ಬೆಂಗಳೂರು: ವಿಜಯ್ ಹಜಾರೆ ಟ್ರೋಫಿಯಲ್ಲಿ ಅಮೋಘ ಆಟ ಪ್ರದರ್ಶನ ತೋರುತ್ತಿರುವ ಕರ್ನಾಟಕ ತಂಡ ಬುಧವಾರ ಚತ್ತಿಸ್ಘಡ ವಿರುದ್ಧ 79 ರನ್ಗಳ ಜಯ ಸಾಧಿಸಿ ಅಂಕ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿದೆ.
ಸಿಡಿಲಬ್ಬರದ ಬ್ಯಾಟಿಂಗ್ ಪ್ರದರ್ಶನ ತೋರಿದ ನಾಯಕ ಮನೀಷ್ ಪಾಂಡೆ 118 ಎಸೆತಗಳಲ್ಲಿ 7 ಸಿಕ್ಸರ್ ಹಾಗೂ 5 ಬೌಂಡರಿ ಸಹಿತ 142 ರನ್ ಗಳಿಸಿದರೆ ಇವರಿಗೆ ಸಾಥ್ ನೀಡಿದ ರಾಹುಲ್ 81 ರನ್ ಪೇರಿಸಿದರು. ಇವರಿಬ್ಬರ ಬ್ಯಾಟಿಂಗ್ ನೆರವಿನಿಂದ ಕರ್ನಾಟಕ 50 ಓವರ್ಗಳಲ್ಲಿ 285 ರನ್ ಕಲೆ ಹಾಕಿತು.
286 ರನ್ಗಳ ಟಾರ್ಗೆಟ್ ಬೆನ್ನತ್ತಿದ ಚತ್ತಿಸ್ಘಡ ಕರ್ನಾಟಕ ಬೌಲರ್ಗಳ ದಾಳಿಗೆ ಸಿಲುಕಿ 206 ರನ್ಗಳಿಗೆ ಆಲೌಟ್ ಆಯಿತು.
ಶಶಾಂಕ್ 42, ಆಶುತೋಶ್ 32, ಅಮನ್ದೀಪ್ ಖರೆ 43 ರನ್ ಗಳಿಸಿ ಗರಿಷ್ಠ ಸ್ಕೋರರ್ ಎನಿಸಿಕೊಂಡರು. ಉತ್ತಮ ಬೌಲಿಂಗ್ ದಾಳಿ ನಡೆಸಿದ ಪ್ರಸಿದ್ ಕೃಷ್ಣ 31ಕ್ಕೆ 3, ಶ್ರೇಯಸ್ ಗೋಪಾಲ್ 34ಕ್ಕೆ 3 , ರೋನಿತ್ ಮೋರೆ 52ಕ್ಕೆ 2, ಕೆ. ಗೌತಮ್ 34ಕ್ಕೆ 1 , ವಿ. ಕೌಶಿಕ್ 35ಕ್ಕೆ 1 ವಿಕೆಟ್ ಪಡೆದು ಗೆಲುವಿನಿ ರೂವಾರಿಯಾದರು.
