ಕೋಲ್ಕತ್ತಾ: ಬಹುನಿರೀಕ್ಷಿತ 13ನೇ ಐಪಿಎಲ್ ಹರಾಜು ಪ್ರಕ್ರಿಯೆಗೆ ಇನ್ನೊಂದಿನ ಬಾಕಿಯಿದ್ದು, ಈಗಾಗಲೆ ಟಿ20 ಕ್ರಿಕೆಟ್ನಲ್ಲಿ ಭಾರಿ ಸದ್ದು ಮಾಡಿರುವ ವಿದೇಶಿ ಆಲ್ರೌಂಡರರ್ಗಳು ಭಾರಿ ಮೊತ್ತಕ್ಕೆ ಬಿಕರಿಯಾಗುವ ನಿರೀಕ್ಷೆಯಿದೆ.
ಬೆನ್ ಕಟಿಂಗ್
ಆಸ್ಟ್ರೇಲಿಯಾ ತಂಡದಲ್ಲಿರುವ ಬೆನ್ಕಟಿಂಗ್ ಕಳೆದ ಸೀಸನ್ನಲ್ಲಿ ಮುಂಬೈ ತಂಡದಲ್ಲಿ ಆಡಿದ್ದರು. ಆದರೆ ಅವರು ಹೇಳಿಕೊಳ್ಳುವಂತಹ ಪ್ರದರ್ಶನ ತೋರದ ಕಾರಣ ಅವರನ್ನು ಮುಂಬೈ ಪ್ರಾಂಚೈಸಿ ತಂಡದಿಂದ ಕೈಬಿಟ್ಟಿದೆ.
ಆದರೆ 32 ವರ್ಷದ ಕಟಿಂಗ್ ಪಾಕಿಸ್ತಾನ ಸೂಪರ್ ಲೀಗ್ನಲ್ಲಿ ಉತ್ತಮ ಪ್ರದರ್ಶನ ತೋರಿದ್ದರು. ಟಿ10 ಲೀಗ್ನಲ್ಲೂ ಬ್ಯಾಟಿಂಗ್ ಹಾಗೂ ಬೌಲಿಂಗ್ನಲ್ಲಿ ಉತ್ತಮ ಪ್ರದರ್ಶನ ನೀಡಿದ್ದರು. ಬೌಲಿಂಗ್ ಜೊತೆಗೆ ಕೆಳ ಕ್ರಮಾಂಕದಲ್ಲಿ ಸ್ಫೋಟಕ ಬ್ಯಾಟಿಂಗ್ ಪ್ರದರ್ಶನ ನೀಡುವ ಸಾಮರ್ಥ್ಯವಿರುವುದರಿಂದ ಬೆನ್ ಕಟಿಂಗ್ ಈ ಐಪಿಎಲ್ನಲ್ಲಿ ಉತ್ತಮ ಬೆಲೆ ಪಡೆಯಲಿದ್ದಾರೆ.
ಸಾಮ್ ಕರ್ರನ್
ಇಂಗ್ಲೆಂಡ್ ತಂಡದ ಉದಯೋನ್ಮುಖ ಆಲ್ರೌಂಡರ್ ಸ್ಯಾಮ್ ಕರ್ರನ್ ತಮ್ಮ ಮೊದಲ ಐಪಿಎಲ್ ಸೀಸ್ನನಲ್ಲೇ 7.2 ಕೋಟಿಗೆ ಹರಾಜಾಗುವ ಮೂಲಕ ಎಲ್ಲರ ಹುಬ್ಬೇರಿಸಿದ್ದರು. ಅದೇ ರೀತಿ ಹ್ಯಾಟ್ರಿಕ್ ವಿಕೆಟ್ ಪಡೆದು ಮಿಂಚಿದ್ದರು. ಆದರೆ 7.2 ಕೋಟಿ ದುಬಾರಿಯಾಗಿದ್ದರಿಂದ ಕಿಂಗ್ಸ್ ಇಲೆವೆನ್ ಪಂಜಾಬ್ ಅವರನ್ನು ಬಿಟ್ಟುಕೊಟ್ಟಿದೆ. ಕರ್ರನ್ ಕೆಳಕ್ರಮಾಂಕದಲ್ಲಿ ಬ್ಯಾಟಿಂಗ್ ನಡೆಸುವ ಸಾಮರ್ಥ್ಯವಿರುವುದರಿಂದ ಪ್ರಾಂಚೈಸಿಗಳು ಇವರ ಮೇಲೆ ಕಣ್ಣಿಟ್ಟಿದ್ದಾರೆ.
