ಕೋಲ್ಕತ್ತಾ: ಟೀಂ ಇಂಡಿಯಾದ ವೇಗಿ ಮೊಹಮ್ಮದ್ ಶಮಿ ಹಾಗೂ ಪತ್ನಿ ಹಸೀನಾ ಜಹಾನ್ ನಡುವಿನ ಜಗಳ ದಿನ ಕಳೆದಂತೆ ತಾರಕಕ್ಕೇರ್ತಿದೆ. ಪತಿ ವಿರುದ್ಧ ಮಾನಸಿಕ ಹಿಂಸೆ, ಕಿರುಕುಳ ಹಾಗೂ ಬೇರೊಬ್ಬಳ ಜೊತೆ ಗೌಪ್ಯ ಮದುವೆ ಆರೋಪಿಸಿ ಹಸೀನಾ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾರೆ. ಆದರೆ ಇದ್ಯಾವುದಕ್ಕೂ ತಲೆ ಕೆಡಿಸಿಕೊಳ್ಳದ ಶಮಿ ಸದ್ಯ ಟೆಸ್ಟ್ ಕ್ರಿಕೆಟ್ನಲ್ಲಿ ಬ್ಯುಸಿಯಾಗಿದ್ದಾರೆ. ಇದರ ಮಧ್ಯೆ ಮಗಳ ಕ್ಯೂಟ್ ಆಗಿರುವ ವಿಡಿಯೋ ಶೇರ್ ಮಾಡಿದ್ದಾರೆ.
ಪುಣೆಯಲ್ಲಿ ನಡೆಯುತ್ತಿರುವ ಎರಡನೇ ಟೆಸ್ಟ್ ಪಂದ್ಯದಲ್ಲಿ ಮೊಹಮ್ಮದ್ ಶಮಿ ಆಡುತ್ತಿದ್ದು, ಮಗಳ ಕ್ಯೂಟ್ ಡ್ಯಾನ್ಸ್ನ ತುಣುಕೊಂದನ್ನ ತಮ್ಮ ಇನ್ಸ್ಟಾಗ್ರಾಂ ಪೇಜ್ನಲ್ಲಿ ಶೇರ್ ಮಾಡಿದ್ದಾರೆ. ಭೋಜಪುರಿ ಡ್ಯಾನ್ಸ್ವೊಂದಕ್ಕೆ ಐರಿಶಾ ಹೆಜ್ಜೆ ಹಾಕಿದ್ದಾಳೆ.
ನನ್ನ ಗೊಂಬೆ ನನಗಿಂತಲೂ ಹೆಚ್ಚಿನ ಡ್ಯಾನ್ಸ್ ಕೌಶಲ್ಯ ಹೊಂದಿದ್ದಾಳೆ ಎಂದು ಶಮಿ ಬರೆದಿದ್ದಾರೆ. ಶಮಿ ಪೋಸ್ಟ್ಗೆ ಎಲ್ಲೆಡೆಯಿಂದ ಮೆಚ್ಚುಗೆ ವ್ಯಕ್ತವಾಗಿದೆ. ದಕ್ಷಿಣ ಆಫ್ರಿಕಾ ವಿರುದ್ಧದ ಮೊದಲ ಪಂದ್ಯದಲ್ಲಿ ಐದು ವಿಕೆಟ್ ಪಡೆದ ಶಮಿ ಮಿಂಚಿದ್ದು, ತಂಡದ ಗೆಲುವಿನಲ್ಲಿ ಮಹತ್ವದ ಪಾತ್ರ ನಿರ್ವಹಿಸಿದ್ದಾರೆ.
- " class="align-text-top noRightClick twitterSection" data="View this post on Instagram
My doll. Has much better dances skills than her father.💃#dance #futurestar #india.
">
