ಲಂಡನ್: ಆ್ಯಶಸ್ ಟೆಸ್ಟ್ ಸರಣಿಯ 5ನೇ ಪಂದ್ಯದಲ್ಲಿ 80 ರನ್ ಗಳಿಸಿದ ಸ್ಟೀವ್ ಸ್ಮಿತ್ ಇಂಗ್ಲೆಂಡ್ ವಿರುದ್ಧ ಸತತ 10 ಇನ್ನಿಂಗ್ಸ್ನಲ್ಲಿ ಅರ್ಧಶತಕ ಸಿಡಿಸಿದ ದಾಖಲೆಗೆ ಪಾತ್ರರಾಗಿದ್ದಾರೆ.
ಸ್ಮಿತ್ ಪ್ರಸ್ತುತ ಆ್ಯಶಸ್ನ 6 ಇನ್ನಿಂಗ್ಸ್ ಸೇರಿದಂತೆ ಕಳೆದ 10 ಇನ್ನಿಂಗ್ಸ್ನಲ್ಲಿ ಅರ್ಧಶತಕ ಅಥವಾ ಅರ್ಧಶತಕಕ್ಕಿಂತ ಹೆಚ್ಚು ರನ್ ಗಳಿಸಿದ್ದಾರೆ. ಕಳೆದ 10 ಆ್ಯಶಸ್ ಇನ್ನಿಂಗ್ಸ್ನಲ್ಲಿ 239, 76, 102*, 83, 144, 142, 92, 211, 82, 80 ರನ್ಗಳಿಸಿದ್ದಾರೆ. ಮೊದಲ 4 ಅರ್ಧಶತಕಗಳು ಇವರು ನಿಷೇಧಕ್ಕೊಳಗಾಗುವ ಮುನ್ನ ನಡೆದಿದ್ದ ಆ್ಯಶಸ್ ಸರಣಿಯಲ್ಲಿ ಬಂದಿದ್ದವು.
ಸ್ಮಿತ್ ಸತತ 10 ಅರ್ಧಶತಕ ದಾಖಲಿಸುವ ಮೂಲಕ ಪಾಕಿಸ್ತಾನದ ಇಂಜಮಾಮ್ ಉಲ್ ಹಕ್ ದಾಖಲೆ ಅಳಿಸಿ ಹಾಕಿದ್ದಾರೆ. ಇಂಜಮಾಮ್ ಕೂಡ ಇಂಗ್ಲೆಂಡ್ ವಿರುದ್ಧವೇ ಸತತ 9 ಇನ್ನಿಂಗ್ಸ್ನಲ್ಲಿ ಅರ್ಧಶತಕ ಸಾಧನೆ ಮಾಡಿದ್ದರು.
ಬಾಲ್ ಟ್ಯಾಂಪರಿಂಗ್ ಪ್ರಕರಣದ ನಂತರ ಇದೇ ಮೊದಲ ಟೆಸ್ಟ್ ಸರಣಿ ಆಡುತ್ತಿದ್ದು, ಆಕರ್ಷಕ ಪ್ರದರ್ಶನ ತೋರುತ್ತಿದ್ದಾರೆ. ಪ್ರಸ್ತುತ ಸರಣಿಯಲ್ಲಿ 4 ಪಂದ್ಯಗಳಲ್ಲಿ 6 ಇನ್ನಿಂಗ್ಸ್ ಮೂಲಕ 751 ರನ್ ಗಳಿಸಿದ್ದಾರೆ. ಇದರಲ್ಲಿ 3 ಶತಕ 3 ಅರ್ಧಶತಕ ಸೇರಿದೆ. ಇದರಲ್ಲಿ ಇವರ ಗರಿಷ್ಠ ಸ್ಕೋರ್ 211 ಆಗಿದೆ.
ಸತತ 6 ಪಂದ್ಯಗಳಲ್ಲಿ 80ಕ್ಕೂ ಹೆಚ್ಚು ರನ್ಗಳಿಸುವ ಮೂಲಕ 76 ವರ್ಷಗಳ ದಾಖಲೆಯನ್ನು ಸರಿದೂಗಿಸಿದ್ದಾರೆ. ವೆಸ್ಟ್ ಇಂಡೀಸ್ನ ಎವರ್ಟ್ ವೀಕ್ಸ್ ಕೂಡ ಸತತ 680+ ಸ್ಕೋರ್ ದಾಖಲಿಸಿದ್ದರು.
