ರಾಜ್ ಕೋಟ್: ಐಸಿಸಿ ಬುಧವಾರ ಬಿಡುಗಡೆ ಮಾಡಿರುವ ವಾರ್ಷಿಕ ಪ್ರಶಸ್ತಿಯಲ್ಲಿ ಒಂದಾದ 'ವರ್ಷದ ಸ್ಪಿರಿಟ್ ಆಫ್ ಕ್ರಿಕೆಟ್' ಪ್ರಶಸ್ತಿಯನ್ನು ಕೊಹ್ಲಿ ತನ್ನದಾಗಿಸಿಕೊಂಡಿದ್ದಾರೆ.
ವಿರಾಟ್ ಕೊಹ್ಲಿ ಇಂದು ವಿಶ್ವದ ಅತ್ಯುತ್ತಮ ಬ್ಯಾಟ್ಸ್ಮನ್. ಜೊತೆಗೆ ನಾಯಕನಾಗಿಯೂ ಗಗನದೆತ್ತರಕ್ಕೆ ಬೆಳೆದ ವಿಶ್ವಪ್ರಸಿದ್ಧ ಕ್ರಿಕೆಟರ್. ಅಷ್ಟೇ ಅಲ್ಲ, ವಿಶ್ವದಾದ್ಯದಂತ ಅತಿ ಹೆಚ್ಚು ಅಭಿಮಾನಿಗಳನ್ನೂ ಅವರು ಹೊಂದಿದ್ದಾರೆ. ಆದರೆ ವೃತ್ತಿ ಜೀವನದ ಆರಂಭದಲ್ಲಿ ಕೋಪಿಷ್ಠನಾಗಿದ್ದ ಕೊಹ್ಲಿ ಎದುರಾಳಿ ತಂಡದವರು ಕೆಣಕಿದರೆ ಮೈದಾನದಲ್ಲೇ ಮುಲಾಜಿಲ್ಲದೆ ಉತ್ತರಿಸುತ್ತಿದ್ದರು.ಈ ಹಿಂದೆ ಆಸೀಸ್ ಅಭಿಮಾನಿಗಳು ಹೀಯಾಳಿಸಿದ್ದಕ್ಕೆ ತಮ್ಮ ಮಧ್ಯದ ಬೆರಳು ತೋರಿಸಿದ ಅವರು ದೊಡ್ಡ ವಿವಾದಕ್ಕೆ ಸಿಲುಕಿ ಭಾರೀ ದಂಡವನ್ನೇ ತೆತ್ತಿದ್ದರು. ಅಲ್ಲದೆ ಕೊಹ್ಲಿ, ಆನೇಕ ಕ್ರಿಕೆಟಿಗರು, ಅಂಪೈರ್ಗಳೊಡನೆ ಹಲವು ಬಾರಿ ಮಾತಿನ ಚಕಮಕಿ ನಡೆಸಿದ್ದು ಐಸಿಸಿ ಕೆಂಗಣ್ಣಿಗೆ ಗುರಿಯಾ ನಿದರ್ಶನಗಳಿವೆ.
-
A lovely moment in a special year of cricket.@imVkohli discusses the importance of playing cricket in the right way 👏 #ICCAwards pic.twitter.com/u3x44GFqQQ
— ICC (@ICC) January 15, 2020 " class="align-text-top noRightClick twitterSection" data="
">A lovely moment in a special year of cricket.@imVkohli discusses the importance of playing cricket in the right way 👏 #ICCAwards pic.twitter.com/u3x44GFqQQ
— ICC (@ICC) January 15, 2020A lovely moment in a special year of cricket.@imVkohli discusses the importance of playing cricket in the right way 👏 #ICCAwards pic.twitter.com/u3x44GFqQQ
— ICC (@ICC) January 15, 2020
ಪ್ರಶಸ್ತಿ ಪಡೆದಿರುವುದರ ಕುರಿತು ಮಾತನಾಡಿರುವ ಕೊಹ್ಲಿ, ಅನೇಕ ವರ್ಷಗಳ ಕೆಲವು ತಪ್ಪುಗಳಿಂದ ಸಾಕಷ್ಟು ಕಲಿತಿದ್ದೇನೆ. ನನಗೆ ಈ ಪ್ರಶಸ್ತಿ ಬಂದಿರುವುದಕ್ಕೆ ಅಚ್ಚರಿಯಾಗಿದೆ ಎಂದರು.
