'ಜಂಟಲ್​ಮ್ಯಾನ್​ ಆಟದಲ್ಲಿ ಸೋಲು-ಗೆಲುವು ಸಾಮಾನ್ಯ, ಆಟಗಾರರ ನಿಂದನೆ ತಪ್ಪು'

ಭಾರತದ ವಿರುದ್ಧ ವಿಶ್ವಕಪ್​ನಲ್ಲಿ ಸೋಲನುಭವಿಸಿದ ಪಾಕಿಸ್ತಾನ ತಂಡದ ಆಟಗಾರರ ನಿಂದಿಸುತ್ತಿರುವುದನ್ನು ಖಂಡಿಸಿರುವ ಮಾಜಿ ನಾಯಕ ಮೊಹಮ್ಮದ್​ ಯೂಸುಫ್​, ಆಟಗಾರರು ಮತ್ತು ಅವರ ಕುಟುಂಬಸ್ಥರ ಜೊತೆ ಕೆಟ್ಟದಾಗಿ ನಡೆದುಕೊಳ್ಳಬೇಡಿ ಎಂದು ಮನವಿ ಮಾಡಿಕೊಂಡಿದ್ದಾರೆ.

ನವದೆಹಲಿ: ಭಾರತದ ವಿರುದ್ಧ ವಿಶ್ವಕಪ್​ನಲ್ಲಿ ಸೋಲನುಭವಿಸಿದ ಪಾಕಿಸ್ತಾನ ತಂಡದ ಆಟಗಾರರ ನಿಂದಿಸುತ್ತಿರುವುದನ್ನು ಖಂಡಿಸಿರುವ ಮಾಜಿ ನಾಯಕ ಮೊಹಮ್ಮದ್​ ಯೂಸುಫ್​, ಆಟಗಾರರು ಮತ್ತು ಅವರ ಕುಟುಂಬಸ್ಥರ ಜೊತೆ ಕೆಟ್ಟದಾಗಿ ನಡೆದುಕೊಳ್ಳಬೇಡಿ ಎಂದು ಮನವಿ ಮಾಡಿದ್ದಾರೆ.

ಜೂನ್​ 16 ರಂದು ಇಂಗ್ಲೆಂಡ್‌ನ ಮ್ಯಾಂಚೆಸ್ಟರ್​ನಲ್ಲಿ ನಡೆದಿದ್ದ ಪಂದ್ಯದಲ್ಲಿ ಭಾರತದ ವಿರುದ್ಧ ಪಾಕಿಸ್ತಾನ ತಂಡ 89 ರನ್​ಗಳಿಂದ ಹೀನಾಯ ಸೋಲು ಕಂಡಿತ್ತು. ಈ ಸೋಲನ್ನು ಸಹಿಸಿದ ಅಭಿಮಾನಿಗಳು ಸಾಮಾಜಿಕ ಜಾಲಾತಣಗಳಲ್ಲಿ, ಮೈದಾನದಲ್ಲಿ ಹಾಗೂ ಮೈದಾನದ ಹೊರಗೂ ಆಟಗಾರರನ್ನು ನಿಂದಿಸುತ್ತಿದ್ದಾರೆ. ಮೊನ್ನೆಯಷ್ಟೇ ಅಭಿಮಾನಿಯೊಬ್ಬ ಪಾಕ್​ ನಾಯಕ ಸರ್ಫರಾಜ್​ ಅಹ್ಮದ್​ ತಮ್ಮ ಪುತ್ರನೊಂದಿಗೆ ಶಾಪಿಂಗ್​ ಹೋಗಿದ್ದ ವೇಳೆ ಲೈವ್​ ವಿಡಿಯೋ ಮಾಡಿ ಹಂದಿಗೆ ಹೋಲಿಸಿದ್ದ. ಈ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಆ ವ್ಯಕ್ತಿಯ ವರ್ತನೆಯನ್ನು ತೀವ್ರವಾಗಿ ಖಂಡಿಸಲಾಗಿತ್ತು.

• Dear fans let’s keep it a gentleman’s GAME and avoid any acts of inappropriate behaviour towards players/families 🙏

  — Mohammad Yousaf (@yousaf1788) June 22, 2019 " class="align-text-top noRightClick twitterSection" data="

  Dear fans let’s keep it a gentleman’s GAME and avoid any acts of inappropriate behaviour towards players/families 🙏

  — Mohammad Yousaf (@yousaf1788) June 22, 2019

  ">

  Dear fans let’s keep it a gentleman’s GAME and avoid any acts of inappropriate behaviour towards players/families 🙏

  — Mohammad Yousaf (@yousaf1788) June 22, 2019

ಇದೀಗ ಪಾಕಿಸ್ತಾನ ಕಂಡ ಸ್ಫೋಟಕ ಆಟಗಾರ ಮೊಹಮ್ಮದ್​ ಯೂಸುಫ್​ ಕೂಡ ಅಭಿಮಾನಿಗಳನ್ನು ಕುರಿತು " ಕ್ರಿಕೆಟ್‌ನ್ನು ಒಂದು ಜಂಟಲ್​ ಮ್ಯಾನ್​ ಆಟವನ್ನಾಗಿ ಮಾತ್ರ ನೋಡಿ, ಆಟಗಾರರು ಹಾಗೂ ಅವರ ಕುಟುಂಬದವರ ವಿರುದ್ಧ ಅನುಚಿತವಾಗಿ ವರ್ತಿಸಬೇಡಿ" ಎಂದು ಮನವಿ ಮಾಡಿದ್ದಾರೆ.

ಭಾರತದ ವಿರುದ್ಧ ಡಕ್​ ಔಟ್​ ಆಗಿದ್ದ ಶೋಯಬ್​ ಮಲಿಕ್​ರನ್ನು ಟೀಕಿಸಿದ್ದ ಪಾಕ್​ ಅಭಿಮಾನಿಗಳು, ಅವರ ಪತ್ನಿ ಭಾರತೀಯ ಟೆನ್ನಿಸ್​ ಆಟಗಾರ್ತಿ ಸಾನಿಯ ಮಿರ್ಜಾ ವಿರುದ್ಧವೂ ಅವಹೇಳನಕಾರಿ ಪೋಸ್ಟ್​ ಹಾಕಿ ಟೀಕಿಸಿದ್ದರು.