ಮುಂಬೈ: ಭಾರತ ತಂಡದ ಸ್ವಿಂಗ್ ಸ್ಪೆಷಲಿಸ್ಟ್ ಭುವನೇಶ್ವರ್ ಕುಮಾರ್ ಚೆಂಡಿನ ಹೊಳಪಿಗೆ ಬೆವರು ಬಳಕೆ ಮಾಡಬಹುದು ಎಂಬ ಮಾತಿಗೆ ಪ್ರತಿಕ್ರಿಯಿಸಿದ್ದು, ಪ್ರಪಂಚದೆಲ್ಲೆಡೆ ಬೆವರು ಬಳಕೆ ಮಾಡುವುದು ಅಸಾಧ್ಯ ಎಂದು ಅಭಿಪ್ರಾಯವ್ಯಕ್ತಪಡಿಸಿದ್ದಾರೆ.
ಕೋವಿಡ್ 19 ವೈರಸ್ ಹರಡುವ ಭೀತಿಯಿಂದ ಅಂತಾರಾಷ್ಟ್ರೀಯ ಕ್ರಿಕೆಟ್ ಮಂಡಳಿ ತಾತ್ಕಾಲಿಕವಾಗಿ ಚೆಂಡು ಹೊಳಪು ಮಾಡಲು ಎಂಜಲು ಬಳಸುವುದನ್ನು ನಿಷೇಧ ಮಾಡಿದೆ. ಇದರ ಬದಲಾಗಿ ಬೆವರು ಬಳಕೆ ಮಾಡಲು ಅವಕಾಶ ನೀಡಿದೆ. ಆದರೆ ಭುವನೇಶ್ವರ್ ಕುಮಾರ್ ಪ್ರಪಂಚದೆ ಕೆಲವೆಡೆ ಬೆವರು ಬಾರದಿರುವ ಸಂದರ್ಭದಲ್ಲಿ ಬೌಲರ್ಗಳಿಗೆ ಕಷ್ಟವಾಗುತ್ತದೆ ಎಂದಿದ್ದಾರೆ.
"ಪ್ರಪಂಚದ ಎಲ್ಲೆಡೆ ಬೆವರು ಬಳಕೆ ಸಾಧ್ಯವಿಲ್ಲ, ಖಂಡಿತವಾಗಿಯೂ ಇದು ಸವಾಲಿನ ಸಂಗತಿಯಾಗಿದೆ. ಶೀಘ್ರದಲ್ಲೇ ಈ ಆಲೋಚನೆ ಉತ್ತಮಗೊಳ್ಳುತ್ತವೆ ಎಂದು ಭಾವಿಸುತ್ತೇವೆ" ಎಂದು ಕುಮಾರ್ ಭಾನುವಾರ ಅಭಿಮಾನಿಗಳೊಂದಿಗೆ ನಡೆಸಿದ ಟ್ವಿಟರ್ ಚಾಟ್‌ನಲ್ಲಿ ಹೇಳಿದ್ದಾರೆ.
ಚೆಂಡು ಹೊಳೆಯುವಂತೆ ಮಾಡಲು ಕೃತಕ ವಿಧಾನವನ್ನು ಐಸಿಸಿ ಕಂಡುಕೊಳ್ಳಲಿದೆ ಎಂದು ನಾನು ಭಾವಿಸಿದ್ದೇವೆ. ಇಂಗ್ಲೆಂಡ್ನಂತಹ ರಾಷ್ಟ್ರಗಳಲ್ಲಿ ಬೌಲಿಂಗ್ ಮಾಡುವಾಗ ವೇಗಿಗಳಿಗೆ ಅಗತ್ಯವಾಗಿ ಚೆಂಡಿನ ಹೊಳಪು ತರುವ ಯಾವುದಾದರೂ ವಸ್ತು ಅಗತ್ಯವಾಗಿದೆ. ಇದು ವೇಗಿಗಳಿಗಷ್ಟೇ ಅಲ್ಲ ಸ್ಪಿನ್ನರ್ಗಳಿಗೂ ಅಗತ್ಯ ಎಂದಿದ್ದಾರೆ.
ಭುವನೇಶ್ವರ್ ಚಾಟ್ವೇಳೆ ಕೆಲವು ಕುತೂಹಲಕಾರಿ ವಿಚಾರಗಳನ್ನು ಬಿಚ್ಚಿಟ್ಟಿದ್ದಾರೆ. ಅವರು ಮೊಟ್ಟ ಮೊದಲು ಸ್ವೀಕರಿಸಿದ ಚೆಕ್ 3000 ರೂ, ಆಗಿತ್ತೆಂದು, ಅದರಲ್ಲೇ ಶಾಪಿಂಗ್ ಮಾಡಿದ್ದಲ್ಲದೆ ಸ್ವಲ್ಪ ಹಣವನ್ನು ಉಳಿತಾಯ ಮಾಡಿದ್ದಾಗಿ ಹೇಳಿಕೊಂಡಿದ್ದಾರೆ.
ಐಪಿಎಲ್ನಲ್ಲಿ 2016ರ ಆವೃತ್ತಿಯಲ್ಲಿ ಚಾಂಪಿಯನ್ ಆಗಿದ್ದು ಅವರಿಗೆ ಅತ್ಯಂತ ಮದುರ ಕ್ಷಣ ಎಂದು ಉತ್ತರಿಸಿದ್ದಾರೆ.