ಈ ಪ್ರಶಸ್ತಿ ನೀಡಿರುವುದಕ್ಕೆ ಕಾರಣವಾದ ಘಟನೆ ಬಗ್ಗೆ ಅವರು ಮೆಲುಕು ಹಾಕಿದ್ದು, ಯಾವುದೇ ಒಬ್ಬ ಆಟಗಾರ ತನ್ನ ತಪ್ಪಿಗೆ ಶಿಕ್ಷೆ ಅನುಭವಿಸಿ ತಂಡಕ್ಕೆ ವಾಪಸಾಗಿರುವ ಸಂದರ್ಭದಲ್ಲಿ ಆತನನ್ನು ಭಾವನಾತ್ಮಕವಾಗಿ ಕುಗ್ಗಿಸಲು ಆತನನ್ನೇ ಗುರಿಯಾಗಿಸಿ ಹಿಯ್ಯಾಳಿಸುವುದು ಸರಿಯಲ್ಲ. ಕ್ರಿಕೆಟ್ ಅಟವನ್ನು ಪ್ರೀತಿಸುವ, ಗೌರವಿಸುವ ನಮ್ಮಂಥ ಅಭಿಮಾನಿಗಳು ಆ ರೀತಿ ಎದುರಾಳಿ ಆಟಗಾರರನ್ನು ಹಿಯ್ಯಾಳಿಸುವುದು ಸಭ್ಯತೆಯಲ್ಲ. ಅದನ್ನು ನಾವು ಯಾವುದೇ ಹಂತದಲ್ಲೂ ಒಪ್ಪಿಕೊಳ್ಳಬಾರದು, ಜನರು ಅದನ್ನು ಅರಿಯಬೇಕು ಎಂದು ಕೊಹ್ಲಿ ಕಿವಿಮಾತು ಹೇಳಿದ್ದಾರೆ.
2019 ಜೂನ್ 9 ರಂದು ನಡೆದಿದ್ದ ಆ ಪಂದ್ಯದಲ್ಲಿ ಚೆಂಡು ವಿರೂಪ ಪ್ರಕರಣದಿಂದ ಒಂದು ವರ್ಷ ನಿಷೇಧ ಶಿಕ್ಷೆ ಅನುಭವಿಸಿ ವಿಶ್ವಕಪ್ಗೆ ಮರಳಿರುವ ಸ್ಟೀವ್ ಸ್ಮಿತ್ ಹಾಗೂ ಡೇವಿಡ್ ವಾರ್ನರ್ ಅವರನ್ನು ಅಭಿಮಾನಿಗಳು ಬೆಂಬಿಡದೆ ಕಾಡುತ್ತಿದ್ದಾರೆ.
ಭಾರತದ ವಿರುದ್ಧದ ಪಂದ್ಯದಲ್ಲೂ ಕೋಪಗೊಂಡ ಕೊಹ್ಲಿ 'ಚೀಟರ್' ಎಂದು ಹೇಳುವುದನ್ನು ನಿಲ್ಲಿಸಿ, ನಮ್ಮನ್ನು ಪ್ರೋತ್ಸಾಹಿಸಿ ಎಂದು ಕೈಸನ್ನೆ ಮೂಲಕ ಅಭಿಮಾನಿಗಳಿಗೆ ತಿಳಿಸಿದ್ದರು. ಕೊಹ್ಲಿ ಅವರ ಈ ಕ್ರೀಡಾಸ್ಫೂರ್ತಿಗೆ ಇಡೀ ವಿಶ್ವವೇ ಮೆಚ್ಚುಗೆ ವ್ಯಕ್ತಪಡಿಸಿತ್ತು. ಇದೀಗ ಐಸಿಸಿ ಕೂಡ ಸ್ಪಿರಿಟ್ ಆಫ್ ಕ್ರಿಕೆಟ್ ಪ್ರಶಸ್ತಿ ನೀಡಿ ಗೌರವಿಸಿದೆ.