ಮುಂಬೈ: ಕಳೆದ ಎರಡು ತಿಂಗಳಿನಿಂದ ಕೊರೊನಾ ವಿಶ್ವದಾದ್ಯಂತ ತಾಂಡವವಾಡುತ್ತಿರುವುದರಿಂದ ಐಪಿಎಲ್ ಸೇರಿದಂತೆ ಬಹುಪಾಲು ಕ್ರಿಕೆಟ್ ಟೂರ್ನಿಗಳು ರದ್ದಾಗಿ ಅಪಾರ ನಷ್ಟ ಅನುಭವಿಸಿರು ಬಿಸಿಸಿಐ, ಮುಂದಿನ ಆಸ್ಟ್ರೇಲಿಯಾ ಪ್ರವಾಸದದ ವೇಳೆ ಒಂದೇ ದಿನ ಎರಡು ಪಂದ್ಯಗಳನ್ನುಆಡಿಸುವ ಹೊಸ ಆಲೋಚನೆಗೆ ಮುಂದಾಗಿದೆ.
ಭಾರತ ಮತ್ತು ದಕ್ಷಿಣ ಆಫ್ರಿಕಾ ಸರಣಿ ಮಾರ್ಚ್ನಲ್ಲಿ ಕೊರೊನಾ ಭೀತಿಯಿಂದ ರದ್ದಾದ ನಂತರ ನಡೆಯಬೇಕಿದ್ದ ಐಪಿಎಲ್ ಟೂರ್ನಿ ಸೇರಿದಂತೆ ಹಲವು ವಿದೇಶಿ ಟೂರ್ನಿಗಳು ರದ್ದಾಗಿದ್ದವು. ಇದರಿಂದ ಬಿಸಿಸಿಐಗೆ ಸಾವಿರಾರು ಕೋಟಿ ರೂ. ನಷ್ಟವಾಗಿದೆ.
ಇದೀಗ ಕೊರೊನಾದಿಂದ ನಷ್ಟಕ್ಕೊಳಗಾಗಿರುವ ಪ್ರಸಾರಕರು ಸ್ಪಾನ್ಸರ್ಗಳಿಗೂ ಅನುಕೂಲವಾಗಲು ಹಾಗೂ ಅಭಿಮಾನಿಗಳಿಗೆ ಮನರಂಜೆನೆಯ ರಸದೌತಣ ನೀಡಲು ಬಿಸಿಸಿಐ ಮುಂದಾಗಿದೆ. ಒಂದೇ ದಿನ ಎರಡು ಪಂದ್ಯಗಳನ್ನು ಆಡಿಸಬೇಕೆಂದು ಬಿಸಿಸಿಐ ಆಲೋಚಿಸಿದೆ ಎಂದು ಮೂಲಗಳಿಂದ ತಿಳಿದು ಬಂದಿದೆ. ಈ ಮೂಲಕ ತನಗಾಗಿರುವ ನಷ್ಟವನ್ನು ಬರಿಸಿಕೊಳ್ಳಲು ಬಿಸಿಸಿಐ ಬಯಸಿದೆ. ಈಗಾಗಲೇ ಬಿಸಿಸಿಐ ಅಧಿಕಾರಿಗಳು, ಕೋಚಿಂಗ್ ಸ್ಟಾಫ್‌ಗಳ ಸಂಖ್ಯೆ ಹೆಚ್ಚಿಸಲು ಮುಂದಾಗಿದ್ದಾರೆ.
ಇನ್ನು ಭಾರತ ತಂಡ ಕೊನೆಯ ಬಾರಿ ಫೆಬ್ರವರಿಯಲ್ಲಿ ಟೆಸ್ಟ್ ಪಂದ್ಯವನ್ನಾಡಿತ್ತು. ಅದರಲ್ಲಿದ್ದ ಅಜಿಂಕ್ಯಾ ರಹಾನೆ, ಚೇತೇಶ್ವರ್ ಪೂಜಾರ, ಹನುಮ ವಿಹಾರಿ, ಇಶಾಂತ್ ಶರ್ಮಾ, ವೃದ್ಧಿಮಾನ್ ಸಹಾ, ಅಗರ್ವಾಲ್ ಹಾಗೂ ಅಶ್ವಿನ್ ಟೆಸ್ಟ್ ತಂಡದ ಖಾಯಂ ಸದಸ್ಯರಾಗಿದ್ದಾರೆ. ಇನ್ನು, ಕೆಲವರು ಟಿ20 ತಂಡಕ್ಕೆ ಮಾತ್ರ ಸೀಮಿತರಾಗಿದ್ದಾರೆ. ಇದೀಗ ಕೆಲವು ಯುವ ಆಟಗಾರರಿಗೆ ಅವಕಾಶ ನೀಡುವ ಮೂಲಕ ಕ್ರಿಕೆಟ್ನಲ್ಲಿ ಹೆಜ್ಜೆಯಿಡಲು ಬಿಸಿಸಿಐ ನಿರ್ಧರಿಸಿದೆ ಎನ್ನಲಾಗುತ್ತಿದೆ.
