ವಿಜಯ್​ ಹಜಾರೆ ಟ್ರೋಫಿಯಲ್ಲಿ ಕೇರಳ ಮೇಲೆ ಕರ್ನಾಟಕದ ಸವಾರಿ.. ಕ್ವಾರ್ಟರ್​ ಫೈನಲ್​ಗೆ ಲಗ್ಗೆ!

ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಮಿಂಚಿದ ದೇವದತ್ ಪಡಿಕ್ಕಲ್ ಮತ್ತೊಂದು ಶತಕ ಸಿಡಿಸಿ ಮಿಂಚಿದ್ದು, ಕರ್ನಾಟಕ ತಂಡ ಆಡಿರುವ 4 ಪಂದ್ಯಗಳಲ್ಲಿ 3 ಗೆಲುವು ಹಾಗೂ 1 ಸೋಲು ಕಂಡಿದೆ.

ಬೆಂಗಳೂರು: ಕೇರಳ ವಿರುದ್ಧ ನಡೆದ ವಿಜಯ್​ ಹಜಾರೆ ಟ್ರೋಫಿ ಪಂದ್ಯದಲ್ಲಿ ಕರ್ನಾಟಕ ತಂಡ 9 ವಿಕೆಟ್​ಗಳ ಭರ್ಜರಿ ಗೆಲುವು ದಾಖಲು ಮಾಡುವ ಮೂಲಕ ಕ್ವಾರ್ಟರ್​ ಫೈನಲ್​ಗೆ ಲಗ್ಗೆ ಹಾಕಿದೆ.

ಟಾಸ್​ ಸೋತು ಮೊದಲು ಬ್ಯಾಟಿಂಗ್ ನಡೆಸಿದ ಕೇರಳ ತಂಡ ಆರಂಭಿಕ ಆಘಾತದ ನಡುವೆ ಕೂಡ ವತ್ಸುಲ್​(95) ಕ್ಯಾಪ್ಟನ್​ ಸಚಿನ್ ಬೇಬಿ(54) ಹಾಗೂ ಮೊಹಮ್ಮದ್ ಅಜರುದ್ದೀನ್​ ಅಜೇಯ(59)ರನ್​ಗಳ ನೇರವಿನಿಂದ ನಿಗದಿತ 50 ಓವರ್​ಗಳಲ್ಲಿ 8 ವಿಕೆಟ್​ ಕಳೆದುಕೊಂಡು 277ರನ್​ಗಳಿಕೆ ಮಾಡಿತು.

ಮಿಂಚಿದ ದೇವದತ್ ಪಡಿಕ್ಕಲ್​​

ಹಿಂದಿನ ಪಂದ್ಯಗಳಲ್ಲಿ ಮಿಂಚಿದ್ದ ರಾಬಿನ್ ಉತ್ತಪ್ಪ(0) ಹಾಗೂ ಸಂಜು ಸ್ಯಾಮ್ಸನ್​​(3)ರನ್​ಗಳಿಕೆ ಮಾಡಿ ನಿರಾಶೆ ಮೂಡಿಸಿದರು. ಕರ್ನಾಟಕ ತಂಡದ ಪರ ಉತ್ತಮ ಬೌಲಿಂಗ್​ ಪ್ರದರ್ಶನ ನೀಡಿದ ಮಿಥುನ್​ 5 ವಿಕೆಟ್ ಪಡೆದುಕೊಂಡು ಮಿಂಚಿದ್ರೆ, ಪ್ರಸಿದ್ಧ ಹಾಗೂ ಶ್ರೇಯಸ್ ಗೋಪಾಲ್ ತಲಾ 1 ವಿಕೆಟ್ ಪಡೆದುಕೊಂಡರು.

• Karnataka Won by 9 Wicket(s) #KARvKER @paytm #VijayHazareTrophy Scorecard:https://t.co/waMaIqgvXN

  — BCCI Domestic (@BCCIdomestic) February 26, 2021 " class="align-text-top noRightClick twitterSection" data="

  Karnataka Won by 9 Wicket(s) #KARvKER @paytm #VijayHazareTrophy Scorecard:https://t.co/waMaIqgvXN

  — BCCI Domestic (@BCCIdomestic) February 26, 2021

  ">

  Karnataka Won by 9 Wicket(s) #KARvKER @paytm #VijayHazareTrophy Scorecard:https://t.co/waMaIqgvXN

  — BCCI Domestic (@BCCIdomestic) February 26, 2021

278ರನ್​ಗಳ ಗುರಿ ಬೆನ್ನತ್ತಿದ್ದ ಕರ್ನಾಟಕ ತಂಡ ಉತ್ತಮ ಆರಂಭ ಪಡೆದುಕೊಂಡಿತು. ಆರಂಭಿಕರಾಗಿ ಕಣಕ್ಕಿಳಿದ ಸಮರ್ಥ್​(62), ದೇವದತ್ ಪಡಿಕ್ಕಲ್​ ಅಜೇಯ(126) ಹಾಗೂ ಸಿದ್ಧಾರ್ಥ್​ ಅಜೇಯ(86)ರನ್​ಗಳಿಕೆ ಮಾಡಿ ಕೇವಲ 45.3 ಓವರ್​ಗಳಲ್ಲಿ 1 ವಿಕೆಟ್ ಕಳೆದುಕೊಂಡು 279ರನ್​ಗಳಿಕೆ ಮಾಡಿದ್ದು, ಕ್ವಾರ್ಟರ್​ ಫೈನಲ್​ಗೆ ಲಗ್ಗೆ ಹಾಕಿದೆ.

ಪಡಿಕ್ಕಲ್ ಬ್ಯಾಟಿಂಗ್ ಸೊಬಗು

ಈ ಹಿಂದಿನ ಪಂದ್ಯದಲ್ಲೂ ಯುವ ಬ್ಯಾಟ್ಸ್​ಮನ್​ ದೇವದತ್ ಪಡಿಕ್ಕಲ್​ ಅಬ್ಬರದ ಶತಕ ಸಿಡಿಸಿ ಒಡಿಶಾ ವಿರುದ್ಧದ ಪಂದ್ಯದಲ್ಲಿ 101ರನ್​ಗಳ ಜಯ ಸಾಧಿಸಿತ್ತು. ಇದೀಗ ಕೇರಳ ವಿರುದ್ಧ 9 ವಿಕೆಟ್​ಗಳ ಗೆಲುವು ದಾಖಲು ಮಾಡಿದೆ.