ವ್ಯರ್ಥವಾದ ರಾಹುಲ್ ಆಟ: ಪಂಜಾಬ್​ ವಿರುದ್ಧ ಕೋಲ್ಕತ್ತಾ ನೈಟ್​ ರೈಡರ್ಸ್​ಗೆ 2 ರನ್​ಗಳ ರೋಚಕ ಜಯ

ಪ್ರಸಿದ್​ ಕೃಷ್ಣ ಹಾಗೂ ಸುನೀಲ್ ನರೈನ್ ಅವರ ಅದ್ಭುತ ಬೌಲಿಂಗ್ ಪ್ರದರ್ಶನದ ನೆರವಿನಿಂದ ಕೋಲ್ಕತ್ತಾ ನೈಟ್​ ರೈಡರ್ಸ್​ 2 ರನ್​ಗಳ ರೋಚಕ ಗೆಲುವು ಸಾಧಿಸಿದೆ.

ಅಬುಧಾಬಿ: ರಾಹುಲ್ ಹಾಗೂ ಮಯಾಂಕ್​ ಅಗರ್​ವಾಲ್​ ಅರ್ಧಶತಕದ ಹೊರತಾಗಿ ಕಿಂಗ್ಸ್​ ಇಲೆವೆನ್ ಪಂಜಾಬ್ ತಂಡ 165 ರನ್​ ಬೆನ್ನಟ್ಟಲಾಗದೆ 2 ರನ್​ಗಳ ರೋಚಕ ಸೋಲು ಕಾಣುವ ಮೂಲಕ ನಿರಾಸೆಯನುಭವಿಸಿದೆ.

ಮೊದಲು ಬ್ಯಾಟಿಂಗ್ ನಡೆಸಿದ್ದ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡ ಕಾರ್ತಿಕ್ (57) ಹಾಗೂ ಗಿಲ್ (57) ರನ್​ಗಳ ನೆರವಿನಿಂದ ಪಂಜಾಬ್​ಗೆ 165 ರನ್​ಗಳ ಸಾಧಾರಣ ಗುರಿ ನೀಡಿತ್ತು.

ಪಂಜಾಬ್ ಪರ ಆರಂಭಿಕರಾಗಿ ಕಣಕ್ಕಿಳಿದ ಕನ್ನಡಿಗರಾಗ ರಾಹುಲ್ ಹಾಗೂ ಮಯಾಂಕ್​ ಅಗರ್​ವಾಲ್ ಮೊದಲ ವಿಕೆಟ್​ಗೆ 115 ರನ್​ಗಳ ಜೊತೆಯಾಟ ನಡೆಸಿ ಭರ್ಜರಿ ಆರಂಭ ಒದಗಿಸಿದರು. ಅಗರ್​ವಾಲ್​ 39 ಎಸೆತಗಳಲ್ಲಿ 6 ಬೌಂಡರಿ ಹಾಗೂ ಒಂದು ಸಿಕ್ಸರ್​ ಸಹಿತ 56 ರನ್​ಗಳಿಸಿ ಔಟಾದರು. ಈ ಜೋಡಿ 14.2 ಓವರ್​ಗಳವರೆಗೆ ಜೊತೆಯಾಟ ನಡೆಸಿತ್ತು.

• What a win this for @KKRiders. They win by 2 runs and register another win in #Dream11IPL #KXIPvKKR pic.twitter.com/hdNC5pHenc

  — IndianPremierLeague (@IPL) October 10, 2020 " class="align-text-top noRightClick twitterSection" data="

  What a win this for @KKRiders. They win by 2 runs and register another win in #Dream11IPL #KXIPvKKR pic.twitter.com/hdNC5pHenc

  — IndianPremierLeague (@IPL) October 10, 2020

  ">

  What a win this for @KKRiders. They win by 2 runs and register another win in #Dream11IPL #KXIPvKKR pic.twitter.com/hdNC5pHenc

