ಬೆಂಗಳೂರು: ಭಾರತ ತಂಡದ ಆರಂಭಿಕ ಬ್ಯಾಟ್ಸ್ಮನ್ ರೋಹಿತ್ ಶರ್ಮಾ ಆಸ್ಟ್ರೇಲಿಯಾ ವಿರುದ್ಧ ಕೇವಲ 4 ರನ್ ಗಳಿಸುತ್ತಿದ್ದಂತೆ ಏಕದಿನ ಕ್ರಿಕೆಟ್ನಲ್ಲಿ 9000 ಸಾವಿರ ರನ್ ಪೂರೈಸುವುದರ ಜೊತೆಗೆ, ವೇಗವಾಗಿ ಈ ಸಾಧನೆ ಮಾಡಿದ ಮೂರನೇ ಬ್ಯಾಟ್ಸ್ಮನ್ ಎಂದ ದಾಖಲೆಗೂ ಪಾತ್ರರಾಗಲಿದ್ದಾರೆ.
32 ವರ್ಷದ ರೋಹಿತ್ ಶರ್ಮಾ ಭಾರತ ತಂಡದ ಪರ 223 ಪಂದ್ಯಗಳನ್ನಾಡಿದ್ದು 216 ಇನ್ನಿಂಗ್ಸ್ಗಳಿಂದ 8996 ರನ್ಗಳಿಸಿದ್ದಾರೆ. ಬೆಂಗಳೂರಿನಲ್ಲಿ ನಡೆಯುವ ಆಸ್ಟ್ರೇಲಿಯಾ ವಿರುದ್ಧದ ಸರಣಿ ನಿರ್ಣಾಯಕ ಕೊನೆಯ ಏಕದಿನ ಪಂದ್ಯದಲ್ಲಿ 4 ರನ್ಗಳಿಸಿದರೆ 9000 ರನ್ ಪೂರೈಸಲಿದ್ದಾರೆ. ಅಷ್ಟೇ ಅಲ್ಲದೆ ಈ ಸಾಧನೆಯನ್ನು ಮಾಡಿದ ಭಾರತದ 7 ನೇ ಬ್ಯಾಟ್ಸ್ಮನ್ ಹಾಗೂ ವೇಗವಾಗಿ ಈ ಸಾವಿರ ರನ್ಗಳಿಸಿದ ಬಿಶ್ವದ 3 ಬ್ಯಾಟ್ಸ್ಮನ್ ಎನಿಸಿಕೊಳ್ಳಲಿದ್ದಾರೆ.
ಭಾರತ ತಂಡದ ನಾಯಕ ವಿರಾಟ್ ಕೊಹ್ಲಿ ಕೇವಲ 194 ಇನ್ನಿಂಗ್ಸ್ಗಳಲ್ಲಿ 9000 ರನ್ಗಳಿಸುವ ಮೂಲಕ ವಿಶ್ವದಾಖಲೆ ನಿರ್ಮಿಸಿದ್ದಾರೆ. ಎಬಿ ಡಿ ವಿಲಿಯರ್ಸ್ 205 ಇನ್ನಿಂಗ್ಸ್ಗಳಲ್ಲಿ ಸಾಧಿಸಿ ಎರಡನೇ ಸ್ಥಾನದಲ್ಲಿದ್ದಾರೆ.
ವೇಗವಾಗಿ 9000 ರನ್ಗಳಿಸಿದ ಬ್ಯಾಟ್ಸ್ಮನ್
- ವಿರಾಟ್ ಕೊಹ್ಲಿ (194 ಇನ್ನಿಂಗ್ಸ್)
- ಎಬಿ ಡಿ ವಿಲಿಯರ್ಸ್ (205 ಇನ್ನಿಂಗ್ಸ್)
- ಸೌರವ್ ಗಂಗೂಲಿ (228 ಇನ್ನಿಂಗ್ಸ್)
- ಸಚಿನ್ ತೆಂಡೂಲ್ಕರ್ (235 ಇನ್ನಿಂಗ್ಸ್)
- ಬ್ರಿಯಾನ್ ಲಾರ (239 ಇನ್ನಿಂಗ್ಸ್)
- ರಿಕಿ ಪಾಂಟಿಂಗ್ (242 ಇನ್ನಿಂಗ್ಸ್)
ಭಾರತದ ಪರ 9000ಕ್ಕಿಂತ ಹೆಚ್ಚು ರನ್ಗಳಿಸಿದವರು
- ಸಚಿನ್ ತೆಂಡೂಲ್ಕರ್(18426)
- ವಿರಾಟ್ ಕೊಹ್ಲಿ (11703)
- ಸೌರವ್ ಗಂಗೂಲಿ(11221)
- ರಾಹುಲ್ ದ್ರಾವಿಡ್(10768)
- ಮಹೇಂದ್ರ ಸಿಂಗ್ ಧೋನಿ(10599)
- ಮೊಹಮ್ಮದ್ ಅಜರುದ್ದೀನ್(9378)
- ರೋಹಿತ್ ಶರ್ಮಾ (8996*)
