ಶಾರ್ಜಾ: ಐಪಿಎಲ್ನಲ್ಲಿ 156.22 km/h ವೇಗದಲ್ಲಿ ಬೌಲಿಂಗ್ ಮಾಡುವ ಮೂಲಕ ದಾಖಲೆ ಬರೆದಿರುವ ಡೆಲ್ಲಿ ಕ್ಯಾಪಿಟಲ್ಸ್ ತಂಡದಲ್ಲಿರುವ ದಕ್ಷಿಣ ಆಫ್ರಿಕಾದ ವೇಗಿ ಆ್ಯನ್ರಿಚ್ ನಾರ್ಟ್ಜ್ ಪಾಕಿಸ್ತಾನದ ಅಖ್ತರ್ ಹೆಸರಿನಲ್ಲಿರುವ ದಾಖಲೆ ಮೇಲೆ ಕಣ್ಣಿಟ್ಟಿದ್ದಾರೆ.
ನಾರ್ಟ್ಜ್ 155.21 ಮತ್ತು154. 74 ರ ವೇಗದಲ್ಲಿ ಬೌಲಿಂಗ್ ಮಾಡುವ ಮೂಲಕ ಐಪಿಎಲ್ನಲ್ಲಿ ಟಾಪ್ ವೇಗದ ಎಸೆತಗಳ ದಾಖಲೆಯನ್ನು ತಮ್ಮ ಹೆಸರಿಗೆ ಬರೆದುಕೊಂಡಿದ್ದಾರೆ. ಇದೀಗ ಪಾಕಿಸ್ತಾನದ ಶೋಯಬ್ ಅಖ್ತರ್ ದಾಖಲೆಯನ್ನು ಮುರಿಯುವ ಆಶಯ ವ್ಯಕ್ತಪಡಿಸಿದ್ದಾರೆ.
ಶೋಯಬ್ ಅಖ್ತರ್ ಪ್ರಸ್ತುತ ವಿಶ್ವ ಕ್ರಿಕೆಟ್ನಲ್ಲಿ ಅತ್ಯಂತ ವೇಗದ ಎಸೆತವನ್ನು ಮಾಡಿರುವ ದಾಖಲೆ ಹೊಂದಿದ್ದಾರೆ. ಅವರು 2003 ರ ವಿಶ್ವಕಪ್ನಲ್ಲಿ ಇಂಗ್ಲೆಂಡ್ ವಿರುದ್ಧ 161.3 km/h ವೇಗದಲ್ಲಿ ಬೌಲಿಂಗ್ ಮಾಡಿದ್ದರು.
" ಆಶಾದಾಯಕವಾಗಿ ಇದು(ವೇಗದ ಎಸೆತದ ಗೌರವ) ನನಗೆ ಸಿಕ್ಕಿದೆ. ಮತ್ತು ಖಂಡಿತವಾಗಿಯೂ ನಾನು ಅಖ್ತರ್ ದಾಖಲೆಯನ್ನು ಮುರಿಯಲು ಬಯಸುತ್ತೇನೆ" ಎಂದು ಡೆಲ್ಲಿ ತಂಡದ ಸಹ ಆಟಗಾರ ಆರ್ ಅಶ್ವಿನ್ರ ಯೂಟ್ಯೂಬ್ ಚಾನೆಲ್ನಲ್ಲಿ ಮಾತನಾಡುವ ವೇಳೆ ತಿಳಿಸಿದ್ದಾರೆ.
ಬಹುಶಃ ಉತ್ತಮ ವಿಕೆಟ್, ಸಾಕಷ್ಟು ಬಲ ಮತ್ತು ಉತ್ತಮ ಸಂಯೋಜನೆ ಸಿಕ್ಕರೆ ನಾನು ಐಪಿಎಲ್ನಲ್ಲೇ ಅದನ್ನು ಮಾಡುತ್ತೇನೆ ಅಥವಾ ಭವಿಷ್ಯದಲ್ಲಿ ಮಾಡಬಹುದು ಎಂದು ನಾರ್ಟ್ಜ್ ಹೇಳಿದ್ದಾರೆ.
