ಪುಣೆ: ಭಾರತದ ವಿರುದ್ಧ ಮೊದಲ ಟೆಸ್ಟ್ನಲ್ಲಿ 203 ರನ್ಗಳಿಂದ ನಾಟಕೀಯ ಸೋಲುಂಡು ದಕ್ಷಿಣ ಆಫ್ರಿಕಾ ತಂಡಕ್ಕೆ ನಾಯಕ ಪ್ಲೆಸಿಸ್, ಶಮಿ ಬೌಲಿಂಗ್ ಶೈಲಿಯನ್ನು ನೋಡಿ ಬೌಲಿಂಗ್ ಕಲಿಯಿರಿ ಎಂದು ತಮ್ಮ ಬೌಲರ್ಗಳಿಗೆ ಸಲಹೆ ಮೂಲಕ ತಿವಿದಿದ್ದಾರೆ.
ಮೊದಲ ನಾಲ್ಕು ದಿನ ಸ್ಪಿನ್ ಬೌಲಿಂಗ್ಗೆ ಸಾಥ್ ನೀಡುತ್ತಿದ್ದ ವಿಶಾಖಪಟ್ಟಣ ಪಿಚ್ನಲ್ಲಿ ಶಮಿ ಕೊನೆಯ ದಿನ ತಮ್ಮ ಇನ್ಸ್ವಿಂಗ್ ಬೌಲಿಂಗ್ ಮೂಲಕ ಹರಿಣಗಳ ಪ್ರಮುಖ ಬ್ಯಾಟ್ಸ್ಮನ್ಗಳಾದ ಬುವಾಮ, ಪ್ಲೆಸಿಸ್ ಹಾಗೂ ಡಿಕಾಕ್ರನ್ನು ಬೌಲ್ಡ್ ಮಾಡಿ ಪಂದ್ಯದ ಗತಿಯನ್ನೇ ಬದಲಾಯಿಸಿದ್ದರು.
2ನೇ ಟೆಸ್ಟ್ ಪಂದ್ಯಕ್ಕೂ ಮುನ್ನ ನಡೆದ ಸುದ್ದಿಗೋಷ್ಠಿಯಲ್ಲಿ ಹರಿಣಗಳ ನಾಯಕ ಪ್ಲೆಸಿಸ್, "ನಮ್ಮ ತಂಡದ ಯುವ ಬೌಲರ್ಗಳಿಗೆ ಶಮಿಯಂತಹ ಬೌಲರ್ರಿಂದ ಕಲಿಯುವ ಅವಕಾಶ ಸಿಕ್ಕಿದೆ. ಅವರು ತವರಿನಲ್ಲಿ ಬೌಲಿಂಗ್ ಮಾಡುವಾಗ ಅನುಸರಿಸುವ ಕೌಶಲಗಳುನ್ನು ಸೂಕ್ಷ್ಮತೆಯಿಂದ ಗಮನಿಸಿ ತಾವೂ ಅಳವಡಿಸಿಕೊಳ್ಳಬೇಕು ಎಂದು ತಿಳುವಳಿಕೆ ಹೇಳಿದ್ದಾರೆ. ಶಮಿ ಬೌಲಿಂಗ್ ಮಾಡುವಾಗ ಅನುಸರಿಸುವ ಆ್ಯಂಗಲ್ಗಳು, ಚೆಂಡನ್ನು ರಿವರ್ಸ್ವಿಂಗ್ ಮಾಡುವ ಕಲೆಯನ್ನು ಖಂಡಿತ ನಮ್ಮ ಬೌಲರ್ಗಳು ಕಲಿಯಬೇಕಿದೆ ಎಂದಿರುವ ಪ್ಲೆಸಿಸ್ ಕೊನೆಯ ದಿನ ಅದ್ಭುತ ಬೌಲಿಂಗ್ ಮಾಡಿ ಭಾರತೀಯ ವೇಗಿಯನ್ನು ಗುಣಗಾನ ಮಾಡಿದ್ದಾರೆ.
ಮೊದಲ ಪಂದ್ಯದಲ್ಲಿ ಭಾರತ ತಂಡ 203 ರನ್ಗಳಿಂದ ದಕ್ಷಿಣ ಆಫ್ರಿಕಾ ತಂಡವನ್ನು ಮಣಿಸಿತ್ತು. ಈ ಪಂದ್ಯದಲ್ಲಿ ಅಶ್ವಿನ್ 8 ವಿಕೆಟ್, ಜಡೇಜಾ 6 ವಿಕೆಟ್ ಹಾಗೂ ಶಮಿ 5 ವಿಕೆಟ್ ಪಡೆದು ಮಿಂಚಿದ್ದರು. ಬ್ಯಾಟಿಂಗ್ನಲ್ಲಿ ರೋಹಿತ್ ಎರಡೂ ಇನ್ನಿಂಗ್ಸ್ನಲ್ಲಿ ಶತಕ ಸಿಡಿಸಿ ಮಿಂಚಿದರೆ ಕನ್ನಡಿಗ ಮನೀಷ್ ಪಾಂಡೆ ದ್ವಿಶತಕ ಸಿಡಿಸಿದ್ದರು.