  — IndianPremierLeague (@IPL) October 10, 2020

2ನೇ ವಿಕೆಟ್​ಗೆ ಜೊತೆಯಾದ ಪೂರನ್(16) ಹಾಗೂ ರಾಹುಲ್ ​29 ರನ್​ ಸೇರಿಸಿದರು.​ ಕೊನೆಯ 3 ಓವರ್​ಗಳಲ್ಲಿ ಗೆಲುವಿಗೆ 22 ರನ್​ಗಳ ಅಗತ್ಯವಿತ್ತು. ಇಲ್ಲಿಯವರೆಗೂ ಪಂಜಾಬ್​ ಕೈಯಲ್ಲಿದ್ದ ಪಂದ್ಯ18 ಓವರ್​​ನಲ್ಲಿ ಕೋಲ್ಕತ್ತಾ ಕಡೆಗೆ ವಾಲಿತು. ಆ ಓವರ್​ನಲ್ಲಿ ಸ್ಪಿನ್ ಲೆಜೆಂಡ್​ ನರೈನ್ ಕೇವಲ 2 ರನ್​ ನೀಡಿ ಪೂರನ್ ವಿಕೆಟ್ ಪಡೆದು ಪಂಜಾಬ್​ಗೆ ದೊಡ್ಡ ಹೊಡೆತ ನೀಡಿ ಗೆಲುವನ್ನು ಕೆಕೆಆರ್​ ಕಡೆಗೆ ತಿರುಗಿಸಿದರು.

ನಂತರ 19ನೇ ಓವರ್​ನಲ್ಲಿ ಪ್ರಸಿದ್ ಕೃಷ್ಣ ಕೇವಲ 6 ರನ್​ ನೀಡಿ ಯುವ ಬ್ಯಾಟ್ಸ್​ಮನ್​ ಸಿಮ್ರಾನ್ ಸಿಂಗ್ ಹಾಗೂ 58 ಎಸೆತಗಳಲ್ಲಿ 6 ಬೌಂಡರಿ ಸಹಿತ 74 ರನ್​ಗಳಿಸಿದ್ದ ಕೆ.ಎಲ್​ ರಾಹುಲ್​ ವಿಕೆಟ್ ಪಡೆದು ಕೆಕೆಆರ್​ ಪಂದ್ಯವನ್ನು ರೋಚಕ ಹಂತಕ್ಕೆ ಕೊಂಡೊಯ್ದರು. ಕೊನೆಯ ಓವರ್​ನಲ್ಲಿ ಪಂಜಾಬ್​ಗೆ ಗೆಲ್ಲಲು 14 ರನ್​ಗಳ ಅವಶ್ಯಕತೆಯಿತ್ತು.

ನರೈನ್ 20ನೇ ಓವರ್​ನ ಮೊದಲ ಎಸೆತದಲ್ಲಿ 2 ರನ್​ ಗಳಿಸಿದ ಮ್ಯಾಕ್ಸ್​ವೆಲ್​, ನಂತರ ಡಾಟ್ ಮಾಡಿ 3ನೇ ಎಸೆತವನ್ನು ಬೌಂಡರಿಗಟ್ಟಿದರು. 4ನೇ ಎಸೆತದಲ್ಲಿ ಸಿಂಗಲ್​ ಬಂದಿತು. 5ನೇ ಎಸೆತದಲ್ಲಿ ಮಂದೀಪ್ ಸಿಂಗ್​ ಕ್ಯಾಚ್​ ನೀಡಿ ಔಟಾದರು. ಕೊನೆಯ ಎಸೆತದಲ್ಲಿ ಪಂಜಾಬ್​ಗೆ 7 ರನ್​ಗಳ ಅಗತ್ಯವಿತ್ತು. ನರೈನ್ ಕೇವಲ 4 ರನ್​ಗಳನ್ನು ಬಿಟ್ಟುಕೊಟ್ಟು ಕೆಕೆಆರ್​ಗೆ 2 ರನ್​ಗಳ ರೋಚಕ ಗೆಲುವು ತಂದುಕೊಟ್ಟರು.

ಕೆಕೆಆರ್ ಪರ ಪ್ರಸಿದ್​ ಕೃಷ್ಣ 3 ವಿಕೆಟ್ ಹಾಗೂ ಸುನೀಲ್ ನರೈನ್ 2 ವಿಕೆಟ್ ಪಡೆದು ಗೆಲುವಿನ ರೂವಾರಿಯಾದರು.