ಸಿಡ್ನಿ: ಭಾರತೀಯ ಕ್ರಿಕೆಟಿಗರು ಕ್ವಾರಂಟೈನ್ಗೆ ಒಳಗಾಗಿರುವ ಹೋಟೆಲ್ನಿಂದ 30 ಕಿ.ಮೀ. ದೂರದಲ್ಲಿ ಲಘು ವಿಮಾನವೊಂದು ಬಿದ್ದಿದೆ. ಈ ಅಪಘಾತದಿಂದ ಸ್ಥಳೀಯ ಕ್ರಿಕೆಟಿಗರು ಮತ್ತು ಫುಟ್ಬಾಲ್ ಆಟಗಾರರು ಕೂದಲೆಳೆಯಂತರದಲ್ಲಿ ಪಾರಾಗಾಗಿದ್ದಾರೆಂದು ತಿಳಿದು ಬಂದಿದೆ.
ಭಾರತೀಯ ಆಟಗಾರರು ಸಿಡ್ನಿ ಒಲಿಂಪಿಕ್ ಪಾರ್ಕ್ನಲ್ಲಿದ್ದರೆ, ವಿಮಾನ ಸಿಡ್ನಿ ಕ್ರೊಮರ್ ಪಾರ್ಕ್ ಮೈದಾನದಲ್ಲಿ ಬಿದ್ದಿದೆ. ಈ ಲಘು ವಿಮಾನ ಬೀಳುವ ಸಂದರ್ಭದಲ್ಲಿ ಮೈದಾನದಲ್ಲಿ ಸ್ಥಳೀಯ ಮಟ್ಟದ ಕ್ರಿಕೆಟ್ ಹಾಗೂ ಫುಟ್ಬಾಲ್ ಪಂದ್ಯಗಳು ನಡೆಯುತ್ತಿದ್ದವೆಂದು ತಿಳಿದು ಬಂದಿದೆ.
ವಿಮಾನ ಮೈದಾನದ ಶೆಡ್ ಒಂದರ ಮೇಲೆ ಬಿದ್ದದ್ದರಿಂದ ಶೆಡ್ ಸಂಪೂರ್ಣ ನೆಲಸಮಗೊಂಡಿದೆ. ಆದರೆ ವಿಮಾನ ಬೀಳುತ್ತಿರುವುದನ್ನು ನೋಡಿದ ವ್ಯಕ್ತಿ ಕಿರುಚಿಕೊಂಡಿದ್ದರಿಂದ ಶೆಡ್ನಲ್ಲಿದ್ದ ಆಟಗಾರರೆಲ್ಲಾ ಓಡಿ ತಮ್ಮ ಪ್ರಾಣ ಉಳಿಸಿಕೊಂಡಿದ್ದಾರೆ ಎಂದು ಪ್ರತ್ಯಕ್ಷದರ್ಶಿಗಳು ಮಾಧ್ಯಮಕ್ಕೆ ತಿಳಿಸಿದ್ದಾರೆ.
ಆದರೆ ವಿಮಾನದಲ್ಲಿದ್ದ ಫ್ಲೈಯಿಂಗ್ ಸ್ಕೂಲ್ಗೆ ಸೇರಿದ ಇಬ್ಬರು ವ್ಯಕ್ತಿಗಳಿಗೆ ಸಣ್ಣಪುಟ್ಟ ಗಾಯಗಳಾಗಿದೆ ಎಂದು ತಿಳಿದು ಬಂದಿದೆ.
