ಆರ್​ಸಿಬಿ ಅಥವಾ ಕೆಕೆಆರ್​ನಲ್ಲಿ ಅವಕಾಶ ಬೇಕು.. ವಿಶ್ವದ ಶ್ರೇಷ್ಠ ಓಟಗಾರನಿಗೆ ಐಪಿಎಲ್​ನಲ್ಲಿ ಮಿಂಚುವಾಸೆ..

ಜಮೈಕಾದ ವೇಗದ ಓಟಗಾರ ಯೋಹಾನ್ ಬ್ಲೇಕ್ ಐಪಿಎಲ್​ನಲ್ಲಿ ಬೆಂಗಳೂರು ಅಥವಾ ಕೋಲ್ಕತ್ತಾ ಪರ ಆಡುವ ಇಂಗಿತ ಪ್ಯಕ್ತಪಡಿಸಿದ್ದಾರೆ.

ಹೈದರಾಬಾದ್: ಜಮೈಕಾದ ಅಥ್ಲಿಟ್ ಯೋಹಾನ್ ಬ್ಲೇಕ್​ ತನ್ನ ಮೂಲ ಕ್ರೀಡೆಗೆ ನಿವೃತ್ತಿ ಘೋಷಣೆ ಮಾಡಿದ ನಂತರ ಕ್ರಿಕೆಟ್​ ಆಡುವ ಇಂಗಿತ ವ್ಯಕ್ತಪಡಿಸಿದ್ದಾರೆ.

ಸಂದರ್ಶನವೊಂದರಲ್ಲಿ ತನ್ನ ಮನದಾಳ ಹಂಚಿಕೊಂಡಿರುವ ಯೋಹಾನ್ ಬ್ಲೇಕ್, 'ನಾನು ಹೆಚ್ಚು ಎಂದರೆ ಇನ್ನು 2 ವರ್ಷ ಟ್ರ್ಯಾಕ್​ನಲ್ಲಿ ಓಡಬಹುದು ಅಷ್ಟೆ. ಆನಂತರ ನನ್ನ ಒಲವು ಕ್ರಿಕೆಟ್​​ನತ್ತ ಇದೆ ಎಂದಿದ್ದಾರೆ.

ಯೋಹಾನ್ ಬ್ಲೇಕ್

ನನಗೆ ವೆಸ್ಟ್​ ಇಂಡೀಸ್​ ತಂಡದ ಪರ ಆಡುವ ಆಸೆ ಇಲ್ಲ ಇಂಡಿಯನ್​ ಪ್ರೀಮಿಯರ್​ ಲೀಗ್​ನಲ್ಲಿ ಭಾಗವಹಿಸುವ ಆಸೆ ಇದೆ. ರಾಯಲ್​ ಚಾಲೆಂಜರ್ಸ್ ಬೆಂಗಳೂರು ಅಥವಾ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡದ ಪರ ಆಡುವ ಆಸೆ ಇದೆ ಯಾಕೆಂದರೆ ಈ ಎರಡೂ ತಂಡದ ಪರ ಕ್ರಿಸ್​ ಗೇಲ್ ಹೆಚ್ಚು ಪಂದ್ಯಗಳನ್ನ ಆಡಿದ್ದರು ಎಂದಿದ್ದಾರೆ. ಅಲ್ಲದೆ ನನಗೆ ಆರ್​ಸಿಬಿ ತಂಡ ಎಂದರೆ ತುಂಬಾ ಇಷ್ಟ ಅದರಲ್ಲೂ ವಿರಾಟ್ ಕೊಹ್ಲಿ ಮತ್ತು ಎಬಿಡಿ ವಿಲಿಯರ್ಸ್​ ನನ್ನ ನೆಚ್ಚಿನ ಆಟಗಾರರು ಎಂದು ಯೋಹಾನ್ ಬ್ಲೇಕ್ ಹೇಳಿದ್ದಾರೆ.

2012ರ ಒಲಿಂಪಿಕ್​ನಲ್ಲಿ 100 ಮತ್ತು 200 ಮೀಟರ್​ ಓಟದಲ್ಲಿ ಬೆಳ್ಳಿ ಪದಕ ಗೆದ್ದಿದ್ದ ಬ್ಲೇಕ್, 2018ರ ಕಾಮನ್​ವೆಲ್ತ್ ಗೇಮ್ಸ್​​ನ 100 ಮೀಟರ್​ ಒಟದಲ್ಲಿ ಕಂಚಿನ ಪದಕಕ್ಕೆ ಕೊರಳೊಡ್ಡಿದ್ದರು.