ದುಬೈ: ರಾಜಸ್ಥಾನ್ ರಾಯಲ್ಸ್ ವಿರುದ್ಧ ಆರ್ಸಿಬಿ 7 ವಿಕೆಟ್ಗಳ ಜಯ ಸಾಧಿಸಿದೆ. ಈ ಜಯಕ್ಕೆ ಕಾರಣರಾದ ಎಬಿ ಡಿ ವಿಲಿಯರ್ಸ್ ಕುರಿತು ಮೆಚ್ಚುಗೆ ವ್ಯಕ್ತಪಡಿಸಿರುವ ಆರ್ಸಿಬಿ ಆಲ್ರೌಂಡರ್ ಕ್ರಿಸ್ ಮೋರಿಸ್, ಎಬಿಡಿ ಈ ರೀತಿಯ ಪ್ರಚಂಡ ಫಾರ್ಮ್ಲಿದ್ದರೆ ಯಾವುದೇ ಗುರಿಯಾದರು ಎದುರಾಳಿಗೆ ಸುರಕ್ಷಿತ ಎನಿಸುವುದಿಲ್ಲಎಂದಿದ್ದಾರೆ.
ರಾಜಸ್ಥಾನ್ ರಾಯಲ್ಸ್ ವಿರುದ್ಧ 178 ರನ್ಗಳ ಟಾರ್ಗೆಟ್ ಬೆನ್ನಟ್ಟಿ ಆರ್ಸಿಬಿ ಕೊನೆಯ 2 ಓವರ್ಗಳಲ್ಲಿ 35 ರನ್ಗಳಿಸಬೇಕಿತ್ತು. ಎಬಿ ಡಿ ವಿಲಿಯರ್ಸ್ ಅಬ್ಬರದ ಬ್ಯಾಟಿಂಗ್ ಪದರ್ಶನ ತೋರಿ ಕೇವಲ 22 ಎಸೆತಗಳಲ್ಲಿ 55 ರನ್ ಚಚ್ಚುವ ಮೂಲಕ ಆರ್ಸಿಬಿಗೆ ಟೂರ್ನಿಯಲ್ಲಿ 6ನೇ ಜಯ ತಂದುಕೊಟ್ಟರು. ಈ ಮೂಲಕ ಟೂರ್ನಿಯಲ್ಲಿ 3ನೇ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.
" ಎಬಿಡಿ ಇಂತಹ ಮನಸ್ಥಿತಿಯಲ್ಲಿದ್ದರೆ, ಆ ಮನುಷ್ಯನಿಗೆ ಬೌಲಿಂಗ್ ಮಾಡುವುದು ಅತ್ಯಂತ ಕಷ್ಟದ ಕೆಲಸ, ಅವರ ಈ ಸ್ಥಿರ ಪ್ರದರ್ಶನವನ್ನು ನೋಡುತ್ತಿದ್ದರೆ, ಅವರ ಎದುರು ಯಾವುದೇ ಮೊತ್ತವು ಸುರಕ್ಷಿತವಾಗಿರುವುದಿಲ್ಲ. ನಾನು ಇದುವರೆಗ ಸ್ಪರ್ಧಾತ್ಮಕ ಕ್ರಿಕೆಟ್ನಲ್ಲಿ ಅವರನ್ನು ಔಟ್ ಮಾಡಲಾಗಿಲ್ಲ. ಆದರೆ ನೆಟ್ನಲ್ಲಿ ಅವರ ವಿಕೆಟ್ ಪಡೆದರೂ ಸಹಾ ತುಂಬಾ ಸಂಭ್ರಮಿಸುತ್ತೇನೆ. ಆದರೆ ನಾನು ಅವರಿಗೆ ಬೌಲಿಂಗ್ ಮಾಡಬೇಕೆಂದರೆ ಯಾವುದೇ ಯೋಜನೆಯೊಂದಿಗೆ ಹೋಗುವುದಿಲ್ಲ" ಎಂದು ಯುಜವೇಂದ್ರ ಚಹಾಲ್ ಜೊತೆಗಿನ ಸಂವಾದದ ವೇಳೆ ಹೇಳಿಕೊಂಡಿದ್ದಾರೆ.
ಪ್ರಸ್ತುತ ಆರ್ಸಿಬಿ ಆಡಿರುವ 8 ಪಂದ್ಯಗಳಿಂದ 6 ಗೆಲುವು ಹಾಗೂ 2 ಸೋಲು ಕಂಡಿದ್ದು 12 ಅಂಕಗಳೊಡನೆ 3ನೇ ಸ್ಥಾನದಲ್ಲಿದೆ. ಅಬುಧಾಬಿಯಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಅಕ್ಟೋಬರ್ 21 ರಂದು ತನ್ನ ಮುಂದಿನ ಪಂದ್ಯವನ್ನಾಡಲಿದೆ.
