ಇಂಗ್ಲೆಂಡ್​ನ 'ದಿ ಹಂಡ್ರೆಡ್​' ಟೂರ್ನಿಯಲ್ಲಿ ಮಹಿಳಾ ಮತ್ತು ಪುರುಷರ ವಿಜೇತ ತಂಡಕ್ಕೆ ಸಮಾನ ಬಹುಮಾನ

ಬುಧವಾರ ಇಸಿಬಿ 7,69,000 ಅಮೆರಿಕನ್​ ಡಾಲರ್​ ಮೊತ್ತವನ್ನು ದಿ ಹಂಡ್ರೆಡ್​ ಟೂರ್ನಿಗೆ ಬಹುಮಾನ ಮೊತ್ತವಾಗಿ ಬಿಡುಗಡೆ ಮಾಡಿದೆ. ಈ ಮೊತ್ತವನ್ನು ಮಹಿಳಾ ಹಾಗೂ ಪುರುಷರ ವಿಜೇತ ತಂಡಗಳಿಗೆ ಸಮಾನವಾಗಿ ಹಂಚಲಾಗುವುದು ಎಂದು ಐತಿಹಾಸಿಕ ಘೋಷಣೆ ಮಾಡಿದೆ.

ಲಂಡನ್​: ಬಹುನಿರೀಕ್ಷಿತ 100 ಎಸೆತಗಳ ಟೂರ್ನಿಯಾದ 'ದಿ ಹಂಡ್ರೆಡ್​'ನಲ್ಲಿ ವಿಜೇತರಾಗುವ ಮಹಿಳೆಯರ ಹಾಗೂ ಪುರುಷರ ತಂಡಕ್ಕೆ ಸಮಾನ ಬಹುಮಾನ ನೀಡಲು ಇಸಿಬಿ ನಿರ್ಧರಿಸಿದೆ.

"ಕ್ರಿಕೆಟ್​ನಲ್ಲಿ ಇತರೆ ಕ್ರೀಡೆಗಳಂತೆ ಲಿಂಗಸಾಮನತೆಗೆ ಆದ್ಯತೆ ನೀಡಿರುವುದಕ್ಕೆ ನಮಗೆ ತುಂಬಾ ಹೆಮ್ಮೆ ಇದೆ. ಇದರಿಂದ ನಾವು ಈ ಕ್ಷೇತ್ರದಲ್ಲಿ ಮತ್ತಷ್ಟು ಸಾಧನೆ ಮಾಡಬೇಕಾಗಿದ್ದು, ಮಹಿಳಾ ಕ್ರಿಕೆಟರ್​ಗಳನ್ನು ಗುರುತಿಸಬಹುದಾಗಿದೆ. ಜೊತೆಗೆ ಅವರೆಲ್ಲರೂ ದಿ ಹಂಡ್ರೆಡ್​ಗೆ ತುಂಬಾ ಮೌಲ್ಯ ತಂದುಕೊಡಲಿದ್ದಾರೆ ಎಂದು​ ಮಹಿಳಾ ಟೂರ್ನಮೆಂಟ್​ ಮುಖ್ಯಸ್ಥೆ ಬ್ಯಾರೆಟ್​ ವಿಲ್ಡ್​ ತಿಳಿಸಿದ್ದಾರೆ.