ವಿಶಾಖಪಟ್ಟಣ: ದಕ್ಷಿಣ ಅಫ್ರಿಕಾ ವಿರುದ್ಧ ಮೊದಲ ಟೆಸ್ಟ್ನಲ್ಲಿ ಆಕರ್ಷಕ ಶತಕ ಬಾರಿಸಿದ್ದ ರೋಹಿತ್ ಶರ್ಮಾ 176 ರನ್ಗಳಿಗೆ ವಿಕೆಟ್ ಒಪ್ಪಿಸುವ ಮೂಲಕ ನಿರಾಶೆ ಅನುಭವಿಸಿದ್ದಾರೆ.
ಬುಧವಾರ 115 ರನ್ ಗಳಿಸಿದ್ದ ರೋಹಿತ್ ಇಂದು ಕೂಡ ತಮ್ಮ ಆರ್ಭಟ ಮುಂದುವರಿಸಿದ್ದರು. 224ನೇ ಎಸೆತದಲ್ಲಿ 150 ರನ್ ಪೂರ್ತಿಗೊಳಿಸಿದರು. ಒಟ್ಟಾರೆ 244 ಎಸೆತಗಳಲ್ಲಿ 23 ಬೌಂಡರಿ ಹಾಗೂ 6 ಭರ್ಜರಿ ಸಿಕ್ಸರ್ ಸಿಡಿಸಿ ರೋಹಿತ್ ಔಟಾದರು. ಕೇಶವ್ ಮಹಾರಾಜ್ ಬೌಲಿಂಗ್ನಲ್ಲಿ ಸಿಕ್ಸರ್ ಹಾಗೂ ಬೌಂಡರಿ ಸಿಡಿಸಿದ ರೋಹಿತ್ ನಂತರದ ಎಸೆತದಲ್ಲಿ ಬೌಲ್ಡ್ ಆದರು.
ರೋಹಿತ್ ದಾಖಲೆಗಳು: ಆರಂಭಿಕನಾಗಿ ಕಣಕ್ಕಿಳಿದ ಮೊದಲ ಪಂದ್ಯದಲ್ಲೇ ರೋಹಿತ್ ಶರ್ಮಾ ಮಯಾಂಕ್ ಜೊತೆಗೂಡಿ ಹಲವು ದಾಖಲೆಗಳಿಗೆ ಪಾತ್ರರಾದರು.
- ಟೆಸ್ಟ್ ಕ್ರಿಕೆಟ್ನಲ್ಲಿ ಒಂದೇ ಇನ್ನಿಂಗ್ಸ್ನಲ್ಲಿ ಹೆಚ್ಚು ಸಿಕ್ಸರ್ ಸಿಡಿಸಿದ ಮೂರನೇ ಭಾರತೀಯ
- ರೋಹಿತ್-ಮಯಾಂಕ್ ಜೋಡಿಯಿಂದ ದಕ್ಷಿಣ ಆಫ್ರಿಕಾ ತಂಡದ ವಿರುದ್ಧ ಮೊದಲ ವಿಕೆಟ್ಗೆ ಅತಿ ಹೆಚ್ಚು ರನ್ಗಳ ಜೊತೆಯಾಟ(317).
- ಮೊದಲ ವಿಕೆಟ್ ಜೊತೆಯಾಟದಲ್ಲಿ ಹೆಚ್ಚು ರನ್ ಗಳಿಸಿದ 3ನೇ ಜೋಡಿ ಎಂಬ ದಾಖಲೆ. ಪಂಕಜ್ ರಾಯ್-ವೀನೂ ಮಂಕಡ್(413), ಸೆಹ್ವಾಗ್-ದ್ರಾವಿಡ್(419) ಮೊದಲೆರಡು ಸ್ಥಾನದಲ್ಲಿದ್ದಾರೆ.
- ಅತಿಹೆಚ್ಚು ಸಿಕ್ಸರ್ ಸಿಡಿಸಿದ ಭಾರತದ ಆರಂಭಿಕ ಜೋಡಿ ರೋಹಿತ್(6) ಮಯಾಂಕ್(3)
- ಮೊದಲ ಬಾರಿಗೆ ಆರಂಭಿಕ ಜೋಡಿಯಾಗಿ ಅತಿ ಹೆಚ್ಚು ರನ್ ಗಳಿಸಿ 2ನೇ ಭಾರತೀಯ ಜೋಡಿ(317), ಮೊದಲ ಸ್ಥಾನದಲ್ಲಿ ಸೆಹ್ವಾಗ್-ದ್ರಾವಿಡ್(410) ಇದ್ದಾರೆ.
- ದ. ಆಫ್ರಿಕಾ ವಿರುದ್ಧ ಆಸ್ಟ್ರೇಲಿಯಾ ಮತ್ತು ಇಂಗ್ಲೆಂಡ್ ನಂತರ ಭಾರತ ತಂಡದ ಆರಂಭಿಕರಿಬ್ಬರಿಂದಲೂ ಶತಕ ದಾಖಲು
- ರೋಹಿತ್ (176) ಆರಂಭಿಕನಾಗಿ ಪಾದಾರ್ಪಣೆ ಮಾಡಿದ ಹೆಚ್ಚು ರನ್ ಗಳಿಸಿದ 2ನೇ ಭಾರತೀಯ ಹಾಗೂ ವಿಶ್ವದ ನಾಲ್ಕನೇ ಬ್ಯಾಟ್ಸ್ಮನ್. ಧವನ್ (187) ಮೊದಲ ಸ್ಥಾನದಲ್ಲಿದ್ದಾರೆ.
- ಭಾರತ ತಂಡದ ಆರಂಭಿಕನಾಗಿ ಎಲ್ಲಾ ಮಾದರಿಯ ಕ್ರಿಕೆಟ್ನಲ್ಲೂ ಶತಕ ಗಳಿಸಿದ ಮೊದಲ ಬ್ಯಾಟ್ಸ್ಮನ್
