ಲಂಡನ್: ಬಹುನಿರೀಕ್ಷಿತ 100 ಎಸೆತಗಳ ಟೂರ್ನಿಯಾದ 'ದಿ ಹಂಡ್ರೆಡ್'ನಲ್ಲಿ ವಿಜೇತರಾಗುವ ಮಹಿಳೆಯರ ಹಾಗೂ ಪುರುಷರ ತಂಡಕ್ಕೆ ಸಮಾನ ಬಹುಮಾನ ನೀಡಲು ಇಸಿಬಿ ನಿರ್ಧರಿಸಿದೆ.
"ಕ್ರಿಕೆಟ್ನಲ್ಲಿ ಇತರೆ ಕ್ರೀಡೆಗಳಂತೆ ಲಿಂಗಸಾಮನತೆಗೆ ಆದ್ಯತೆ ನೀಡಿರುವುದಕ್ಕೆ ನಮಗೆ ತುಂಬಾ ಹೆಮ್ಮೆ ಇದೆ. ಇದರಿಂದ ನಾವು ಈ ಕ್ಷೇತ್ರದಲ್ಲಿ ಮತ್ತಷ್ಟು ಸಾಧನೆ ಮಾಡಬೇಕಾಗಿದ್ದು, ಮಹಿಳಾ ಕ್ರಿಕೆಟರ್ಗಳನ್ನು ಗುರುತಿಸಬಹುದಾಗಿದೆ. ಜೊತೆಗೆ ಅವರೆಲ್ಲರೂ ದಿ ಹಂಡ್ರೆಡ್ಗೆ ತುಂಬಾ ಮೌಲ್ಯ ತಂದುಕೊಡಲಿದ್ದಾರೆ ಎಂದು ಮಹಿಳಾ ಟೂರ್ನಮೆಂಟ್ ಮುಖ್ಯಸ್ಥೆ ಬ್ಯಾರೆಟ್ ವಿಲ್ಡ್ ತಿಳಿಸಿದ್ದಾರೆ.
ಮಹಿಳಾ ಕ್ರಿಕೆಟ್ ಸಂಬಂಧಿಸಿದಂತೆ ಇಸಿಬಿ ಅತ್ಯಂತ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ ಎಂದು ಇಂಗ್ಲೆಂಡ್ ಕ್ರಿಕೆಟ್ ತಂಡದ ನಾಯಕಿ ಹೀದರ್ ನೈಟ್ ಸಂತಸ ವ್ಯಕ್ತಪಡಿಸಿದ್ದಾರೆ. " ಮಹಿಳಾ ವೃತ್ತಿಪರ ಕ್ರಿಕೆಟ್ ಉತ್ತಮ ಲಯದಲ್ಲಿರುವಾಗಲೆ ಇಸಿಬಿ ಈ ನಿರ್ಧಾರ ತೆಗೆದುಕೊಂಡಿದೆ. ದಿ ಹಂಡ್ರೆಡ್ ಟೂರ್ನಿ ಲಿಂಗ ಸಮಾನತೆ ಅರಿತುಕೊಳ್ಳಲು ಸರಿಯಾದ ಮಾರ್ಗವಾಗಿದೆ" ಎಂದಿದ್ದಾರೆ.
5 ವಾರಗಳ ಕಾಲ ನಡೆಯುವ ಈ ಟೂರ್ನಮೆಂಟ್ನಲ್ಲಿ ಇಂಗ್ಲೆಂಡ್ನ 8 ಪ್ರಮುಖ 8 ನಗರಗಳು ಭಾಗವಹಿಸಲಿವೆ. ಪ್ರತಿ ಇನ್ನಿಂಗ್ಸ್ನಲ್ಲಿ 100 ಎಸೆತಗಳು ಇರಲಿದ್ದು, ಮೊದಲ 25 ಎಸೆತಗಳಿಗೆ ಪವರ್ ಪ್ಲೇ ಇರುತ್ತದೆ. ಒಬ್ಬ ಬೌಲರ್ ಸತತ 5 ಅಥವಾ 10 ಎಸೆತಗಳನ್ನು ಎಸೆಯಬಹುದು. ಪಂದ್ಯದಲ್ಲಿ ಪ್ರತಿಯೊಬ್ಬ ಬೌಲರ್ ಹೆಚ್ಚೆಂದರೆ 20 ಎಸೆತಗಳನ್ನು ಎಸೆಯಬಹುದಾಗಿದೆ.
