ರಾಜಸ್ಥಾನ್ ವಿರುದ್ಧದ ಪಂದ್ಯದ ವೇಳೆ ಫಿಂಚ್​ ಸಿಗರೇಟ್ ಸೇವನೆ: ವಿಡಿಯೋ ವೈರಲ್​

ರಾಜಸ್ಥಾನ್​ ರಾಯಲ್ಸ್​ ವಿರುದ್ಧ ಆರ್​ಸಿಬಿ ಗೆಲುವಿಗೆ ಕೊನೆಯ ಓವರ್​ನಲ್ಲಿ 10 ರನ್​ಗಳ ಅಗತ್ಯವಿದ್ದ ಸಂದರ್ಭದಲ್ಲಿ ಡ್ರೆಸ್ಸಿಂಗ್ ರೂಮ್​ನ ಪರಿಸ್ಥಿತಿಯನ್ನು ತೋರಿಸಲು ಕ್ಯಾಮರ ತಿರುಗಿಸಿದಾಗ, ಆ್ಯರನ್​ ಫಿಂಚ್​ ಇ-ಸಿಗರೇಟ್​ ಬಳಸಿ ಹೊಗೆ ಬಿಡುತ್ತಿರುವುದು ಸೆರೆಯಾಗಿದೆ.

ದುಬೈ: ಆರ್​ಸಿಬಿ ತಂಡದಲ್ಲಿರುವ ಆಸ್ಟ್ರೇಲಿಯನ್ ಬ್ಯಾಟ್ಸ್​ಮನ್​ ಆ್ಯರನ್ ಫಿಂಚ್​ ರಾಜಸ್ಥಾನ್​ ರಾಯಲ್ಸ್​ ಪಂದ್ಯದ ವೇಳೆ ಇ-ಸಿಗರೇಟ್​ ಸೇವನೆ ಮಾಡುತ್ತಿರುವ ವಿಡಿಯೋ ವೈರಲ್ ಆಗುತ್ತಿದೆ.

ರಾಜಸ್ಥಾನ್​ ರಾಯಲ್ಸ್​ ವಿರುದ್ಧ ಆರ್​ಸಿಬಿ ಗೆಲುವಿಗೆ ಕೊನೆಯ ಓವರ್​ನಲ್ಲಿ 10 ರನ್​ಗಳ ಅಗತ್ಯವಿದ್ದ ಸಂದರ್ಭದಲ್ಲಿ ಡ್ರೆಸ್ಸಿಂಗ್ ರೂಮ್​ನ ಪರಿಸ್ಥಿತಿಯನ್ನು ತೋರಿಸಲು ಕ್ಯಾಮರ ತಿರುಗಿಸಿದಾಗ ಫಿಂಚ್​ ಇ-ಸಿಗರೇಟ್​ ಬಳಸಿ ಹೊಗೆ ಬಿಡುತ್ತಿರುವುದು ಸೆರೆಯಾಗಿದೆ. ಈ ಸಂದರ್ಭದಲ್ಲಿ ಅವರ ಜೊತೆ ಶಬಾಜ್ ಅಹ್ಮದ್​ ಕೂಡ ಇರುವುದು ವಿಡಿಯೋದಲ್ಲಿ ಕಂಡುಬಂದಿದೆ.

• Sir Aaron Finch vaping in the dressing room 🔥🗣️ 😀#Dream11IPL #IPL2020 #RRvsRCB @IPL @RCBTweets pic.twitter.com/6UHtPZLVmN

  — Saifur Rahman 🔻 (@Saifur_R_BD) October 18, 2020 " class="align-text-top noRightClick twitterSection" data="

  Sir Aaron Finch vaping in the dressing room 🔥🗣️ 😀#Dream11IPL #IPL2020 #RRvsRCB @IPL @RCBTweets pic.twitter.com/6UHtPZLVmN

  — Saifur Rahman 🔻 (@Saifur_R_BD) October 18, 2020

  ">

  Sir Aaron Finch vaping in the dressing room 🔥🗣️ 😀#Dream11IPL #IPL2020 #RRvsRCB @IPL @RCBTweets pic.twitter.com/6UHtPZLVmN

  — Saifur Rahman 🔻 (@Saifur_R_BD) October 18, 2020

ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದ್ದು, ಅಭಿಮಾನಿಗಳಿಂದ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿವೆ. ಕೆಲವರು ಈ ಕುರಿತು ತಮಾಷೆಯಾಗಿ ಪ್ರತಿಕ್ರಿಯಿಸಿದರೆ, ಕೆಲವರು ಡ್ರೆಸ್ಸಿಂಗ್ ರೂಮಿನಲ್ಲಿ ಐಪಿಎಲ್​ನ ನಿಯಮಗಳು ಮತ್ತು ನಿಬಂಧನೆಗಳ ಬಗ್ಗೆ ಪ್ರಶ್ನಿಸಿದ್ದಾರೆ.

ಆದಾಗ್ಯೂ, ಈ ಪಂದ್ಯದಲ್ಲಿ ಆರ್​ಸಿಬಿ 7 ವಿಕೆಟ್​ಗಳ ರೋಚಕ ಜಯ ಸಾಧಿಸಿ ಪ್ಲೇ ಆಫ್​ಗೆ ಮತ್ತಷ್ಟು ಹತ್ತಿರವಾಗಿದೆ. ಎಬಿ ಡಿ ವಿಲಿಯರ್ಸ್​ ಕೇವಲ 22 ಎಸೆತಗಳಲ್ಲಿ ಔಟಾಗದೆ 55 ರನ್​ಗಳಿಸಿ ಆರ್​ಸಿಬಿ ಪಾಲಿನ ಆಪತ್ಪಾಂಧವ ಎನಿಸಿಕೊಂಡರು. ಅವರ ಇನ್ನಿಂಗ್ಸ್​ನಲ್ಲಿ 6 ಭರ್ಜರಿ ಸಿಕ್ಸರ್​ ಹಾಗೂ ಒಂದು ಬೌಂಡರಿ ಸಿಡಿಸಿದ್ದರು. ಈ ಗೆಲುವಿನೊಂದಿಗೆ ಟೂರ್ನಿಯಲ್ಲಿ ಆರ್‌ಸಿಬಿ 8 ಪಂದ್ಯಗಳಲ್ಲಿ 6ನೇ ಜಯ ದಾಖಲಿಸಿ ಅಂಕಪಟ್ಟಿಯಲ್ಲಿ 3ನೇ ಸ್ಥಾನವನ್ನು ಭದ್ರಪಡಿಸಿಕೊಂಡಿತು.