ಹೈದರಾಬಾದ್: ತಲಾ ಮೂರು ಬಾರಿ ಚಾಂಪಿಯನ್, ಅಂತಾರಾಷ್ಟ್ರೀಯ ಮಟ್ಟದ ಆಟಗಾರರು, ಚಾಣಾಕ್ಷ ನಾಯಕತ್ವ ಹೊಂದಿರುವ ಬಲಿಷ್ಟ ತಂಡಗಳಾದ ಮುಂಬೈ ಇಂಡಿಯನ್ಸ್ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್ ಇಂದು 12ನೇ ಐಪಿಎಲ್ನ ಪೈನಲ್ನಲ್ಲಿ ಚಾಂಪಿಯನ್ ಪಟ್ಟಕ್ಕಾಗಿ ಕಾದಾಡಲಿವೆ.
ಅಂಕಪಟ್ಟಿಯಲ್ಲಿ ಆರಂಭದಿಂದಲೂ ಚೆನ್ನೈ ಪ್ರಭುತ್ವ ಸಾಧಿಸಿದರೆ, ಟೂರ್ನಿಯ 2ನೇ ಹಂತದಲ್ಲಿ ಪುಟಿದೆದ್ದ ಮುಂಬೈ ಚೆನ್ನೈ ಅನ್ನು ಹಿಂದಿಕ್ಕಿ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನ ಪಡೆದುಕೊಂಡಿದ್ದಲ್ಲದೆ ಕ್ವಾಲಿಫೈಯರ್ನಲ್ಲಿ ಚೆನ್ನೈಗೆ ತವರಿನಲ್ಲಿ ಸೋಲುಣಿಸಿ 5ನೇ ಬಾರಿ ಫೈನಲ್ಗೇರಿದೆ.
ಎರಡು ತಂಡವನ್ನು ಬೌಲರ್ಗಳ ನೆರವಿನಿಂದ ಏಕಾಂಗಿಯಾಗಿ ಹೋರಾಡಿ ಪ್ಲೈ ಆಫ್ ತಲುಪಿದ್ದ ಸಿಎಸ್ಕೆ 1ನೇ ಕ್ವಾಲಿಫೈಯರ್ನಲ್ಲಿ ಸೋಲುಕಂಡರು 2ನೇ ಕ್ವಾಲಿಫೈಯರ್ನಲ್ಲಿ ಅಧಿಕಾರಯುತ ಗೆಲುವು ಸಾಧಿಸಿ ಪೈನಲ್ಗೆ ಎಂಟ್ರಿಕೊಟ್ಟಿದೆ.
ಎರಡು ತಂಡಗಳು ತಲಾ 3 ಬಾರಿ ಚಾಂಪಿಯನ್ ಆಗಿದ್ದು, ಈ ಬಾರಿ ಗೆದ್ದವರು 4ನೇ ಬಾರಿ ಚಾಂಪಿಯನ್ ಆಗಲಿದ್ದಾರೆ. ಮುಂಬೈ ಈ ಹಿಂದೆ 4 ಬಾರಿ ಫೈನಲ್ಗೇರಿದ್ದು 3 ಬಾರಿ ಚಾಂಪಿಯನ್ ಪಟ್ಟ ಪಡೆದಿದೆ. ಒಮ್ಮೆ ಸಿಎಸ್ಕೆ ವಿರುದ್ಧವೇ ಫೈನಲ್ನಲ್ಲಿ ಸೋಲನುಭವಿಸಿತ್ತು. ಸಿಎಸ್ಕೆ ಈ ಹಿಂದೆ 7 ಫೈನಲ್ಗೇರಿದ್ದು 3 ಬಾರಿ ಚಾಂಪಿಯನ್ ಆಗಿದ್ದರೆ, 2008ರ ಚೊಚ್ಚಲ ಲೀಗ್ನಲ್ಲಿ ರಾಜಸ್ಥಾನ್ ರಾಯಲ್ಸ್ ವಿರುದ್ಧ, 2012 ರಲ್ಲಿ ಕೆಕೆಆರ್ ವಿರುದ್ಧ, 2013 ಹಾಗೂ 2015ರಲ್ಲಿ ಮುಂಬೈ ವಿರುದ್ಧವೇ ಸೋಲುಕಂಡು ರನ್ನರ್ ಅಫ್ಗೆ ತೃಪ್ತಿಪಟ್ಟುಕೊಂಡಿತ್ತು.
ಚಾಂಪಿಯನ್ ಪಟ್ಟ
ಚೆನ್ನೈ ಸೂಪರ್ ಕಿಂಗ್ಸ್: 2010,2011,2018
ಮುಂಬೈ ಇಂಡಿಯನ್ಸ್: 2103,2015,2017
ಮುಖಾಮುಖಿ
ಸಿಎಸ್ಕೆ -ಮುಂಬೈ ತಂಡಗಳು ಇದುವೆರೆಗೂ 29 ಪಂದ್ಯಗಳಾನ್ನಾಡಿದ್ದು 17 ರಲ್ಲಿ ಮುಂಬೈ 12 ರಲ್ಲಿ ಸಿಎಸ್ಕೆ ಗೆಲುವು ಸಾಧಿಸಿದೆ.
ಚೆನ್ನೈ ತಂಡ:
ಅಂಬಟಿ ರಾಯುಡು, ಶೇನ್ ವ್ಯಾಟ್ಸನ್, ಶಾರ್ದುಲ್ ಟಾಕೂರ್, ಸುರೇಶ್ ರೈನಾ, ಫಾಫ್ ಡು ಪ್ಲೆಸಿಸ್, ಎಂಎಸ್ ಧೋನಿ (ನಾಯಕ), ರವೀಂದ್ರ ಜಡೇಜಾ, ಹರ್ಭಜನ್ ಸಿಂಗ್, ದೀಪಕ್ ಚಹಾರ್, ಇಮ್ರಾನ್ ತಾಹೀರ್,ಡ್ವೇನ್ ಬ್ರಾವೋ
ಮುಂಬೈ ತಂಡ:
ರೋಹಿತ್‌ ಶರ್ಮಾ (ನಾಯಕ), ಕ್ವಿಂಟನ್‌ ಡಿ ಕಾಕ್‌, ಸೂರ್ಯಕುಮಾರ್‌ ಯಾದವ್, ಕೀರನ್ ಪೊಲ್ಲಾರ್ಡ್‌, ಹಾರ್ದಿಕ್‌ ಪಾಂಡ್ಯ, ಕೃನಾಲ್‌ ಪಾಂಡ್ಯ, ಲಸಿತ್ ಮಲಿಂಗಾ, ರಾಹುಲ್ ಚಹಾರ್, ಜಯಂತ್ ಯಾದವ್,ಇಶಾನ್ ಕಿಶನ್, ಜಸ್ಪ್ರೀತ್ ಬುಮ್ರಾ