ಜೇಮ್ಸ್ ನಿಶಾಮ್
ಕಳೆದ ಸೀಸನ್ನಲ್ಲಿ ಅನ್ಸೋಲ್ಡ್ ಆಗಿದ್ದ ನ್ಯೂಜಿಲ್ಯಾಂಡ್ನ ಜೇಮ್ಸ್ ನಿಶಾಮ್ ಈ ಬಾರಿ ವಿಶ್ವಕಪ್ನಲ್ಲಿ ಕಿವೀಸ್ ಪರ ಉತ್ತಮ ಬ್ಯಾಡಿಂಗ್ ಹಾಗೂ ಬೌಲಿಂಗ್ ಪ್ರದರ್ಶನ ನೀಡಿದ್ದರು. ಅವರು ವಿಶ್ವಕಪ್ನಲ್ಲಿ 232 ರನ್ ಹಾಗೂ15 ವಿಕೆಟ್ ಪಡೆದಿದ್ದರು. ಈಗಾಗಲೆ ಗಾಯಗೊಂಡು ರಾಷ್ಟ್ರೀಯ ತಂಡಗಳಿಂದ ಹೊರಬಿದ್ದಿರುವ ಹಾರ್ದಿಕ್ ಪಾಂಡ್ಯ ಹಾಗೂ ಆ್ಯಂಡ್ರ್ಯೂ ರಸೆಲ್ ಗಾಯದಿಂದ ಚೇತರಿಸಿಕೊಳ್ಳದಿದ್ದರೆ ನಿಶಾಮ್ ಅನ್ನು ಕೆಕೆಆರ್ ಅಥವಾ ಮುಂಬೈ ಖರೀದಿಸುವ ನಿರೀಕ್ಷೆಯಿದೆ.
ಕ್ರಿಸ್ ಮೋರಿಸ್
ದಕ್ಷಿಣ ಆಫ್ರಿಕಾ ತಂಡ ಆಲ್ರೌಂಡರ್ ಕ್ರಿಸ್ ಮೋರಿಸ್ 7.1 ಕೋಟಿ ಪಡೆದು ಪಡೆದಿದ್ದರು. ಬೌಲಿಂಗ್ನಲ್ಲಿ 13 ವಿಕೆಟ್ ಪಡೆದಿದ್ದ ಅವರು ಗಳಿಸಿದ್ದ ಕೇವಲ 32 ರನ್ ಮಾತ್ರ ಹಾಗಾಗಿ ಅವರನ್ನು ಡೆಲ್ಲಿಕ್ಯಾಪಿಟಲ್ ತಂಡದಿಂದ ಕೈಬಿಟ್ಟಿದೆ. ಆದರೆ ಉತ್ತಮ ಬೌಲಿಂಗ್ ಹಾಗೂ ಬ್ಯಾಟಿಂಗ್ ಮಾಡುವ ಸಾಮರ್ಥ್ಯ ವಿರುವ ಅವರಿಗೆ ಈ ಬಾರಿಯ ಐಪಿಎಲ್ನಲ್ಲಿ ಭಾರಿ ಬೇಡಿಕೆ ಸಿಗುವ ನಿರೀಕ್ಷೆಯಿದೆ. ಅಲ್ಲದೆ ಡೆಲ್ಲಿ ಕ್ಯಾಪಿಟಲ್ ಮತ್ತೆ ಮೋರಿಸ್ಗಾಗಿ ಬಿಡ್ ಮಾಡುವ ನಿರೀಕ್ಷೆಯಿದೆ.
ಕ್ರಿಸ್ ಜೋರ್ಡಾನ್
ಇಂಗ್ಲೆಂಡ್ ಟಿ20 ತಂಡದ ಖಾಯಂ ಸದಸ್ಯನಾಗಿರುವ ಕ್ರಿಸ್ ಜೋರ್ಡಾನ್ ಕಳೆದ ಮೂರು ವರ್ಷಗಳಿಂದ ರಾಷ್ಟ್ರೀಯ ತಂಡದ ಪರ ಉತ್ತಮ ಪ್ರದರ್ಶನ ತೋರುತ್ತಿದ್ದಾರೆ. ಕಳೆದ ಬಾರಿ ಇವರನ್ನು ಯಾವುದೇ ಪ್ರಾಂಚೈಸಿ ಕೊಳ್ಳಲು ಮುಂದೆ ಬಂದಿರಲಿಲ್ಲ. ಆದರೆ ಈ ಬಾರಿ ಜೋರ್ಡಾನ್ಗೆ ಉತ್ತಮ ಮೊತ್ತ ಸಿಗುವ ನಿರೀಕ್ಷೆಯಿದೆ.
ಇವರಲ್ಲದೆ ಮಿಚೆಲ್ ಮಾರ್ಷ್, ಡೇವಿಡ್ ವಿಲ್ಲೆ, ತಿಸರಾ ಪರೆರಾ, ಮಾರ್ಕಸ್ ಸ್ಟೋಯ್ನಿಸ್, ಕಾಲಿನ್ ಗ್ರಾಂಡ್ಹೋಮ್, ಕೋರಿ ಆ್ಯಂಡರ್ಸನ್, ಡೇವಿಡ್ ವೈಸ್ ಆಲ್ರೌಂಡರ್ ಪಟ್ಟಿಯಲ್ಲಿದ್ದಾರೆ.
