ಇಂಡೋ-ಆಸೀಸ್​ ಮೊದಲ ಏಕದಿನ ಪಂದ್ಯ... ಕಾಂಗರೂಗಳಿಗೆ ತಿರುಗೇಟು ಕೊಡ್ತಾರ ಕೊಹ್ಲಿ ಬಾಯ್ಸ್​

ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಮೊದಲ ಏಕದಿನ ಪಂದ್ಯದಲ್ಲಿ ಆಸೀಸ್​ ತಂಡಕ್ಕೆ ತಿರುಗೇಟು ಕೊಡಲು ಭಾರತ ತಂಡ ಸಿದ್ದತೆ ನಡೆಸಿದೆ

ಹೈದರಾಬಾದ್​: ಇಲ್ಲಿನ ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ಕ್ರಿಕೆಟ್​ ಮೈದಾನದಲ್ಲಿ ಇಂದು ಭಾರತ ಮತ್ತು ಆಸ್ಟ್ರೇಲಿಯಾ ನಡುವೆ ಮೊದಲ ಏಕದಿನ ಪಂದ್ಯ ನಡೆಯಲಿದೆ.

ಟಿ-20 ಸರಣಿಯಲ್ಲಿ ಸೋಲು ಕಂಡಿರುವ ಭಾರತ ತಂಡ ಆಸ್ಟ್ರೇಲಿಯಾ ತಂಡಕ್ಕೆ ತಿರುಗೇಟು ನೀಡಲು ಕಾಯುತ್ತಿದೆ. ಇಂದಿನ ಪಂದ್ಯದಲ್ಲಿ ಆಸೀಸ್​ ತಂಡವನ್ನ ಸೋಲಿಸಿ ಕೊಹ್ಲಿ ಬಾಯ್ಸ್​ ಸೇಡು ತೀರಿಸಿಕೊಳ್ಳುತ್ತಾರ ಕಾದು ನೋಡಬೇಕು.

ವಿಶ್ವಕಪ್​ ಟೂರ್ನ್​ಮೆಂಟ್​ಗೂ ಮುನ್ನ ನಡೆಯುತ್ತಿರುವ ಈ ಸರಣಿ ಭಾರತ ತಂಡದ ನಾಲ್ವರು ಆಟಗಾರರಿಗೆ ಮಹತ್ವದ್ದೆನಿಸಿದೆ. ವಿಶ್ವಕಪ್​ ಸರಣಿಗೆ ಆಯ್ಕೆಯಾಗುವ 15 ಜನರ ತಂಡದಲ್ಲಿ 2 ಸ್ಥಾನಕ್ಕಾಗಿ ನಾಲ್ವರು ಆಟಗಾರರು ಪೈಪೋಟಿ ನಡೆಸುತ್ತಿದ್ದಾರೆ. ಕನ್ನಡಿಗ ಕೆ.ಎಲ್​. ರಾಹುಲ್​, ರಿಷಭ್​​ ಪಂತ್​, ವಿಜಯ್​ ಶಂಕರ್​ ಮತ್ತು ಸಿದ್ದಾರ್ಥ್​ ಕೌಲ್ ಅಂತಿಮ 15 ಜನರ ತಂಡದಲ್ಲಿ ಸ್ಥಾನ ಪಡೆಯಬೇಕಾದರೆ ಆಸೀಸ್​ ವಿರುದ್ಧದ ಸರಣಿಯಲ್ಲಿ ಉತ್ತಮ ಪ್ರದರ್ಶನ ತೋರುವ ಅವಶ್ಯಕತೆ ಇದೆ.

ಟಿ-20 ಸರಣಿಯಲ್ಲಿ ಉತ್ತಮ ಪ್ರದರ್ಶನ ತೋರಿದ್ದ ಕನ್ನಡಿಗ ಕೆ.ಎಲ್​. ರಾಹುಲ್​ ಇಂದಿನ ಏಕದಿನ ಪಂದ್ಯದಲ್ಲಿ ಸ್ಥಾನ ಪಡೆಯುವ ನಿರೀಕ್ಷೆ ಇದೆ. ಇತ್ತ ಯುವ ಆಟಗಾರ ರಿಷಬ್​ ಪಂತ್​ ಕೂಡ ಇಂದಿನ ಪಂದ್ಯದಲ್ಲಿ ಸ್ಥಾನ ಪಡೆದುಕೊಳ್ಳುವ ವಿಶ್ವಾಸದಲ್ಲಿದ್ದಾರೆ.

ತವರು ನೆಲದಲ್ಲಿ ಟೆಸ್ಟ್​ ಸರಣಿ ಸೋತ ನಂತರ ಭಾರತಕ್ಕೆ ಬಂದು ಟಿ-20 ಸರಣಿ ಗೆದ್ದುಕೊಂಡಿರುವ ಫಿಂಚ್​ ಪಡೆ. ಇಂದಿನ ಪಂದ್ಯದಲ್ಲೂ ಟೀಂ ಇಂಡಿಯಾಗೆ ಟಕ್ಕರ್​ ಕೊಡಲು ಕಸರತ್ತು ನಡೆಸುತ್ತಿದ್ದಾರೆ.