ಸಾಮಾಜಿಕ ಜಾಲತಾಣದಲ್ಲಿ ಕಿಚ್ಚೆಬ್ಬಿಸುತ್ತಿದೆ ಕೊಹ್ಲಿ - ಯಾದವ್​ ಒಬ್ಬರನ್ನೊಬ್ಬರು ಗುರಾಯಿಸಿದ ದೃಶ್ಯ

ಆರ್​ಸಿಬಿ ನೀಡಿದ 165 ರನ್​ಗಳ ಗುರಿ ಬೆನ್ನಟ್ಟಿದ ಮುಂಬೈ ನಿರಂತರವಾಗಿ ವಿಕೆಟ್ ಕಳೆದುಕೊಳ್ಳುತ್ತಿದ್ದರೂ, ಸೂರ್ಯಕುಮಾರ್ ಯಾದವ್​ ಮಾತ್ರ ಕೆಚ್ಚೆದೆಯ ಬ್ಯಾಟಿಂಗ್ ಪ್ರದರ್ಶನ ತೋರಿ ಪಂದ್ಯ ಗೆಲ್ಲಿಸಿಕೊಟ್ಟರು. ಏಕಾಂಗಿಯಾಗಿ ಹೋರಾಡಿದ ಯಾದವ್​ 49 ಎಸೆತಗಳಲ್ಲಿ 79 ರನ್​ಗಳಿಸಿ ಗೆಲುವಿನ ರೂವಾರಿಯಾಗಿದ್ದರು

ಅಬುಧಾಬಿ: ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡದ ನಾಯಕ ವಿರಾಟ್ ಕೊಹ್ಲಿ ಹಾಗೂ ಮುಂಬೈ ಬ್ಯಾಟ್ಸ್​ಮನ್​ ಸೂರ್ಯಕುಮಾರ್ ಯಾದವ್​ ನಿನ್ನೆಯ ಪಂದ್ಯದಲ್ಲಿ ಎದುರು ಬದರಾಗಿ ಗುರಾಯಿಸಿದ ಫೋಟೋ ವೈರಲ್​ ಆಗುತ್ತಿದ್ದು, ವಿರಾಟ್​ ಕೊಹ್ಲಿ ಸ್ಲೆಡ್ಜಿಂಗ್​ಗೆ ಯತ್ನಿಸಿದರು ಎಂಬ ಅನುಮಾನ ಕೂಡಾ ವ್ಯಕ್ತವಾಗುತ್ತಿದೆ.

ಆರ್​ಸಿಬಿ ನೀಡಿದ 165 ರನ್​ಗಳ ಗುರಿಯನ್ನ ಬೆನ್ನಟ್ಟಿದ ಮುಂಬೈ ನಿರಂತರವಾಗಿ ವಿಕೆಟ್ ಕಳೆದುಕೊಳ್ಳುತ್ತಿದ್ದರೂ, ಸೂರ್ಯಕುಮಾರ್ ಯಾದವ್​ ಮಾತ್ರ ಕೆಚ್ಚೆದೆಯ ಬ್ಯಾಟಿಂಗ್ ಪ್ರದರ್ಶನ ತೋರಿ ಪಂದ್ಯ ಗೆಲ್ಲಿಸಿಕೊಟ್ಟರು. ಏಕಾಂಗಿಯಾಗಿ ಹೋರಾಡಿದ ಯಾದವ್​ 49 ಎಸೆತಗಳಲ್ಲಿ 79 ರನ್​ಗಳಿಸಿ ಗೆಲುವಿನ ರೂವಾರಿಯಾಗಿದ್ದರು.

