ಪೃಥ್ವಿ ಶಾ ನಿಷೇಧ ನಾಳೆ ಮುಕ್ತಾಯ... ವಾರಾಂತ್ಯದಲ್ಲಿ ಮತ್ತೆ ಮೈದಾನಕ್ಕೆ..!

ಸದ್ಯ ನಡೆಯುತ್ತಿರುವ ಸೈಯದ್ ಅಲಿ ಮುಷ್ತಾಕ್​​ ಟೂರ್ನಿಯಲ್ಲಿ ಮುಂಬೈ ತಂಡದ ಪರ ಪೃಥ್ವಿ ಶಾ ಆಡಲಿದ್ದು, ನವೆಂಬರ್ 17ರಂದು ನಿಷೇಧದ ಬಳಿಕ ಪ್ರಥಮ ಪಂದ್ಯವನ್ನಾಡಲಿದ್ದಾರೆ.

ಮುಂಬೈ: ಉದ್ದೀಪನ ಮದ್ದು ಸೇವನೆ ಪ್ರಕರಣದಲ್ಲಿ ಎಂಟು ತಿಂಗಳ ನಿಷೇಧಕ್ಕೊಳಗಾಗಿದ್ದ ಟೀಂ ಇಂಡಿಯಾದ ಉದಯೋನ್ಮುಖ ಆಟಗಾರ ಪೃಥ್ವಿ ಶಾ ಇದೇ ತಿಂಗಳು ಮೈದಾನಕ್ಕಿಳಿಯುತ್ತಿದ್ದಾರೆ.

ಸದ್ಯ ನಡೆಯುತ್ತಿರುವ ಸೈಯದ್ ಅಲಿ ಮುಷ್ತಾಕ್​​ ಟೂರ್ನಿಯಲ್ಲಿ ಮುಂಬೈ ತಂಡದ ಪರ ಪೃಥ್ವಿ ಶಾ ಆಡಲಿದ್ದು, ನವೆಂಬರ್ 17ರಂದು ನಿಷೇಧದ ಬಳಿಕ ಪ್ರಥಮ ಪಂದ್ಯವನ್ನಾಡಲಿದ್ದಾರೆ. ನ.15ರಂದು ಪೃಥ್ವಿ ನಿಷೇಧ ಕೊನೆಗೊಳ್ಳಲಿದೆ.

ಮುಂಬೈ ತಂಡಕ್ಕೆ ಸೂಪರ್​ ಲೀಗ್​ ಹಂತದಲ್ಲಿ ಕೊನೆಯ ಎರಡು ಪಂದ್ಯಗಳು ಬಾಕಿ ಇದ್ದು, ನ.17ರ ಕೊನೆಯ ಲೀಗ್​ ಪಂದ್ಯದಲ್ಲಿ ಪೃಥ್ವಿ ಶಾ ಬ್ಯಾಟ್ ಬೀಸಲಿದ್ದಾರೆ. ಕೊನೆಯ ಎರಡು ಲೀಗ್​ ಪಂದ್ಯಕ್ಕೆ ಮುಂಬೈ ತಮ್ಮ ತಂಡ 15ರ ಬಳಗವನ್ನು ಘೋಷಿಸಿದ್ದು, ಪೃಥ್ವಿ ಶಾ ಹೆಸರಿದೆ.

ಅಸ್ಸೋಂ ವಿರುದ್ಧ ಮುಂಬೈ ತಂಡ ಸೈಯದ್ ಮುಷ್ತಾಕ್ ಅಲಿ ಟೂರ್ನಿಯ ಕೊನೆಯ ಸೂಪರ್ ಲೀಗ್ ಪಂದ್ಯ ಆಡಲಿದೆ. ಈ ಪಂದ್ಯದಲ್ಲಿ ಪೃಥ್ವಿ ಶಾ ಕಮಾಲ್​ ಮಾಡಲು ಸಜ್ಜಾಗಿದ್ದಾರೆ. ಈ ಟೂರ್ನಿಯಲ್ಲಿ ಮುಂಬೈ ತಂಡ ಸೋಲನ್ನೇ ಕಂಡಿಲ್ಲ ಎನ್ನುವುದು ವಿಶೇಷ.