ನವದೆಹಲಿ: ಟೀಂ ಇಂಡಿಯಾ ಸ್ಪೋಟಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ 2017ರಲ್ಲಿ ಶ್ರೀಲಂಕಾ ವಿರುದ್ಧ ಮೊಹಾಲಿಯಲ್ಲಿ ದ್ವಿಶತಕ ಸಿಡಿಸಿ ಮಿಂಚಿದ್ದರು. ಈ ವೇಳೆ ಹಿಟ್ಮ್ಯಾನ್ ಪತ್ನಿ ರಿತಿಕಾ ಭಾವುಕರಾಗಿ ಕಣ್ಣೀರು ಸುರಿಸಿದ್ದ ಘಟನೆ ನಡೆದಿತ್ತು.
ಆ ದಿನ ತಮ್ಮ ಪತ್ನಿ ಯಾವ ಕಾರಣಕ್ಕಾಗಿ ಭಾವುಕರಾಗಿದ್ದರು ಎಂಬುದರ ಕುರಿತು ಮಾಹಿತಿ ಹಿಂಚಿಕೊಂಡಿರುವ ಹಿಟ್ಮ್ಯಾನ್, 'ಓಪನ್ ನೆಟ್ಸ್ ವಿಥ್ ಮಯಾಂಕ್' ಎಂಬ ಎಪಿಸೋಡ್ನಲ್ಲಿ ಮಯಾಂಕ್, ಶಿಖರ್ ಧವನ್ ಜತೆ ಮಾತನಾಡಿದ್ದಾರೆ.
ರೋಹಿತ್ ಶರ್ಮಾ
ನಾನು 195ರನ್ಗಳಿಕೆ ಮಾಡಿದ್ದ ವೇಳೆ ಸಿಂಗಲ್ ರನ್ ಗಳಿಕೆ ಮಾಡಲು ಹೋಗಿ ಕೆಳಗೆ ಬಿದ್ದೆ. ಈ ವೇಳೆ ನನ್ನ ಕೈಗೆ ನೋವಾಗಿತ್ತು. ಅದೇ ಕಾರಣಕ್ಕಾಗಿ ಆಕೆ ಭಾವುಕಳಾಗಿದ್ದಳು ಎಂದಿರುವ ಅವರು, ಅದು ನಮ್ಮ ಮದುವೆ ವಾರ್ಷಿಕೋತ್ಸವ ಕೂಡ ಆಗಿತ್ತು ಎಂದಿದ್ದಾರೆ. ಅಂದಿನ ಪಂದ್ಯದಲ್ಲಿ ರೋಹಿತ್ ಶರ್ಮಾ 153 ಎಸೆತಗಳಲ್ಲಿ 208 ರನ್ಗಳಿಕೆ ಮಾಡಿದ್ದರು. ರೋಹಿತ್ ಶರ್ಮಾ ಪತ್ನಿ ಕಣ್ಣೀರು ಸುರಿಸಿದ್ದ ವಿಡಿಯೋ ಎಲ್ಲಡೆ ವೈರಲ್ ಆಗಿತ್ತು.