ಆದರೆ, ಪಂದ್ಯದ 13ನೇ ಓವರ್​ನ ಕೊನೆಯ ಎಸೆತವನ್ನು ಹೊಡೆದ ಚೆಂಡು ವಿರಾಟ್ ಕೊಹ್ಲಿ ಕೈ ಸೇರಿತು. ಈ ಸಂದರ್ಭದಲ್ಲಿ ಕೊಹ್ಲಿ ನೇರವಾಗಿ ಕ್ರೀಸ್​ಗೆ ಆಗಮಿಸುತ್ತಿದ್ದರು. ಈ ವೇಳೆ ಯಾದವ್ ಮತ್ತು ಕೊಹ್ಲಿ ಒಬ್ಬರನ್ನೊಬ್ಬರು ಗುರಾಯಿಸುತ್ತ ಬಂದರು. ಕೊಹ್ಲಿ ಹತ್ತಿರ ಬಂದು ನಿಂತ ತಕ್ಷಣ ಯಾದವ್​ ಕ್ರೀಸ್ ಬಿಟ್ಟು ಹೊರಟರು.

• #BCCIpolitics
  Captain of National team. Sledging youngsters that too uncapped player.
  Got what he deserved... #ViratKohli #IPL2020 #MI #MIvsRCB pic.twitter.com/7axXIZ7AAO

  — ---- (@panchamrata) October 29, 2020 " class="align-text-top noRightClick twitterSection" data="

  #BCCIpolitics
  Captain of National team. Sledging youngsters that too uncapped player.
  Got what he deserved... #ViratKohli #IPL2020 #MI #MIvsRCB pic.twitter.com/7axXIZ7AAO

  — ---- (@panchamrata) October 29, 2020

  ">

  #BCCIpolitics
  Captain of National team. Sledging youngsters that too uncapped player.
  Got what he deserved... #ViratKohli #IPL2020 #MI #MIvsRCB pic.twitter.com/7axXIZ7AAO

  — ---- (@panchamrata) October 29, 2020

ಆದರೆ, ಈ ವಿಡಿಯೋ ಹಾಗೂ ಫೋಟೋಗಳು ಮಾತ್ರ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಸದ್ದು ಮಾಡುತ್ತಿವೆ. ವಿರಾಟ್​ ಕೊಹ್ಲಿ ಯಾದವ್​ ಅವರನ್ನು ಸ್ಲೆಡ್ಜಿಂಗ್​​ ಮಾಡಲು ಪ್ರಯತ್ನಿಸಿದ್ರಾ ಎಂಬ ಚರ್ಚೆ ಕೂಡ ನಡೆಯುತ್ತಿದೆ. ಒಟ್ಟಾರೆ, ಈ ಕ್ಷಣವನ್ನು ಪಂದ್ಯದ ಅತ್ಯುತ್ತಮ ಕ್ಷಣ ಎಂದು ಹಲವಾರಿ ಅಭಿಮಾನಿಗಳು ಕೊಹ್ಲಿ ಕಾಲೆಳೆಯುತ್ತಿದ್ದಾರೆ. ಜೊತೆಗೆ ರಾಷ್ಟ್ರೀಯ ತಂಡಕ್ಕೆ ಆಯ್ಕೆಯಾಗದ ನೋವಿನಲ್ಲಿ ಕೆಚ್ಚೆದೆಯ ಬ್ಯಾಟಿಂಗ್ ಪ್ರದರ್ಶನ ತೋರಿದ ಯಾದವ್​ ಪರ ಕೆಲವರು ಟ್ವೀಟ್ ಮಾಡುತ್ತಿದ್ದಾರೆ.

ಈ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಆರ್​ಸಿಬಿ ದೇವದತ್ ಪಡಿಕ್ಕಲ್ ಸಿಡಿಸಿದ 74 ರನ್​ಗಳ ನೆರವಿನಿಂದ 164 ರನ್​ಗಳಿಸಿತ್ತು. ಈ ಮೊತ್ತವನ್ನು ಮುಂಬೈ 19.1 ಓವರ್​ಗಳಲ್ಲಿ 5 ವಿಕೆಟ್ ಕಳೆದುಕೊಂಡು ತಲುಪಿತ್ತು.