ಹೈದರಾಬಾದ್: ವಿಶ್ವದ ಕ್ರೀಡಾಭಿಮಾನಿಗಳು ಕಾತರದಿಂದ ಕಾಯುತ್ತಿರುವ ಕಲರ್ಫುಲ್ ಹೊಡಿ ಬಡಿ ಚುಟುಕು ಸಮರ ಐಪಿಎಲ್ 12ರ ಆವೃತ್ತಿಗೆ ಕ್ಷಣಗಣನೆ ಪ್ರಾರಂಭವಾಗಿದೆ. ನಾಳೆ ಚೆನ್ನೈನ ಕ್ರೀಡಾಂಗಣದಲ್ಲಿ ಆರ್ಸಿಬಿ - ಸಿಎಸ್ಕೆ ಮೊದಲು ಪಂದ್ಯದಲ್ಲಿ ಮುಖಾಮುಖಿಯಾಗುತ್ತಿವೆ.
ಇನ್ನು ಕಳೆದ 11 ಆವೃತ್ತಿಯಲ್ಲಿ ಕೆಲ ಪ್ಲೇಯರ್ಸ್ ಅದ್ಭುತ ಪ್ರದರ್ಶನ ನೀಡಿ ರನ್ ಬೌಂಡರಿ-ಸಿಕ್ಸರ್ಗಳ ಮಳೆ ಹರಿಸಿದ್ದಾರೆ. ಅದರಲ್ಲಿ ಅತಿ ಹೆಚ್ಚು ಬೌಂಡರಿ ಸಿಡಿಸಿರುವ ಕೆಲ ಆಟಗಾರರ ಮಾಹಿತಿ ಇಂತಿದೆ.
ಐಪಿಎಲ್ನಲ್ಲಿ ಅತಿ ಹೆಚ್ಚು ಬೌಂಡರಿ ಸಿಡಿಸಿದವರು
- ಗೌತಮ್ ಗಂಭೀರ್: ಕೊಲ್ಕತ್ತಾ ನೈಟ್ ರೈಡರ್ಸ್ ಹಾಗೂ ಕಳೆದ ವರ್ಷ ಡೆಲ್ಲಿ ಡೇರ್ ಡೆವಿಲ್ಸ್ ಪರ ಬ್ಯಾಟ್ ಬೀಸಿದ್ದ ಇವರು 154 ಪಂದ್ಯಗಳಿಂದ 491 ಬೌಂಡರಿ ಸಿಡಿಸಿ ಟಾಪ್ ಒನ್ ಲಿಸ್ಟ್ನಲ್ಲಿದ್ದಾರೆ.
- ರಾಬಿನ್ ಉತ್ತಪ್ಪ: ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಸ್ಟಾರ್ ಪ್ಲೇಯರ್. ಕಳೆದ 165 ಪಂದ್ಯಗಳಿಂದ ಒಟ್ಟು 401 ಬೌಂಡರಿ ಸಿಡಿಸಿರುವ ರೆಕಾರ್ಡ್ ಬರೆದಿದ್ದಾರೆ.
- ವಿರಾಟ್ ಕೊಹ್ಲಿ: ರಾಯಲ್ ಚಾಲೇಂಜರ್ಸ್ ಬೆಂಗಳೂರು ತಂಡದ ಕ್ಯಾಪ್ಟನ್. ಕಳೆದ 11 ವರ್ಷಗಳಿಂದ ಇದೇ ತಂಡದ ಪರ ಬ್ಯಾಟ್ ಬೀಸುತ್ತಿರುವ ಇವರು 434 ಬೌಂಡರಿ ಸಿಡಿಸಿದ್ದಾರೆ.
- ಸುರೇಶ್ ರೈನಾ: ಮಿಸ್ಟರ್ ಐಪಿಎಲ್ ಎಂದೇ ಕರೆಯಿಸಿಕೊಳ್ಳುವ ಸ್ಟೈಲಿಶ್ ಪ್ಲೇಯರ್ ಐಪಿಎಲ್ನಲ್ಲಿ ಅನೇಕ ರೆಕಾರ್ಡ್ ಹೊಂದಿದ್ದಾರೆ. ಪ್ರತಿ ಪಂದ್ಯದಿಂದಲೂ ಮೂರು ಬೌಂಡರಿ ಸಿಡಿಸಿರುವ ಲೆಕ್ಕಾಚಾರ ಇವರದ್ದಾಗಿದ್ದು, ಒಟ್ಟು 448 ಬೌಂಡರಿ ಬಾರಿಸಿದ್ದಾರೆ.
- ಶಿಖರ್ ಧವನ್: 143 ಪಂದ್ಯಗಳಿಂದ 460 ಬೌಂಡರಿ ಸಿಡಿಸಿರುವ ದಾಖಲೆ ಇವರ ಹೆಸರಿನಲ್ಲಿದೆ.
ಇನ್ನು ನಾಳೆಯಿಂದ ಆರಂಭಗೊಳ್ಳಲಿರುವ ಇಂಡಿಯನ್ ಪ್ರೀಮಿಯರ್ ಲೀಗ್ನಲ್ಲಿ ಕೆಲವೊಂದು ಹೊಸ ದಾಖಲೆ ಸೃಷ್ಟಿಯಾಗುವುದು
ಬಹುತೇಕ ಖಚಿತವಾಗಿದೆ.
