ಅಂದು ಗಂಗೂಲಿ ತೋರಿದ್ದ ದಾರಿಯಲ್ಲಿ ಇಂದು ನಾವು ಸಾಗುತ್ತಿದ್ದೇವೆ: ದಾದಾ ಕೊಂಡಾಡಿದ ವಿರಾಟ್

ಸಂಕಷ್ಟದ ಸಮಯದಲ್ಲಿ ತಂಡವನ್ನ ಮುನ್ನಡೆಸಿದ್ದ ಗಂಗೂಲಿ ಅವರು ಹಾಕಿಕೊಟ್ಟ ಮಾರ್ಗದಲ್ಲೇ ನಾವು ನಡೆಯುತ್ತಿದ್ದೇವೆ ಎಂದು ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ ಹೇಳಿದ್ದಾರೆ.

ಕೋಲ್ಕತ್ತಾ: ಬಾಂಗ್ಲಾ ವಿರುದ್ಧದ ಟೆಸ್ಟ್​ ಸರಣಿಯನ್ನ ಕ್ಲೀನ್​ಸ್ವೀಪ್ ಮಾಡಿರುವ ಟೀಂ ಇಂಡಿಯಾ ಸತತವಾಗಿ 7 ಟೆಸ್ಟ್​ ಪಂದ್ಯಗಳಲ್ಲಿ ಜಯ ಸಾಧಿಸುವ ಮೂಲಕ ನೂತನ ಮೈಲಿಗಲ್ಲು ಸ್ಥಾಪಿಸಿದೆ.

ಪಂದ್ಯ ಮುಗಿದ ಬಳಿಕ ಮಾತನಾಡಿರುವ ಟೀಂ ಇಂಡಿಯಾ ನಾಯಕ ವಿರಾಟ್ ಕೊಹ್ಲಿ, ಹಾಲಿ ಬಿಸಿಸಿಐ ಅಧ್ಯಕ್ಷ ಮತ್ತು ಮಾಜಿ ಟೀಂ ಇಂಡಿಯಾ ನಾಯಕ ಸೌರವ್​ ಗಂಗೂಲಿಯನ್ನ ಕೊಂಡಾಡಿದ್ದಾರೆ. ಅಂದು ದಾದಾ ಅವರು ತಂಡಕ್ಕೆ ಎದ್ದೇಳುವುದನ್ನ(ಗೆಲ್ಲುವುದು ಹೇಗೆ) ಕಲಿಸಿದ್ದರು. ಅದನ್ನೇ ನಾವು ಇಂದು ಅನುಸರಿಸುತ್ತಿದ್ದೇವೆ ಎಂದಿದ್ದಾರೆ.

• ' class='align-text-top noRightClick twitterSection' data=''>

ನಮ್ಮ ಬೌಲಿಂಗ್ ಶಕ್ತಿ ಬಲಗೊಂಡಿದ್ದು, ತಂಡವನ್ನ ಗೆಲ್ಲಿಸುವ ಶಕ್ತಿ ನಮ್ಮ ಬೌಲರ್​ಗಳಿಗೆ ಇದೆ. ಯಾವುದೇ ಬ್ಯಾಟ್ಸ್​ಮನ್​ ಇರಲಿ, ಭಯವಿಲ್ಲದೆ ಬೌಲಿಂಗ್ ಮಾಡುವ ಸಾಮರ್ಥ್ಯ ನಮ್ಮವರಿಗಿದೆ. ಕಳೆದ 3-4 ವರ್ಷಗಳಲ್ಲಿ ಇದರ ಪ್ರತಿಫಲವನ್ನ ನಾವು ಕಾಣುತ್ತಿದ್ದೇವೆ ಎಂದು ಬೌಲರ್​ಗಳ ಸಾಮರ್ಥ್ಯವನ್ನ ಸಹ ವಿರಾಟ್ ಹೊಗಳಿದ್ದಾರೆ.

ಈ ಹಿಂದೆ ಮಹೇಂದ್ರ ಸಿಂಗ್ ಧೋನಿ ನಾಯಕತ್ವದಲ್ಲಿ ಟೀಂ ಇಂಡಿಯಾ ಸತತವಾಗಿ 6 ಟೆಸ್ಟ್ ಪಂದ್ಯಗಳಲ್ಲಿ ಜಯ ಸಾಧಿಸಿತ್ತು. ಇದೀಗ ಕೊಹ್ಲಿ ಆ ದಾಖಲೆಯನ್ನ ಬ್ರೇಕ್ ಮಾಡಿದ್ದು, ವಿರಾಟ್​ ನಾಯಕತ್ವದಲ್ಲಿ ಭಾರತ ತಂಡ ಸತತವಾಗಿ 7 ಟೆಸ್ಟ್​ ಪಂದ್ಯಗಳಲ್ಲಿ ಗೆಲುವು ದಾಖಲಿಸಿದೆ.