ಬ್ರಿಸ್ಬೇನ್ : ಸ್ಟೀವ್ ಸ್ಮಿತ್ ಈಗಾಗಲೇ ಬಾಲ್ ಟ್ಯಾಂಪರಿಂಗ್ ಪ್ರಕರಣದಲ್ಲಿ ಹೆಚ್ಚು ತಪ್ಪು ಮಾಡದೇ ದೊಡ್ಡ ಪ್ರಮಾಣದಲ್ಲಿ ಬೆಲೆ ತೆತ್ತಿದ್ದಾರೆ. ಅವರು ವಿಮೋಚನೆ ಮಾಡಿಕೊಳ್ಳುವ ಸಲುವಾಗಿ ಟೆಸ್ಟ್ ತಂಡದ ನಾಯಕತ್ವಕ್ಕೆ ಮರಳಬೇಕು ಎಂದು ಆಸ್ಟ್ರೇಲಿಯಾದ ಮಾಜಿ ವಿಕೆಟ್ ಕೀಪರ್ ಇಯಾನ್ ಹೀಲಿ ಅಭಿಪ್ರಾಯ ಪಟ್ಟಿದ್ದಾರೆ.
ದಕ್ಷಿಣ ಆಫ್ರಿಕಾ ವಿರುದ್ಧದ ಟೆಸ್ಟ್ ಸರಣಿ ವೇಳೆ ಬಾಲ್ ಟ್ಯಾಂಪರಿಂಗ್ ಪ್ರಕರಣದಲ್ಲಿ ಸಿಲುಕಿ ಕ್ರಿಕೆಟ್ ಆಸ್ಟ್ರೇಲಿಯಾದಿಂದ ಒಂದು ವರ್ಷ ನಿಷೇಧಕ್ಕೊಳಗಾಗಿದ್ದರು. 2018 ಮಾರ್ಚ್ನಿಂದ ಈವರೆಗೂ ಟಿಮ್ ಪೇನ್ ಟೆಸ್ಟ್ ತಂಡವನ್ನು ಮುನ್ನಡೆಸುತ್ತಿದ್ದಾರೆ. ಆ್ಯರೋನ್ ಫಿಂಚ್ ಸೀಮಿತ್ ಓವರ್ಗಳ ತಂಡದ ನಾಯಕತ್ವ ನಿರ್ವಹಿಸುತ್ತಿದ್ದಾರೆ.
"ಇಲ್ಲಿಂದ 12 ರಿಂದ 18 ತಿಂಗಳವರೆಗೆ ಅವರು ಟೆಸ್ಟ್ ತಂಡದ ನಾಯಕತ್ವ ನಿರ್ವಹಿಸಬೇಕು. ಅದು ಅವರು ಸ್ವತಃ ಬಯಸಿದ್ರೆ ಮಾತ್ರ. ಯಾಕೆಂದರೆ, ಅವರಿಗೆ ವಿಮೋಚನೆ ಮಾಡಿಕೊಳ್ಳಲು ಒಂದು ಅವಕಾಶ ನೀಡಬೇಕಿದೆ"ಎಂದು ಹೀಲಿ ಆಸ್ಟ್ರೇಲಿಯಾ ಮಾಧ್ಯಮಕ್ಕೆ ಹೇಳಿದ್ದಾರೆ.
ಅವರು ಬಲಿಷ್ಠವಾಗಿ ತಂಡವನ್ನು ಮುನ್ನಡೆಸಬೇಕೆಂದು ನಾನು ಬಯಸುತ್ತೇನೆ. ಆಟದಲ್ಲಿ ಕೌಶಲ್ಯಭರಿತ ನಾಯಕನಾಗಬೇಕೆಂದು ಮತ್ತು ಅವರನ್ನು ದ್ವೇಷಿಸುವ ಮತ್ತು ಸಾಮರ್ಥ್ಯದ ಮೇಲೆ ಸಂದೇಹ ಪಡುವವರಿಗೆ ತಿರುಗೇಟು ನೀಡಬೇಕೆಂದು ನಾನು ಬಯಸುತ್ತೇನೆ. ಹೆಚ್ಚೇನು ತಪ್ಪು ಮಾಡದೆ ಅವರು ಭಾರಿ ಬೆಲೆ ತೆತ್ತಿರುವುದಕ್ಕೆ ನಾನು ಆತನಿಗೆ ವಿಮೋಚನೆ ನೀಡಲು ಬಯಸುತ್ತೇನೆ ಎಂದು ಅವರು ಹೇಳಿದ್ದಾರೆ.
ಪ್ರಪಂಚದಾದ್ಯಂತದ ಪ್ರತಿಯೊಬ್ಬರೂ ಅವನು(ಸ್ಮಿತ್) ಚೆಂಡನ್ನು ವಿರೂಪಗೊಳಿಸಿದ್ದಾನೆಂದು ಭಾವಿಸುತ್ತಾರೆ. ಆದರೆ, ಅವರು ಸ್ವಲ್ಪ ಸೋಮಾರಿ ನಾಯಕನಾಗಿದ್ದು, ತಂಡದಲ್ಲಿ ಏನೂ ನಡೆಯುತ್ತಿದೆ ಎಂಬ ವಿಷಯವನ್ನು ತಿಳಿದುಕೊಳ್ಳಲು ವಿಫಲನಾಗಿ ದಂಡ ತೆತ್ತಿದ್ದಾನೆ ಎಂದು ಹೀಲಿ ಅಭಿಪ್ರಾಯಪಟ್ಟಿದ್ದಾರೆ.
ಇದನ್ನು ಓದಿ:ಆಸ್ಟ್ರೇಲಿಯಾ ಈ ಸರಣಿ ಡ್ರಾ ಮಾಡಿಕೊಂಡ್ರೆ, ಸೋಲಿಗಿಂತಲೂ ಹೀನಾಯ : ರಿಕಿ ಪಾಂಟಿಂಗ್
