ದುಬೈ: ನಾಯಕ ಸ್ಟಿವ್ ಸ್ಮಿತ್ ಅವರ ಅರ್ಧಶತಕ ಹಾಗೂ ರಾಬಿನ್ ಉತ್ತಪ್ಪ ಅವರ 41 ರನ್ಗಳ ನೆರವಿನಿಂದ ರಾಜಸ್ಥಾನ್ ರಾಯಲ್ಸ್ 20 ಓವರ್ಗಳಲ್ಲಿ ರನ್ಗಳಿಸಿ ಉತ್ತಮ ಮೊತ್ತ ಕಲೆಯಾಕಿದೆ.
ಟಾಸ್ ಗೆದ್ದ ಸ್ಮಿತ್ ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡರು. ನಾಯಕನ ನಿರ್ಧಾರಕ್ಕೆ ತಕ್ಕಂತೆ ಬ್ಯಾಟಿಂಗ್ ಮಾಡಿದ ಉತ್ತಪ್ಪ ಹಾಗೂ ಸ್ಟೋಕ್ಸ್ ಜೋಡಿ ಮೊದಲ ವಿಕೆಟ್ಕೆ 50 ರನ್ಗಳ ಜೊತೆಯಾಟ ನೀಡಿತು. ಆದರೆ ಆರಂಭಿಕ ಆಟಗಾರನಾಗಿ ಸ್ಟೋಕ್ಸ್ ಮತ್ತೊಮ್ಮೆ ವಿಫಲರಾದರು. ಅವರು 19 ಎಸೆತಗಳಲ್ಲಿ 15 ರನ್ಗಳಿಸಿ ಔಟಾದರು.
ಆದರೆ ಮೊದಲ ಬಾರಿಗೆ ಆರಂಭಿಕನಾಗಿ ಬಡ್ತಿ ಪಡೆದಿದ್ದ ಉತ್ತಪ್ಪ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ತೋರಿದರು. ಅವರು 22 ಎಸೆತಗಳಲ್ಲಿ 7 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 41 ರನ್ಗಳಿಸಿ ಔಟಾದರು. ಉತ್ತಪ್ಪ ಔಟಾದ ನಂತರ ಅದೇ ಓವರ್ನಲ್ಲಿ ಸಾಮ್ಸನ್(9) ಕೂಡ ವಿಕೆಟ್ ಒಪ್ಪಿಸಿದರು.
ಆದರೆ ನಾಯಕನಾಟವಾಡಿದ ಸ್ಟಿವ್ ಸ್ಮಿತ್ 36 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 1 ಸಿಕ್ಸರ್ ಸಹಿತ 57 ರನ್ಗಳಿಸಿದರೆ, ಬಟ್ಲರ್ 25 ಎಸೆತಗಳಲ್ಲಿ 24 ರನ್ಗಳಿಸಿ ಮೋರಿಸ್ಗೆ ವಿಕೆಟ್ ಒಪ್ಪಿಸಿದರು. ತೆವಾಟಿಯಾ 11 ಎಸೆತಗಳಲ್ಲಿ ಔಟಾಗದೆ 19 ರನ್ಗಳಿಸಿದರು.
ಆರ್ಸಿಬಿ ಪರ ಅದ್ಭುತ ಬೌಲಿಂಗ್ ದಾಳಿ ನಡೆಸಿದ ಕ್ರಿಸ್ ಮೋರಿಸ್ 26 ರನ್ ನೀಡಿ 4 ವಿಕೆಟ್ ಪಡೆದರೆ, ಚಹಾಲ್ 34 ರನ್ ನೀಡಿ 2 ವಿಕೆಟ್ ಪಡೆದರು. ಉದಾನ 3 ಓವರ್ಗಳಲ್ಲಿ 43 ರನ್ ನೀಡಿ ದುಬಾರಿಯಾದರು.
