ಸಿಡ್ನಿ: 14ನೇ ಆವೃತ್ತಿ ಇಂಡಿಯನ್ ಪ್ರೀಮಿಯರ್ ಲೀಗ್ಗೋಸ್ಕರ ನಡೆದ ಹರಾಜು ಪ್ರಕ್ರಿಯೆಯಲ್ಲಿ ಆಸ್ಟ್ರೇಲಿಯಾದ ಪ್ರಮುಖ ಬ್ಯಾಟ್ಸಮನ್ ಸ್ವೀವ್ ಸ್ಮಿತ್ ಕಡಿಮೆ ಹಣಕ್ಕೆ ಹರಾಜುಗೊಂಡಿದ್ದು, ಇದೇ ಕಾರಣಕ್ಕಾಗಿ ಅವರು ಟೂರ್ನಿಯಿಂದ ಹೊರಬರುವ ಸಾಧ್ಯತೆಗಳಿವೆ ಎಂದು ಹೇಳಲಾಗುತ್ತಿದೆ.
ಆಸ್ಟ್ರೇಲಿಯಾದ ಮಾಜಿ ಕ್ಯಾಪ್ಟನ್ ಮೈಕಲ್ ಕ್ಲಾರ್ಕ್ ಇದೇ ವಿಷಯವಾಗಿ ಮಾತನಾಡಿದ್ದು, ಖಂಡಿತವಾಗಿ ಕಳೆದ ವರ್ಷ ಸ್ಮಿತ್ ಐಪಿಎಲ್ನಲ್ಲಿ ಉತ್ತಮ ಪ್ರದರ್ಶನ ನೀಡಿಲ್ಲ. ಆದರೆ ಇಷ್ಟೊಂದು ಕಡಿಮೆ ಹಣಕ್ಕೆ ಅವರು ಸೇಲ್ ಆಗಿರುವುದು ನನಗೆ ಆಶ್ಚರ್ಯ ಮೂಡಿಸಿದೆ ಎಂದಿದ್ದಾರೆ. ಕಡಿಮೆ ಹಣಕ್ಕೆ ಸೇಲ್ ಆಗಿರುವ ಕಾರಣ ಸ್ಮಿತ್ ಟೂರ್ನಿಯಿಂದ ಹೊರಬರುವ ಸಾಧ್ಯತೆ ಇದೆ ಎಂದು ಕ್ಲಾರ್ಕ್ ಹೇಳಿದ್ದು, ಇದೀಗ ಆಸ್ಟ್ರೇಲಿಯಾ ಆಟಗಾರರ ನಡೆ ಬಗ್ಗೆ ಇನ್ನಿಲ್ಲದ ಚರ್ಚೆ ಶುರುವಾಗಿದೆ.
ಓದಿ: 'ವಾತಿ ಕಮ್ಮಿಂಗ್' ಹಾಡಿಗೆ ಭರ್ಜರಿ ಸ್ಟೇಪ್ ಹಾಕಿದ ಅಶ್ವಿನ್, ಹಾರ್ದಿಕ್, ಕುಲ್ದೀಪ್!
2018ರಲ್ಲಿ ಬರೋಬ್ಬರಿ 12.5 ಕೋಟಿ ರೂ.ಗೆ ರಾಜಸ್ಥಾನ ತಂಡಕ್ಕೆ ಸೇಲ್ ಆಗಿದ್ದ ಸ್ಮಿತ್, 2020ರಲ್ಲಿ ತಂಡದ ಕ್ಯಾಪ್ಟನ್ ಆಗಿ ಆಯ್ಕೆಯಾಗಿದ್ದರು. ಆದರೆ ತಂಡ ಪಾಯಿಂಟ್ ಪಟ್ಟಿಯಲ್ಲಿ ಕೊನೆ ಸ್ಥಾನದಲ್ಲಿತ್ತು. ಹೀಗಾಗಿ ತಂಡ ಅವರನ್ನ ಕೈಬಿಟ್ಟಿತ್ತು. ಕಳೆದ ಐಪಿಎಲ್ ಆವೃತ್ತಿಯಲ್ಲಿ 14 ಪಂದ್ಯಗಳಿಂದ 311ರನ್ಗಳಿಕೆ ಮಾಡಿದ್ದ ಸ್ಮಿತ್ ಮೂರು ಅರ್ಧಶತಕ ಸಿಡಿಸಿದ್ದರು. ಈ ಸಲ ಡೆಲ್ಲಿ ಕ್ಯಾಪಿಟಲ್ 2.2 ಕೋಟಿ ರೂ. ನೀಡಿ ಅವರನ್ನ ಖರೀದಿ ಮಾಡಿದೆ.
