ಕ್ರೀಸ್​ ಮಧ್ಯೆ ಬಾಲ್​ ಬಿದ್ದು ಗಾಯಗೊಂಡ ಆಟಗಾರ: ರನ್ ​ಔಟ್​ ಮಾಡದೇ ಕ್ರೀಡಾ ಸ್ಪೂರ್ತಿ ಮೆರದ ಲಂಕಾ ಬೌಲರ್​​

ಗಾಯಗೊಂಡು ನರಳುತ್ತಿದ್ದ ಬ್ಯಾಟ್ಸ್​ಮನ್​ ರನ್​ಔಟ್​ ಮಾಡುವ ಬದಲು ಅವರ​​ ಬಳಿ ತೆರಳಿ ಅವರ ಆರೋಗ್ಯ ವಿಚಾರಿಸಿದ ಲಂಕಾ ಬೌಲರ್​ನ ಕ್ರೀಡಾ ಸ್ಫೂರ್ತಿಗೆ ಕ್ರಿಕೆಟ್​ ಅಭಿಮಾನಿಗಳು  ಮೆಚ್ಚುಗೆ ಹೆಚ್ಚು ವ್ಯಕ್ತಪಡಿಸುತ್ತಿದ್ದಾರೆ.

ಪಾರ್ಲ್​ ( ದಕ್ಷಿಣ ಆಫ್ರಿಕಾ) : ಶ್ರೀಲಂಕಾ ತಂಡದ ಆಲ್​ರೌಂಡರ್​ ಇಸುರು ಉದಾನ ಮಜಾನ್ಸಿ ಸೂಪರ್​ ಲೀಗ್​ನಲ್ಲಿ ಎದುರಾಳಿಯ ತಂಡದ ಬ್ಯಾಟ್ಸ್​ಮನ್​ ಗಾಯಗೊಂಡು ಕ್ರೀಸ್​ ಮಧ್ಯದಲ್ಲಿದ್ದರೂ ಅವರನ್ನು ರನ್​ಔಟ್​ ಮಾಡದೇ ಕ್ರೀಡಾ ಸ್ಪೂರ್ತಿ ಮೆರೆದಿದ್ದಾರೆ.

ಮಜಾನ್ಸಿ ಸೂಪರ್​ ಲೀಗ್​ನಲ್ಲಿ ಪಾರ್ಲ್​ ರಾಕ್ಸ್​ ತಂಡದ ಪರ ಆಡುತ್ತಿರುವ ಉದಾನ 19 ನೇ ಓವರ್​ ಮಾಡುತ್ತಿದ್ದ ವೇಳೆ, ಎದುರಾಳಿ ನೆಲ್ಸನ್​ ಮಂಡೇಲಾ ಜೈಂಟ್ಸ್​ಗೆ 8 ಎಸೆತಗಳಲ್ಲಿ 24 ರನ್​ಗಳ ಅವಶ್ಯಕತೆಯಿತ್ತು. ಈ ವೇಳೆ ಉದಾನರ ಬೌಲಿಂಗ್​ನಲ್ಲಿ ಕೀಪರ್ ಬ್ಯಾಟ್ಸ್​ಮನ್​​ ಹೀನೋ ಕುಹ್ನ್​ ಬಲವಾಗಿ ಹೊಡೆದ ಚೆಂಡ್ ನಾನ್​ ಸ್ಟ್ರೈಕರ್​ನಲ್ಲಿದ್ದ ಮಾರ್ಕೊ ಮರಾಯಿಸ್​ ಅವರ ತೋಳಿಗೆ ಬಿದ್ದು ನೋವಿನಿಂದ ನರಳಾಡುತ್ತಿದ್ದರು.

• Spirit of cricket🤝
  
  Raise your hand for more moments like this! Always! ⁠🖐️🖐️🖐️🖐️#mslt20 pic.twitter.com/5nA8q9rQ2U

  — Mzansi Super League 🔥 🇿🇦 🏏 (@MSL_T20) December 8, 2019 " class="align-text-top noRightClick twitterSection" data="

  Spirit of cricket🤝
  
  Raise your hand for more moments like this! Always! ⁠🖐️🖐️🖐️🖐️#mslt20 pic.twitter.com/5nA8q9rQ2U

  — Mzansi Super League 🔥 🇿🇦 🏏 (@MSL_T20) December 8, 2019

  ">

  Spirit of cricket🤝
  
  Raise your hand for more moments like this! Always! ⁠🖐️🖐️🖐️🖐️#mslt20 pic.twitter.com/5nA8q9rQ2U

  — Mzansi Super League 🔥 🇿🇦 🏏 (@MSL_T20) December 8, 2019

ಈ ವೇಳೆ ಕ್ರೀಸ್​ ಮಧ್ಯೆ ತಲುಪಿದ್ದ ಮಾರ್ಕಸ್​ರನ್ನು ಉದಾನ ರನ್​ಔಟ್​ ಮಾಡುವ ಅದ್ಭುತ ಅವಕಾಶವಿತ್ತು. ಆದರೆ ಉದಾನ ರನ್​ಔಟ್​ ಮಾಡದೇ ಮರಾಯಿಸ್​​ ಬಳಿ ತೆರಳಿ ಅವರ ಆರೋಗ್ಯ ವಿಚಾರಿಸಿಕೊಂಡರು. ಈ ವಿಡಿಯೋವನ್ನು ಮಜಾನ್ಸಿ ಸೂಪರ್​ ಲೀಗ್​ ತನ್ನ ಟ್ವಿಟರ್​ನಲ್ಲಿ ಟ್ವೀಟ್​ ಮಾಡಿದ್ದು, ಉದಾನ ಕ್ರೀಡಾ ಸ್ಫೂರ್ತಿಗೆ ಕ್ರಿಕೆಟ್​ ಅಭಿಮಾನಿಗಳು ಮೆಚ್ಚುಗೆ ಹೆಚ್ಚು ವ್ಯಕ್ತಪಡಿಸಿದ್ದಾರೆ.

ರನ್​ಔಟ್​ನಿಂದ ತಪ್ಪಿಸಿಕೊಂಡ ನಂತರದ ಎಸೆತವನ್ನು ಗಾಯಗೊಂಡಿದ್ದ ಮಾರ್ಕಸ್​ ಸಿಕ್ಸರ್​ ಸಿಡಿಸಿ ತಂಡವನ್ನು ಗೆಲುವಿನ ಸನಿಹ ತಂದರೂ ಗೆಲುವು ದಕ್ಕಿಸಿಕೊಳ್ಳಲಾಗಲಿಲ್ಲ. ನೆಲ್ಸನ್​ ಮಂಡೇಲಾ ಜೈಂಟ್ಸ್​ಗೆ 12 ರನ್​ಗಳಿಂದ ಸೋಲನುಭವಿಸಿ ಅಂಕಪಟ್ಟಿಯಲ್ಲಿ ಎರಡನೇ ಸ್ಥಾನ ಪಡೆಯಿತು.