ಚೆನ್ನೈ: ಇಂದು ನಡೆದ ಐಪಿಎಲ್ ಹರಾಜಿನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡ ಕೆಲ ಪ್ರಮುಖ ಪ್ಲೇಯರ್ಸ್ ಖರೀದಿ ಮಾಡಿದ್ದು, ಕೆಲ ಅನ್ಸೋಲ್ಡ್ ಪ್ಲೇಯರ್ಸ್ ಸೇರಿದಂತೆ 8 ಆಟಗಾರರನ್ನ ತನ್ನ ಬತ್ತಳಿಕೆಗೆ ಸೇರಿಸಿಕೊಂಡಿದೆ.
ಪ್ರಮುಖವಾಗಿ ಕೈಲ್ ಜ್ಯಾಮಿಸನ್(15 ಕೋಟಿ ರೂ), ಗ್ಲೇನ್ ಮ್ಯಾಕ್ಸ್ವೆಲ್(14.25 ಕೋಟಿ ರೂ) ಸೇರಿದಂತೆ ಉತ್ತಮ ಪ್ಲೇಯರ್ಸ್ ಖರೀದಿ ಮಾಡಿ ತಂಡವನ್ನು ಮತ್ತಷ್ಟು ಬಲಿಷ್ಠ ಮಾಡಿಕೊಂಡಿದೆ. ಐಪಿಎಲ್ ಹರಾಜು ಪ್ರಕ್ರಿಯೆಗೆ ಮುಂಚಿತವಾಗಿ ತಂಡ ಆ್ಯರೋನ್ ಫಿಂಚ್, ಕ್ರಿಸ್ ಮೋರಿಸ್, ಉಮೇಶ್ ಯಾದವ್, ಮೊಯೀನ್ ಅಲಿ, ಇಸುರು ಉದಾನ, ಡೇಲ್ ಸ್ಟೈನ್, ಗುರುಕಿರಾತ್ ಮನ್, ಶಿವಂ ದುಬೆ, ಅನಿವೃದ್ ಜೋಶಿ, ಪವನ್ ನೇಗಿ ಸೇರಿದಂತೆ ಹಲವು ಆಟಗಾರರನ್ನು ತಂಡದಿಂದ ಕೈಬಿಡಲಾಗಿತ್ತು.
ಓದಿ: ಐಪಿಎಲ್ ಹರಾಜು ಮುಕ್ತಾಯ: 145.3 ಕೋಟಿ ರೂ.ಗೆ 57 ಆಟಗಾರರು ಸೇಲ್, ಯಾರು ಯಾವ ತಂಡಕ್ಕೆ ಸೇರ್ಪಡೆ!?
ರಾಯಲ್ ಚಾಲೆಂಜರ್ಸ್ ತಂಡ ಇಂತಿದೆ: ವಿರಾಟ್ ಕೊಹ್ಲಿ(ಕ್ಯಾಪ್ಟನ್) ಎಬಿ ಡಿವಿಲಿಯರ್ಸ್, ದೇವದತ್ ಪಡಿಕ್ಕಲ್, ಯಜುವೇಂದ್ರ ಚಹಾಲ್, ಮೊಹಮ್ಮದ್ ಸಿರಾಜ್, ಕೇನ್ ರಿಚರ್ಡಸನ್, ವಾಷಿಂಗ್ಟನ್ ಸುಂದರ್, ಪವನ್ ಸುಂದರ್, ಫಿಲಿಪ್ಪೆ, ಶಹಬಾಜ್ ಅಹಮದ್, ನವದೀಪ್ ಸೈನಿ, ಆಡಮ್ ಜಂಪಾ, ಕೈಲ್ ಜ್ಯಾಮಿಸನ್, ಗ್ಲೇನ್ ಮ್ಯಾಕ್ಸ್ವೆಲ್, ರಜಿತ್ ಪಟಿದರ್, ಸಚಿನ್ ಬೇಬಿ, ಮೊಹಮ್ಮದ್ ಅಜರುದ್ದೀನ್, ಡೆನ್ ಕ್ರೀಸ್ಟಾನೋ, ಕೆ.ಎಸ್.ಭರತ್, ಪ್ರಭುದೇಸಾಯಿ, ಡಾನಿಲ್ ಸಾಮ್ಸ್, ಹರ್ಷಲ್ ಪಟೇಲ್.
ಇಂದಿನ ಹರಾಜು ಪ್ರಕ್ರಿಯೆಯಲ್ಲಿ ಕೈಲ್ ಜ್ಯಾಮಿಸನ್(15 ಕೋಟಿ ರೂ), ಗ್ಲೇನ್ ಮ್ಯಾಕ್ಸ್ವೆಲ್(14.25 ಕೋಟಿ ರೂ), ಡಾನ್ ಕ್ರಿಶ್ಚಿಯನ್(4.8 ಕೋಟಿ ರೂ), ಸಚಿನ್ ಬೇಬಿ( 20 ಲಕ್ಷ ರೂ), ರಜತ್ ಪಟಿದರ್(20 ಲಕ್ಷ ರೂ), ಮೊಹಮ್ಮದ್ ಅಜರುದ್ದೀನ್(20 ಲಕ್ಷ ರೂ), ಪ್ರಭುದೇಸಾಯಿ(20 ಲಕ್ಷ ರೂ), ಕೆ.ಎಸ್.ಭರತ್(20 ಲಕ್ಷ ರೂ) ಪಡೆದಿದ್ದಾರೆ.
