ಮುಂಬೈ: ಟೀಂ ಇಂಡಿಯಾ ತಂಡದ ನೂತನ ಕೋಚ್ ಆಗಿ ಮತ್ತೊಂದು ಅವಧಿಗೆ ರವಿಶಾಸ್ತ್ರಿ ಪುನರಾಯ್ಕೆಗೊಂಡಿದ್ದು, ಇದೀಗ ಸಹಾಯಕ ಕೋಚ್ ಹುದ್ದೆಗೆ ಇಂದು ಕೆಲ ಅಭ್ಯರ್ಥಿಗಳ ಸಂದರ್ಶನ ನಡೆಯುತ್ತಿದೆ.
ಬ್ಯಾಟಿಂಗ್,ಬೌಲಿಂಗ್ ಹಾಗೂ ಫಿಲ್ಡಿಂಗ್ ಕೋಚ್ಗಾಗಿ ಕೆಲ ಅಭ್ಯರ್ಥಿಗಳು ಅರ್ಜಿ ಸಲ್ಲಿಕೆ ಮಾಡಿದ್ದು, ಅವರನ್ನ ಆಯ್ಕೆ ಸಮಿತಿ ಮುಖ್ಯಸ್ಥರಾಗಿರುವ ಎಂಎಸ್ಕೆ ಪ್ರಸಾದ್ ನೇತೃತ್ವದ ಕಮೀಟಿ ಆಯ್ಕೆ ಮಾಡಲಿದೆ.
ಈಗಾಗಲೇ ಟೀಂ ಇಂಡಿಯಾದ ಸಹಾಯಕ ಕೋಚ್ ಆಗಿ ಭರತ್ ಅರುಣ್ (ಬೌಲಿಂಗ್) ಆರ್ ಶ್ರೀಧರ್(ಫಿಲ್ಡಿಂಗ್) ಹಾಗೂ ಸಂಜಯ್ ಬಂಗಾರ್(ಬ್ಯಾಟಿಂಗ್) ಕೋಚ್ಗಳಾಗಿ ಸೇವೆ ಸಲ್ಲಿಸುತ್ತಿದ್ದು, ಇವರ ಅವಧಿ ವೆಸ್ಟ್ ಇಂಡೀಸ್ ವಿರುದ್ಧದ ಟೆಸ್ಟ್ ಸರಣಿಯೊಂದಿಗೆ ಮುಕ್ತಾಯವಾಗಲಿದೆ.
ಲಭ್ಯವಾಗಿರುವ ಮಾಹಿತಿ ಪ್ರಕಾರ ಇನ್ನೊಂದು ಅವಧಿಗೆ ಭರತ್ ಅರುಣ್(ಬೌಲಿಂಗ್) ಆರ್ ಶ್ರೀಧರ್(ಫಿಲ್ಡಿಂಗ್) ಮುಂದುವರಿಯಲಿದ್ದು, ಬ್ಯಾಟಿಂಗ್ ಕೋಚ್ ಸಂಜಯ್ ಬಂಗಾರ್ ಅವರ ಮೇಲೆ ತೂಗುಗುತ್ತಿ ಇದೆ ಎನ್ನಲಾಗಿದೆ.
ಬ್ಯಾಟಿಂಗ್ ಕೋಚ್ ಆಗಿ ರಾಬಿನ್ ಸಿಂಗ್, ಅಮೂಲ್ ಮುಜುಮಬ್ಬಿರ್, ಹೃಷಿಕೇಶ್ ಕನಿತ್ಕರ್, ಲಾಲ್ಚಂದ್ ರಜಪೂತ್, ಮಿಥುನ್ ಮನ್ಹಾಸ್ ಮತ್ತು ಪ್ರವೀಣ್ ಆಮ್ರೆ ಸೇರಿ ಇಂಗ್ಲೆಂಡ್ನ ಮಾಜಿ ಬ್ಯಾಟ್ಸ್ಮನ್ಗಳಾದ ಜೋನಾಥನ್ ಟ್ರೋಟ್ ಹಾಗೂ ಮಾರ್ಕ್ ರಾಂಪ್ರಕಾಶ್ ಅರ್ಜಿ ಸಲ್ಲಿಸಿದ್ದಾರೆ.
ಬೌಲಿಂಗ್ ಕೋಚ್ ಆಗಲು ವೆಂಕಟೇಶ್ ಪ್ರಸಾದ್, ಸುನೀಲ್ ಜೋಶಿ ಅರ್ಜಿ ಸಲ್ಲಿಸಿದ್ದು, ಫಿಲ್ಡಿಂಗ್ ಕೋಚ್ಗಾಗಿ ದಕ್ಷಿಣ ಆಫ್ರಿಕಾದ ಜಾಂಟಿ ರೊಡ್ಸ್ ರೇಸ್ನಲ್ಲಿದ್ದಾರೆ. ಇನ್ನು ಆಯ್ಕೆಗೊಳ್ಳುವ ಅಭ್ಯರ್ಥಿಗಳ ಹೆಸರು ಗುರುವಾರದೊಳಗೆ ಬಹಿರಂಗಗೊಳ್ಳಲಿದೆ.
