ಟೀಂ ಇಂಡಿಯಾಗೆ ಮತ್ತೊಂದು ಆಘಾತ: ಅಭ್ಯಾಸದ ವೇಳೆ ಗಾಯಗೊಂಡ ಪೂಜಾರಾ

ಕಾಂಗರೂಗಳ ವಿರುದ್ಧ ಮೂರನೇ ಟೆಸ್ಟ್​ ಪಂದ್ಯ ಆರಂಭಗೊಳ್ಳುವುದಕ್ಕೂ ಮುಂಚಿತವಾಗಿ ಟೀಂ ಇಂಡಿಯಾಗೆ ಮತ್ತೊಂದು ಆಘಾತ ಎದುರಾಗಿದೆ.

ಮೆಲ್ಬೋರ್ನ್​: ಆಸ್ಟ್ರೇಲಿಯಾ ವಿರುದ್ಧ ಜನವರಿ 7ರಿಂದ ಟೀಂ ಇಂಡಿಯಾ 3ನೇ ಟೆಸ್ಟ್​ ಪಂದ್ಯದಲ್ಲಿ ಭಾಗಿಯಾಗಲು ತಯಾರಿ ನಡೆಸಿದ್ದು, ಇದರ ಮಧ್ಯೆ ರಹಾನೆ ಪಡೆಗೆ ಮತ್ತೊಂದು ಚಿಂತೆ ಎದುರಾಗಿದೆ.

ಟೀಂ ಇಂಡಿಯಾದ ಮಧ್ಯಮ ಕ್ರಮಾಂಕದ ಬ್ಯಾಟ್ಸ್‌ಮನ್​ ಚೇತೇಶ್ವರ್​ ಪೂಜಾರಾ ನೆಟ್​ ಅಭ್ಯಾಸದ ವೇಳೆ ಗಾಯಗೊಂಡಿದ್ದಾಗಿ ತಿಳಿದು ಬಂದಿದೆ.

ಈಗಾಗಲೇ ಟೀಂ ಇಂಡಿಯಾದ ವೇಗಿಗಳಾದ ಉಮೇಶ್ ಯಾದವ್ ಹಾಗೂ ಮೊಹಮ್ಮದ್​ ಶಮಿ ಗಾಯಗೊಂಡು ಟೆಸ್ಟ್​ನಿಂದ ಹೊರಗುಳಿದಿದ್ದಾರೆ. ಇದರ ಮಧ್ಯೆ ಪೂಜಾರಾ ಗಾಯಗೊಂಡಿರುವುದು ತಂಡಕ್ಕೆ ಮತ್ತಷ್ಟು ತಲೆನೋವಾಗಿದೆ.

• Pujara just copped a blow on his right hand in the nets and has now gone inside. #AUSvIND pic.twitter.com/PHoRAV4aIt

  — Melinda Farrell (@melindafarrell) January 2, 2021 " class="align-text-top noRightClick twitterSection" data="

  Pujara just copped a blow on his right hand in the nets and has now gone inside. #AUSvIND pic.twitter.com/PHoRAV4aIt

  — Melinda Farrell (@melindafarrell) January 2, 2021

  ">

  Pujara just copped a blow on his right hand in the nets and has now gone inside. #AUSvIND pic.twitter.com/PHoRAV4aIt

  — Melinda Farrell (@melindafarrell) January 2, 2021

ಚೆಂಡು ಬಲಗೈಗೆ ಬಡಿದಿರುವ ಕಾರಣ ಅವರು ಗಾಯಗೊಂಡಿದ್ದಾಗಿ ತಿಳಿದು ಬಂದಿದೆ. ಜತೆಗೆ ಅವರು ಅಭ್ಯಾಸ ಮೊಟಕುಗೊಳಿಸಿ ವಿಶ್ರಾಂತಿ ಪಡೆದುಕೊಳ್ಳುತ್ತಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಟೀಂ ಇಂಡಿಯಾ ಅಭ್ಯಾಸ ನಡೆಸುತ್ತಿದ್ದ ವೇಳೆ ಆಸ್ಟ್ರೇಲಿಯಾದ ವರದಿಗಾರನೋರ್ವ ಚೇತೇಶ್ವರ್​ ಪೂಜಾರಾ ಗಾಯಗೊಂಡಿರುವ ಸುದ್ದಿ ಬಗ್ಗೆ ಮಾಹಿತಿ ಶೇರ್​ ಮಾಡಿದ್ದಾರೆ. ಹಿಂದಿನ ಎರಡು ಟೆಸ್ಟ್​ ಪಂದ್ಯಗಳಿಂದ ಪೂಜಾರಾ ಕೇವಲ 63ರನ್​ಗಳಿಕೆ ಮಾಡಿದ್ದಾರೆ.

ಆಸ್ಟ್ರೇಲಿಯಾ ವಿರುದ್ಧ ನಡೆದಿರುವ ಎರಡು ಪಂದ್ಯಗಳಲ್ಲಿ ಈಗಾಗಲೇ ಉಭಯ ತಂಡಗಳು ತಲಾ 1-1ರಲ್ಲಿ ಗೆಲುವು ಸಾಧಿಸಿದ್ದು, ಸರಣಿ ಗೆಲುವ ಉದ್ದೇಶದಿಂದ ಮುಂದಿನ ಎರಡು ಟೆಸ್ಟ್​ ಪಂದ್ಯಗಳಲ್ಲಿ ತಂಡಗಳು ಸೆಣಸಾಟ ನಡೆಸಲಿವೆ.

ವೇಗಿ ಉಮೇಶ್​ ಯಾದವ್​ ಗಾಯಗೊಂಡಿರುವ ಕಾರಣ ಮೂರನೇ ಟೆಸ್ಟ್​ ಪಂದ್ಯಕ್ಕಾಗಿ ಉದಯೋನ್ಮುಖ ವೇಗದ ಬೌಲರ್​ ನಟರಾಜನ್​ ಆಯ್ಕೆಯಾಗಿದ್ದಾರೆ.