ್ಟ್ ಇಂಡೀಸ್ ನಡುವಿನ ಮೊದಲ ಟೀ-20 ಪಂದ್ಯದಲ್ಲಿ ಟಿವಿ ಅಂಪೈರ್ಗಳೆ ನೋ ಬಾಲ್ ತೀರ್ಪು ನೀಡಲಿದ್ದಾರೆ.
ಐಸಿಸಿ ಈ ಪ್ರಯೋಗಕ್ಕೆ ಮುಂದಾಗಿದ್ದು, ಇದೇ ಮೊದಲೇನಲ್ಲ. 2016ರಲ್ಲೇ ಇಂತಹ ಪ್ರಯತ್ನ ನಡೆಸಲಾಗಿತ್ತು. ಆದರೆ ಟಿವಿ ಅಂಪೈರ್ಗೆ ದೃಶ್ಯಗಳು ತಡವಾಗಿ ಲಭ್ಯವಾಗುತಿದ್ದವು. ಹೀಗಾಗಿ ಈ ಪ್ರಯೋಗವನ್ನ ಕೈಬಿಡಲಾಗಿತ್ತು. ಆದರೆ ಮತ್ತದೇ ಪ್ರಯೋಗಕ್ಕೆ ಕೈ ಹಾಕಿದೆ.
