ಮ್ಯಾಂಚೆಸ್ಟರ್: ವೆಸ್ಟ್ ಇಂಡೀಸ್ ವಿರುದ್ಧದ ಕೊನೆಯ ಟೆಸ್ಟ್ ಪಂದ್ಯದಲ್ಲಿ ಅವಕಾಶ ಪಡೆಯದ 5 ಆಟಗಾರರು ಐರ್ಲೆಂಡ್ ವಿರುದ್ದದ ಏಕದಿನ ಸರಣಿಗಾಗಿ ನಡೆಯುತ್ತಿರುವ ತರಬೇತಿ ಶಿಬಿರ ಸೇರಿಕೊಂಡಿದ್ದಾರೆ.
ವೆಸ್ಟ್ ಇಂಡೀಸ್ ವಿರುದ್ಧದ ಮೊದಲ ಟೆಸ್ಟ್ನಲ್ಲಿ 18 ಮತ್ತು 29 ರನ್ಗಳಿಸಿದ ನಂತರ ತಂಡದಿಂದ ಹೊರಬಿದ್ದಿದ್ದ ಜೋ ಡೆನ್ಲಿ ಹಾಗೂ ಕ್ರೈಗ್ ಓವರ್ಟನ್, ಒಲ್ಲಿ ರಾಬಿನ್ಸನ್ಮ ಒಲ್ಲಿ ಸ್ಟೋನ್ ಹಾಗೂ ಡಾನ್ ಲಾರೆನ್ಸ್ ಶುಕ್ರವಾರದಿಂದ ಆರಂಭವಾಗಿರುವ ವಿಂಡೀಸ್ ವಿರುದ್ಧದ ಟೆಸ್ಟ್ ತಂಡದಿಂದ ಹೊರ ಬಿದ್ದಿದ್ದರು.
ಇನ್ನು ಆಗಸ್ಟ್ 1ರಿಂದ ಆರಂಭವಾಗಲಿರುವ ಕೌಂಟಿ ಕ್ರಿಕೆಟ್ನಲ್ಲಿ ಡೆನ್ಲಿ ಹೊರತುಪಡಿಸಿ ಉಳಿದೆಲ್ಲಾ ಆಟಗಾರರು ಭಾಗವಹಿಸಲಿದ್ದಾರೆ ಎಂದು ತಿಳಿದುಬಂದಿದೆ.
ಐರ್ಲೆಂಡ್ ವಿರುದ್ಧ ಇಂಗ್ಲೆಂಡ್ ತಂಡ 3 ರಾಯಲ್ ಲಂಡನ್ ಏಕದಿನ ಪಂದ್ಯಗಳನ್ನಾಡಲಿದೆ. ಏಜಸ್ ಬೌಲ್ನಲ್ಲಿ ಜುಲೈ 30 ರಂದು ಮೊದಲ ಪಂದ್ಯ ನಡೆಯಲಿದೆ. ಶುಕ್ರವಾರ ತರಬೇತಿ ಪಡೆಯುವತ್ತಿರುವ 26 ಆಟಗಾರರನ್ನ ಎರಡು ತಂಡಗಳಾಗಿ ವಿಭಜಿಸಿ ಅಭ್ಯಾಸ ಪಂದ್ಯವನ್ನಾಡಿಸಲಾಗಿತ್ತು. ನಾಳೆ ಐರ್ಲೆಂಡ್ ವಿರುದ್ಧವೇ ಅಭ್ಯಾಸ ಪಂದ್ಯ ನಡೆಯಲಿದೆ. ಆದರೆ ಈ ಪಂದ್ಯಕ್ಕೆ ಜೋ ಡೆನ್ಲಿಗೆ ಅವಕಾಶವಿಲ್ಲ ಎಂದು ತಿಳಿದುಬಂದಿದೆ.
