ಮುಂಬೈ: ಭಾರತ ತಂಡದ ಅಭಿಮಾನಿಗಳು ಧೋನಿ ಜಾಗದಲ್ಲಿ ಬೇರೊಬ್ಬ ವಿಕೆಟ್ ಕೀಪರ್ನನ್ನು ನೋಡಲು ಬಯಸುತ್ತಿಲ್ಲ, ಈ ವೇಳೆ ಕೇವಲ ಒಂದು ಬಾಲನ್ನು ಬಿಟ್ಟರೂ ನಮ್ಮ ಮೇಲೆ ಒತ್ತಡ ಬರುತ್ತಿದೆ ಎಂದು ಕ್ರಿಕೆಟರ್ ಕೆ.ಎಲ್. ರಾಹುಲ್ ಅಭಿಪ್ರಾಯಪಟ್ಟಿದ್ದಾರೆ.
ಸುದೀರ್ಘ 15 ವರ್ಷಗಳ ಕಾಲ ಧೋನಿ ಭಾರತ ತಂಡದ ವಿಕೆಟ್ ಕೀಪಿಂಗ್ ಜವಾಬ್ದಾರಿ ನಿರ್ವಹಿಸಿದ್ದರು, ಆದರೆ 2019ರ ವಿಶ್ವಕಪ್ ಸೆಮಿಫೈನಲ್ ನಂತರ ಧೋನಿ ಕ್ರಿಕೆಟ್ನಿಂದ ದೂರ ಉಳಿದಿದ್ದರು. ನಂತರ ಬಿಸಿಸಿಐ ಆಯ್ಕೆ ಸಮಿತಿ ಕೂಡ ಧೋನಿಯನ್ನು ಆಯ್ಕೆ ಮಾಡಲಿಲ್ಲ. ಹೀಗಾಗಿ ಅವರ ಜಾಗದಲ್ಲಿ ಪಂತ್ ಹಾಗೂ ರಾಹುಲ್ ವಿಕೆಟ್ ಕೀಪಿಂಗ್ ಜವಾಬ್ದಾರಿ ನಿರ್ವಹಿಸಿದರಾದರೂ ಅಭಿಮಾನಿಗಳು ಮಾತ್ರ ಧೋನಿ ಜಾಗದಲ್ಲಿ ಬೇರೊಬ್ಬ ವಿಕೆಟ್ ಕೀಪರ್ನನ್ನು ಒಪ್ಪಿಕೊಳ್ಳುತ್ತಿಲ್ಲ.
"ನಾನು ಭಾರತದ ಪರ ವಿಕೆಟ್ ಕೀಪರ್ ಜವಾಬ್ದಾರಿ ನಿರ್ವಹಿಸುವ ವೇಳೆ ಒತ್ತಡಕ್ಕೊಳಗಾಗುತ್ತೇನೆ, ಏಕೆಂದರೆ ಒಂದು ಎಸೆತವನ್ನು ಬಿಟ್ಟರೆ ಧೋನಿ ಜಾಗವನ್ನು ತುಂಬಲು ಯಾರಿಂದ ಸಾಧ್ಯವಿಲ್ಲ ಎಂಬ ಭಾವನೆ ಜನರಲ್ಲಿದೆ. ಲೆಜೆಂಡ್ ವಿಕೆಟ್ ಕೀಪರ್ ಧೋನಿ ಜಾಗವನ್ನು ತುಂಬುವುದು ಅಸಾಧ್ಯ, ಬೇರೊಬ್ಬ ವಿಕೆಟ್ ಕೀಪರ್ನನ್ನು ಜನರು ಒಪ್ಪಿಕೊಳ್ಳುತ್ತಿಲ್ಲ" ಎಂದು ರಾಹುಲ್ ತಿಳಿಸಿದ್ದಾರೆ.
"ನಾನು ಐಪಿಎಲ್ನಲ್ಲಿ ಹಾಗೂ ಕರ್ನಾಟಕ ಪರ ಆಡುವಾಗ ವಿಕೆಟ್ ಕೀಪಿಂಗ್ ಜವಾಬ್ದಾರಿಯನ್ನು ನಿರ್ವಹಿಸಿದ್ದೇನೆ. ಕೀಪಿಂಗ್ ನನಗೆ ಹೊಸದೇನೆಲ್ಲ,ತಂಡಕ್ಕೆ ಅವಶ್ಯಕತೆಯಿದ್ದರೆ ಯಾವಾಗ ಬೇಕಾದರೂ ನಾನು ಆ ಜವಾಬ್ದಾರಿ ನಿರ್ವಹಿಸಲು ಸಿದ್ದನಿದ್ದೇನೆ" ಎಂದು ರಾಹುಲ್, ದಿನೇಶ್ ಕಾರ್ತಿಕ್ರೊಡನೆ ನಡೆದ ಇನ್ಸ್ಟಾಗ್ರಾಮ್ ಲೈವ್ನಲ್ಲಿ ಹೇಳಿಕೊಂಡಿದ್ದಾರೆ.
