ಹೈದರಾಬಾದ್: ಕಿವೀಸ್ ವಿರುದ್ಧದ ಏಕದಿನ ಸರಣಿಯ ಉಳಿದೆರಡು ಪಂದ್ಯದಲ್ಲಿ ಕೇದಾರ್ ಜಾಧವ್ ಬದಲು ಯಜುವೇಂದ್ರ ಚಹಾಲ್ಗೆ ಅವಕಾಶ ನೀಡಬೇಕು ಎಂದು ಟೀಂ ಇಂಡಿಯಾ ಮಾಜಿ ಕ್ರಿಕೆಟ್ ಆಟಗಾರ ಹರ್ಭಜನ್ ಸಿಂಗ್ ಹೇಳಿದ್ದಾರೆ.
ನ್ಯೂಜಿಲ್ಯಾಂಡ್ ಆಟಗಾರರ ವೀಕ್ನೆಸ್ ಬಗ್ಗೆ ಮಾತನಾಡಿರುವ ಬಜ್ಜಿ, ಕಿವೀಸ್ ಆಟಗಾರರು ವೇಗದ ಬೌಲಿಂಗ್ಗೆ ಉತ್ತಮವಾಗಿ ಆಡಬಲ್ಲರು. ಆದರೆ ಸ್ಪಿನ್ ಬೌಲರ್ಗಳನ್ನ ಎದುರಿಸುವುದು ಕೊಂಚ ಕಷ್ಟ. ಹೀಗಾಗಿ ಮೊದಲ ಏಕದಿನ ಪಂದ್ಯದಿಂದ ಹೊರಗುಳಿದಿದ್ದ ಯಜುವೇಂದ್ರ ಚಹಾಲ್ಗೆ ಮುಂದಿನ ಪಂದ್ಯಗಳಲ್ಲಿ ಅವಕಾಶ ನೀಡಬೇಕು ಎಂದಿದ್ದಾರೆ.
ಕಿವೀಸ್ ನೆಲದಲ್ಲಿ ಸ್ಪಿನ್ ಬೌಲರ್ಗಳು ವಿಕೆಟ್ ಪಡೆಯಬಲ್ಲರು, ಕೇದಾರ್ ಬದಲಿಗೆ ಯಜುವೇಂದ ಚಹಾಲ್ಗೆ ಅವಕಾಶ ನೀಡಬೇಕು. ಕುಲ್ದೀಪ್ ಯಾದವ್ ಮತ್ತು ಚಹಾಲ್ ಇಬ್ಬರು ಸ್ಪಿನ್ನರ್ಗಳೂ ಕಣಕ್ಕಿಳಿಯಬೇಕು ಎಂದಿದ್ದಾರೆ.
ಮೊದಲ ಏಕದಿನ ಪಂದ್ಯದಲ್ಲಿ ಬ್ಯಾಟ್ ಬೀಸಿದ್ದ ಕೇದಾರ್ ಜಾಧವ್ 15 ಎಸೆತಗಳಲ್ಲಿ 26 ರನ್ ಸಿಡಿಸಿದ್ದರು. ಆದರೆ ಬೌಲಿಂಗ್ ಮಾಡುವ ಅವಕಾಶ ನೀಡಿರಲಿಲ್ಲ.
