ಹೈದರಾಬಾದ್: ಲೋಕಸಭಾ ಚುನಾವಣೆ ದಿನದಿಂದ ದಿನಕ್ಕೆ ರಂಗೇರುತ್ತಿದ್ದು, ರಾಜಕಾರಣಿಗಳ ಕೆಲ ವಿಚಾರಗಳು ಟ್ರೋಲಿಗರ ಆಹಾರವಾಗುತ್ತಿವೆ. ವಾರಗಳ ಹಿಂದೆ ಸಖತ್ ಸುದ್ದಿ ಮಾಡಿದ್ದ ನಿಖಿಲ್ ಎಲ್ಲಿದ್ದೀಯಪ್ಪ ಎನ್ನುವ ಡೈಲಾಗ್ನ ಹವಾ ಇನ್ನೂ ತಣ್ಣಗಾಗಿಲ್ಲ.
ಹೈದರಾಬಾದ್ನ ರಾಜೀವ್ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಮೈದಾನದಲ್ಲಿ ಭಾನುವಾರ ಸಂಜೆ ಸನ್ರೈಸರ್ಸ್ ಹೈದರಾಬಾದ್ ಹಾಗೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ಪಂದ್ಯದಲ್ಲಿ ನಿಖಿಲ್ ಕಾಣಿಸಿಕೊಂಡು ಅಚ್ಚರಿ ಮೂಡಿಸಿದ್ದರು.
ಲೋಕಸಭಾ ಚುನಾವಣೆಯ ಬಿರುಸಿನ ಪ್ರಚಾರದ ನಡುವೆ ನಿಖಿಲ್ ಹೈದರಾಬಾದ್ ಯಾವಾಗ ಹೋದ್ರು ಅನ್ಕೋಬೇಡಿ. ಅಸಲಿ ಮ್ಯಾಟರ್ ಏನಂದ್ರೆ ನಿಖಿಲ್ ಎಲ್ಲಿದ್ದೀಯಪ್ಪ ಎನ್ನುವ ಬರಹ ಹೊಂದಿದ್ದ ಭಿತ್ತಿಪತ್ರವನ್ನು ಆರ್ಸಿಬಿ ಅಭಿಮಾನಿ ಒಬ್ಬ ಹಿಡಿದುಕೊಂಡಿದ್ದರು. ಇದರ ವಿಡಿಯೋ ಒಂದು ವರ್ತಮಾನದಲ್ಲಿ ಯಾವ ಪರಿ ವೈರಲ್ ಆಗುತ್ತೆ ಅನ್ನೋದಕ್ಕೆ ಬೆಸ್ಟ್ ಎಕ್ಸಾಂಪಲ್ ಎನ್ನಬಹುದು.
ನಿಖಿಲ್ ಎಲ್ಲಿದ್ದೀಯಪ್ಪ ಭಿತ್ತಿಪತ್ರದ ಜೊತೆಗೆ ಕೊಹ್ಲಿ ಕಪ್ ಎಲ್ಲಪ್ಪಾ ಎನ್ನುವ ಭಿತ್ತಿಪತ್ರವೂ ಗಮನ ಸೆಳೆಯುತ್ತಿತ್ತು. ಆರ್ಸಿಬಿ ಅಭಿಮಾನಿಗಳ ಅಭೂತಪೂರ್ವ ಬೆಂಬಲದ ಹೊರತಾಗಿಯೂ ನಿನ್ನೆಯ ಪಂದ್ಯವನ್ನೂ ಹೀನಾಯವಾಗಿ ಕೈಚೆಲ್ಲಿದ್ದು ಈ ಮೂಲಕ ಹ್ಯಾಟ್ರಿಕ್ ಸೋಲಿನ ಮುಖಭಂಗ ಅನುಭವಿಸಿದೆ.
