ಕಿಯಾ ಮಹಿಳಾ ಸೂಪರ್​ ಲೀಗ್​: ಒಂದೇ ದಿನ ಮಂಧಾನ ಸೇರಿದಂತೆ 3 ಭಾರತೀಯರಿಂದ ಅರ್ಧಶತಕ!

ಇಂಗ್ಲೆಂಡ್​ನಲ್ಲಿ ನಡೆಯುತ್ತಿರುವ ಕಿಯಾ ಮಹಿಳೆಯ ಸೂಪರ್​ ಲೀಗ್​ನಲ್ಲಿ ಭಾರತದ ಟಿ20 ತಂಡದ ನಾಯಕಿ ಹರ್ಮನ್​ ಪ್ರೀತ್​ ಕೌರ್​, ಉಪನಾಯಕಿ ಸ್ಮೃತಿ ಮಂಧಾನ ಹಾಗೂ 18 ವರ್ಷದ ಜೆಮೈಮಾ ರಾಡ್ರಿಗಸ್ ಭರ್ಜರಿ ಅರ್ಧಶತಕ ದಾಖಲಿಸಿ ಮಿಂಚಿದ್ದಾರೆ.

ಲಂಡನ್​: ಇಂಗ್ಲೆಂಡ್​ನಲ್ಲಿ ನಡೆಯುತ್ತಿರುವ ಕಿಯಾ ಮಹಿಳೆಯ ಸೂಪರ್​ ಲೀಗ್​ನಲ್ಲಿ ಭಾರತದ ಟಿ20 ತಂಡದ ನಾಯಕಿ ಹರ್ಮನ್​ ಪ್ರೀತ್​ ಕೌರ್​, ಉಪನಾಯಕಿ ಸ್ಮೃತಿ ಮಂಧಾನ ಹಾಗೂ 18 ವರ್ಷದ ಜೆಮೈಮಾ ರಾಡ್ರಿಗಸ್ ಭರ್ಜರಿ ಅರ್ಧಶತಕ ದಾಖಲಿಸಿ ಮಿಂಚಿದ್ದಾರೆ.

ಲಾಂಕಶೈರ್​ ಥಂಡರ್​ ತಂಡದ ಪರ ಬ್ಯಾಟಿಂಗ್​ ನಡೆಸಿದ ಹರ್ಮನ್​ ಪ್ರೀತ್​ ಕೌರ್​ ವೆಸ್ಟರ್ನ್​ ಸ್ಟಾರ್ಮ್​ ವಿರುದ್ಧ ಕೇವಲ 37 ಎಸೆತಗಳಲ್ಲಿ 6 ಬೌಂಡರಿ ಹಾಗೂ 2 ಸಿಕ್ಸರ್​ ಸಹಿತ 50 ರನ್​ಗಳಿಸಿದ್ದರು. ಕೌರ್​ ಅರ್ಧಶತಕದ ನೆರವಿನಿಂದ ಲಾಂಕಶೈರ್​ 160 ರನ್​ಗಳ ಟಾರ್ಗೇಟ್​ ನೀಡಿತ್ತು.

ಆದರೆ ಈ ಮೊತ್ತವನ್ನು ಬೆನ್ನೆತ್ತಿದ ವೆಸ್ಟರ್ನ್​ ಸ್ಟಾರ್ಮ್​ ತಂಡ ಮತ್ತೊಬ್ಬ ಭಾರತದ ಸ್ಫೋಟಕ ಆಟಗಾರ್ತಿ ಸ್ಮೃತಿ ಮಂಧಾನ ಅವರ ಅರ್ಧಶತಕದ ನೆರವಿನಿಂದ 5 ವಿಕೆಟ್ ಕಳೆದುಕೊಂಡು ಗುರಿ ತಲುಪಿತು. 43 ಎಸೆತಗಳನ್ನೆದುರಿಸಿದ ಮಂದಾನ 9 ಬೌಂಡರಿ ಹಾಗೂ 2 ಭರ್ಜರಿ ಸಿಕ್ಸರ್​ ನೆರವಿನಿಂದ 72 ರನ್​ಗಳಿಸಿ ಪಂದ್ಯಶ್ರೇಷ್ಠ ಪ್ರಶಸ್ತಿ ಪಡೆದರು.​

• 72 from 43 balls!! What a performance from @mandhana_smriti!! 👍👍#StormTroopers pic.twitter.com/67xx2O3AK0

  — Western Storm (@WesternStormKSL) August 18, 2019 " class="align-text-top noRightClick twitterSection" data="

  72 from 43 balls!! What a performance from @mandhana_smriti!! 👍👍#StormTroopers pic.twitter.com/67xx2O3AK0

  — Western Storm (@WesternStormKSL) August 18, 2019

  ">

  72 from 43 balls!! What a performance from @mandhana_smriti!! 👍👍#StormTroopers pic.twitter.com/67xx2O3AK0

  — Western Storm (@WesternStormKSL) August 18, 2019

ಮಂಧಾನ,ಕೌರ್​ ನಂತರ ಕಿಯಾ ಸೂಪರ್​ ಲೀಗ್​ನಲ್ಲಿ ಅವಕಾಶಗಿಟ್ಟಿಸಿಕೊಂಡಿರುವ 18 ವರ್ಷದ ಜೆಮೈಮಾ ರಾಡ್ರಿಗಸ್​ ಕೂಡ ಯಾರ್ಕ್​ಶೈರ್​ ಡೈಮಂಡ್​ ಪರ 40 ಎಸೆತಗಳಲ್ಲಿ 6 ಬೌಂಡರಿ ಸಹಿತ 58 ರನ್​ಗಳಿಸಿ ಮಿಂಚಿದರು. ಆದರೆ ಡೈಮಂಡ್​ 6 ವಿಕೆಟ್​ಗಳ ಸೋಲುನಭವಿಸಿತು.

ಕೌರ್​ ಹಾಗೂ ಜೆಮೈಮಾ ಅರ್ಧಶತಕ ಸೋಲಿನಿಂದ ವ್ಯರ್ಥವಾದರೆ, ಮಂಧಾನ ಅರ್ಧಶತಕ ಗೆಲುವಿನ ಕೊಡುಗೆಯಾಯಿತು. ಮಂಧಾನ ಪ್ರತಿನಿಧಿಸುವ ವೆಸ್ಟರ್ನ್​ ಸ್ಟಾರ್ಮ್​ ತಂಡ ಸತತ 6 ಗೆಲುವು ಪಡೆದು ಅಂಕಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ.