ಬೆಂಗಳೂರು: ದಕ್ಷಿಣ ಆಫ್ರಿಕಾ ವಿರುದ್ಧ ಮೂರನೇ ಟಿ20 ಪಂದ್ಯದಲ್ಲಿ ಆರಂಭಿಕ ಶಿಖರ್ ಧವನ್ ಔಟಾಗುತ್ತಿದ್ದಂತೆ ನಾಲ್ಕನೇ ಕ್ರಮಾಂಕಕ್ಕೆ ಒಟ್ಟಿಗೆ ಮೈದಾನಕ್ಕೆ ಎಂಟ್ರಿಕೊಟ್ಟ ತಮಾಷೆಯ ಘಟನೆ ನಡೆದಿದೆ.
ಭಾನುವಾರ ನಡೆದ ಪಂದ್ಯದಲ್ಲಿ ಭಾರತ ತಂಡವು ದಕ್ಷಿಣ ಆಫ್ರಿಕಾ ವಿರುದ್ಧ 9 ವಿಕೆಟ್ಗಳ ಹೀನಾಯ ಸೋಲುಕಂಡಿತು. ಟಾಸ್ ಗೆದ್ದ ಕೊಹ್ಲಿ ಬ್ಯಾಟಿಂಗ್ ಆಯ್ದುಕೊಂಡರು. ಆದರೆ ಬ್ಯಾಟ್ಸ್ಮನ್ಗಳ ವೈಫಲ್ಯದಿಂದ ಕೇವಲ 134 ರನ್ ಗಳಿಸಲಷ್ಟೇ ಶಕ್ತವಾಯಿತು. ಈ ಮೊತ್ತವನ್ನು ದಕ್ಷಿಣ ಆಫ್ರಿಕಾ ಕೇವಲ ಒಂದು ವಿಕೆಟ್ ಕಳೆದುಕೊಂಡು ತಲುಪಿ ಸರಣಿಯನ್ನು ಸಮಬಲ ಮಾಡಿಕೊಂಡಿತು.
ಈ ಪಂದ್ಯದ ವೇಳೆ ಮೈದಾನದಲ್ಲಿ ತಮಾಷೆಯ ಘಟನೆಗೆ ರಿಷಭ್ ಪಂತ್ ಹಾಗೂ ಶ್ರೇಯಸ್ ಅಯ್ಯರ್ ಕಾರಣರಾದರು. 36 ರನ್ ಗಳಿಸಿದ್ದ ಧವನ್ ಔಟಾಗುತ್ತಿದ್ದಂತೆ ರಿಷಭ್ ಪಂತ್ ಹಾಗೂ ಶ್ರೇಯಸ್ ಅಯ್ಯರ್ ಇಬ್ಬರು ಮೈದಾನಕ್ಕೆ ಬಂದಿದ್ದರು. ಇದರಿಂದ ನೆರದಿದ್ದ ಅಭಿಮಾನಿಗಳ ಸಹಿತ ಕ್ರೀಸ್ನಲ್ಲಿದ್ದ ನಾಯಕ ಕೊಹ್ಲಿಗೂ ಯಾರು 4ನೇ ಕ್ರಮಾಂಕದಲ್ಲಿ ಆಡಲಿದ್ದಾರೆ ಎಂಬುದರ ಬಗ್ಗೆ ಗೊಂದಲ ಮೂಡುವಂತೆ ಮಾಡಿದ್ದಾರೆ. ಕೊನೆಗೆ ಶ್ರೇಯಸ್ ಅಯ್ಯರ್ ವಾಪಸ್ ಪೆವಿಲಿಯನ್ಗೆ ತೆರಳುವ ಮೂಲಕ ಗೊಂದಲಕ್ಕೆ ತೆರೆ ಎಳೆದರು.
ಈ ಫನ್ನಿ ಘಟನೆಯ ಬಗ್ಗೆ ವಿವಿರಿಸುವ ಕೊಹ್ಲಿ ಅವರು ಪಂತ್ ಹಾಗೂ ಅಯ್ಯರ್ ನಡುವೆ ಸಂವಹನದ ಕೊರತೆಯಿಂದ ಇಬ್ಬರು ಒಟ್ಟಿಗೆ ಮೈದಾನಕ್ಕೆ ಬಂದಿದ್ದರು. ಇದಕ್ಕೆ ಕಾರಣ ಬ್ಯಾಟಿಂಗ್ ಕೋಚ್ ಈ ಇಬ್ಬರಿಗೂ ಯಾವ ಸಂದರ್ಭದಲ್ಲಿ ಯಾವ ಕ್ರಮಾಂಕದಲ್ಲಿ ಹೋಗಬೇಕು ಎಂಬುದರ ಬಗ್ಗೆ ಹೇಳಿದ ಮಾತನ್ನು ಇಬ್ಬರೂ ಸರಿಯಾಗಿ ಅರ್ಥಮಾಡಿಕೊಳ್ಳದ ಕಾರಣ ಒಂದೇ ಸಂದರ್ಭದಲ್ಲಿ ಮೂವರು ಬ್ಯಾಟ್ಸ್ಮನ್ಗಳನ್ನ ಕ್ರೀಸ್ನಲ್ಲಿ ನೋಡುವಂತಾಗಿದೆ ಎಂದು ತಿಳಿಸಿದ್ದಾರೆ.
ನಮ್ಮ ಯೋಜನೆಯ ಪ್ರಕಾರ 10 ಓವರ್ಗಳ ನಂತರ 2ನೇ ವಿಕೆಟ್ ಬಿದ್ದರೆ ಪಂತ್ 4 ಕ್ರಮಾಂಕಕ್ಕೆ ಬರಬೇಕಿತ್ತು. 10 ಓವರ್ಗಳ ಒಳಗೇನಾದರು 2ನೇ ವಿಕೆಟ್ ಬಿದ್ದರೆ ಅಯ್ಯರ್ ಬರಬೇಕಿತ್ತು. ಆದರೆ ಆ ಇಬ್ಬರು ಗೊಂದಲಕ್ಕೀಡಾಗಿದ್ದರಿಂದ ಮೈದಾನಕ್ಕೆ ಆಗಮಿಸಿದ್ದರು ಎಂದು ಕೊಹ್ಲಿ ಪಂದ್ಯದ ನಂತರ ಸ್ಪಷ್ಟನೆ ನೀಡಿದ್ದಾರೆ.
