ಚೆನ್ನೈ: ಕೆಕೆಆರ್ ವೇಗಿಗಳ ದಾಳಿಗೆ ರನ್ಗಳಿಸಲು ಪರದಾಡಿದ ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ತನ್ನ ಎರಡನೇ ಪಂದ್ಯದಲ್ಲಿ 152 ರನ್ಗಳಿಗೆ ಆಲೌಟ್ ಆಗಿದೆ.
ಟಾಸ್ ಸೋತು ಬ್ಯಾಟಿಂಗ್ ಇಳಿದ ಮುಂಬೈ ಇಂಡಿಯನ್ಸ್ ಆರಂಭದಲ್ಲೇ ಇಂದೇ ಮೊದಲ ಪಂದ್ಯವನ್ನಾಡಿದ ಡಿಕಾಕ್(2) ವಿಕೆಟ್ ಕಳೆದುಕೊಂಡು ಆಘಾತಕ್ಕೊಳಗಾಯಿತು.
ಆದರೆ 2ನೇ ವಿಕೆಟ್ಗೆ ಒಂದಾದ ಸೂರ್ಯಕುಮಾರ್ ಯಾದವ್ ಮತ್ತು ರೋಹಿತ್ ಶರ್ಮಾ 76 ರನ್ಗಳ ಜೊತೆಯಾಟ ನೀಡಿದರು. ಸೂರ್ಯ 36 ಎಸೆತಗಳಲ್ಲಿ 7 ಬೌಂಡರಿ ಮತ್ತು 2 ಸಿಕ್ಸರ್ ಸಹಿತ 56 ರನ್ಗಳಿಸಿ ಔಟಾದರು. ಇವರ ಬೆನ್ನಲ್ಲೇ ಇಶಾನ್ ಕಿಶನ್(1) ಮತ್ತು ರೋಹಿತ್ ಶರ್ಮಾ ಕೂಡ ವಿಕೆಟ್ ಒಪ್ಪಿಸಿದರು. ಅವರು 32 ಎಸೆತಗಳಲ್ಲಿ 3 ಬೌಂಡರಿ ಮತ್ತು 1 ಸಿಕ್ಸರ್ ಸಹಿತ 42 ರನ್ಗಳಿಸಿ ತಂಡದ ಎರಡನೇ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು.
-
The summary of the first innings of Match 5 of #VIVOIPL.#KKR chase underway https://t.co/CIOV3NuFXY #KKRvMI #VIVOIPL pic.twitter.com/299LpRryEk
— IndianPremierLeague (@IPL) April 13, 2021 " class="align-text-top noRightClick twitterSection" data="
The summary of the first innings of Match 5 of #VIVOIPL.#KKR chase underway https://t.co/CIOV3NuFXY #KKRvMI #VIVOIPL pic.twitter.com/299LpRryEk
— IndianPremierLeague (@IPL) April 13, 2021 ">The summary of the first innings of Match 5 of #VIVOIPL.#KKR chase underway https://t.co/CIOV3NuFXY #KKRvMI #VIVOIPL pic.twitter.com/299LpRryEk
— IndianPremierLeague (@IPL) April 13, 2021
ರೋಹಿತ್ ವಿಕೆಟ್ ನಂತರ ಮುಂಬೈ ಇಂಡಿಯನ್ಸ್ ಪೆವಿಲಿಯನ್ ಪರೇಡ್ ನಡೆಸಿತು. ಹಾರ್ದಿಕ್ ಪಾಂಡ್ಯ(15) ಮತ್ತು ಕೀರನ್ ಪೊಲಾರ್ಡ್(5) ಮತ್ತೊಮ್ಮೆ ವಿಫಲರಾದರು. ದಕ್ಷಿಣ ಆಫ್ರಿಕಾದ ಮಾರ್ಕೊ ಜಾನ್ಸೆನ್ ಮತ್ತು ಬುಮ್ರಾ ಶೂನ್ಯಕ್ಕೆ ವಿಕೆಟ್ ಒಪ್ಪಿಸಿದರು. ರಾಹುಲ್ ಚಹರ್ 8ರನ್ಗಳಿಸಿ ರಸೆಲ್ಗೆ 5ನೇ ಬಲಿಯಾದರು.
ಕೋಲ್ಕತ್ತಾ ಪರ ಆ್ಯಂಡ್ರೆ ರಸೆಲ್ 2 ಓವರ್ಗಳಲ್ಲಿ 15 ರನ್ ನೀಡಿ 5 ವಿಕೆಟ್ ಪಡೆದರು. ಪ್ಯಾಟ್ ಕಮ್ಮಿನ್ಸ್ 24ಕ್ಕೆ 2, ಶಕಿಬ್ 23ಕ್ಕೆ 1,ಚಕ್ರವರ್ತಿ 27ಕ್ಕೆ1 ಮತ್ತು ಪ್ರಸಿಧ್ 42ಕ್ಕೆ 1 ವಿಕೆಟ್ ಪಡೆದು ಬಲಿಷ್ಠ ಮುಂಬೈ ತಂಡವನ್ನು ಅಲ್ಪ ಮೊತ್ತಕ್ಕೆ ಕಟ್ಟಿ ಹಾಕಿದರು.