ವಿಂಬಲ್ಡನ್: ವಿಂಬಲ್ಡನ್ನಲ್ಲಿ ಕ್ವಾರ್ಟರ್ ಫೈನಲ್ ತಲುಪಿದ್ದ ಅಮೆರಿಕಾದ ಹಿರಿಯ ಟೆನ್ನಿಸ್ ಆಟಗಾರ್ತಿ ಸೆರನಾ ವಿಲಿಯಮ್ಸ್ಗೆ ಆಲ್ ಇಂಗ್ಲೆಂಡ್ ಟೆನ್ನಿಸ್ ಕ್ಲಬ್ 10 ಸಾವಿರ ಡಾಲರ್ ದಂಡ ವಿಧಿಸಿದೆ.
23 ಬಾರಿಯ ಗ್ರ್ಯಾಂಡ್ಸ್ಲಾಮ್ ವಿನ್ನರ್ ಹಾಗೂ 7 ಬಾರಿಯ ವಿಂಬಲ್ಡನ್ ಚಾಂಪಿಯನ್ ಆಗಿರುವ ಸೆರೆನಾ, ಟೂರ್ನಿ ಪ್ರಾರಂಭವಾಗುವುದಕ್ಕೂ ಮುನ್ನ ಅಭ್ಯಾಸ ನಡೆಸುವ ವೇಳೆ ವಿಂಬಲ್ಡನ್‌ನ ಕೋರ್ಟ್ನಲ್ಲಿ ತಮ್ಮ ರಾಕೆಟ್ ಎಸೆದು ಹಾನಿಗೊಳಿಸಿದ್ದರು. ಈ ಹಿನ್ನೆಲೆಯಲ್ಲಿ ಅವರಿಗೆ ಆಲ್ ಇಂಗ್ಲೆಂಡ್ ಕ್ಲಬ್ 10,000 ಡಾಲರ್ ದಂಡ ವಿಧಿಸಿದೆ.
ಸೆರೆನಾ ಜೊತೆಗೆ ಇಟಲಿಯ ಫ್ಯಾಬಿಯೋ ಫೋಗ್ನಿಗಿ ಅವರಿಗೂ 3000 ಸಾವಿರ ಡಾಲರ್ ದಂಡ ವಿಧಿಸಲಾಗಿದೆ. ಇವರು ಪಂದ್ಯ ಸೋತ ಸಂದರ್ಭದಲ್ಲಿ ವಿಂಬಲ್ಡನ್ ಕೋರ್ಟ್ಗೆ ಬಾಂಬ್ ಬೀಳಲಿ ಎಂದು ಹೇಳುವ ಮೂಲಕ ಅಸಭ್ಯವಾಗಿ ವರ್ತಿಸಿದ್ದರು.
ಇದೇ ಟೂರ್ನಿಯಲ್ಲಿ ಆಸ್ಟ್ರೇಲಿಯಾದ ನಿಕ್ ಕಿರ್ಗಿಯೊಸ್ ಕೂಡ ಹದ್ದು ಮೀರಿ ವರ್ತಿಸಿದ ಕಾರಣಕ್ಕೆ ಒಮ್ಮೆ 3000 ಹಾಗೂ ಮತ್ತೊಮ್ಮೆ 8000 ಡಾಲರ್ ದಂಡ ವಿಧಿಸಲಾಗಿದೆ.
