ಚೆನ್ನೈ ಟೆಸ್ಟ್​: ಇಂಗ್ಲೆಂಡ್​ ವಿರುದ್ಧ ಭಾರತಕ್ಕೆ 227 ರನ್​ಗಳ ಹೀನಾಯ ಸೋಲು

ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ 420 ರನ್​ಗಳ ಬೃಹತ್ ಟಾರ್ಗೆಟ್ ಬೆನ್ನತ್ತಿದ ಭಾರತ ತಂಡ ಸಂಪೂರ್ಣ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 192 ರನ್​ಗಳಿಗೆ ಆಲೌಟ್ ಆಗುವ ಮೂಲಕ 227ರನ್​ಗಳ ಸೋಲುಕಂಡಿದೆ.

ಚೆನ್ನೈ: ಇಂಗ್ಲೆಂಡ್​ ವಿರುದ್ಧದ ಮೊದಲ ಟೆಸ್ಟ್​ ಪಂದ್ಯದಲ್ಲಿ ಭಾರತ ತಂಡ 227 ರನ್​ಗಳ ಹೀನಾಯ ಸೋಲು ಕಂಡಿದೆ. 4 ಪಂದ್ಯಗಳ ಟೆಸ್ಟ್​ ಸರಣಿಯಲ್ಲಿ ಪ್ರವಾಸಿ ಇಂಗ್ಲೆಂಡ್ 1-0ಯಲ್ಲಿ ಮುನ್ನಡೆ ಸಾಧಿಸಿದೆ.

ಎಂಎ ಚಿದಂಬರಂ ಸ್ಟೇಡಿಯಂನಲ್ಲಿ ನಡೆದ ಮೊದಲ ಟೆಸ್ಟ್​ ಪಂದ್ಯದಲ್ಲಿ 420 ರನ್​ಗಳ ಬೃಹತ್ ಟಾರ್ಗೆಟ್ ಬೆನ್ನತ್ತಿದ ಭಾರತ ತಂಡ ಸಂಪೂರ್ಣ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ 192 ರನ್​ಗಳಿಗೆ ಆಲೌಟ್ ಆಗುವ ಮೂಲಕ 227ರನ್​ಗಳ ಬೃಹತ್​ ಸೋಲುಕಂಡಿದೆ.

ಸೋಮವಾರ 39ಕ್ಕೆ 1 ವಿಕೆಟ್​ ಕಳೆದುಕೊಂಡು ಕೊನೆಯ ದಿನ ಬ್ಯಾಟಿಂಗ್ ಆರಂಭಿಸಿದ ಟೀಮ್ ಇಂಡಿಯಾ ಮೊದಲ ಸೆಷನ್​ನಲ್ಲೇ 5 ವಿಕೆಟ್ ಕಳೆದುಕೊಂಡು ಆಘಾತ ಅನುಭವಿಸಿತು.

• ENGLAND WIN 🎉
  
  An all-round performance by the visitors has given them a 227-run victory over India.
  
  The lead the four-test series 1-0!#INDvENG ➡️ https://t.co/gnj5x4GOos pic.twitter.com/luS7HAcWIm

  — ICC (@ICC) February 9, 2021 " class="align-text-top noRightClick twitterSection" data="

  ENGLAND WIN 🎉
  
  An all-round performance by the visitors has given them a 227-run victory over India.
  
  The lead the four-test series 1-0!#INDvENG ➡️ https://t.co/gnj5x4GOos pic.twitter.com/luS7HAcWIm

  — ICC (@ICC) February 9, 2021

  ">

  ENGLAND WIN 🎉
  
  An all-round performance by the visitors has given them a 227-run victory over India.
  
  The lead the four-test series 1-0!#INDvENG ➡️ https://t.co/gnj5x4GOos pic.twitter.com/luS7HAcWIm

  — ICC (@ICC) February 9, 2021

ನಿನ್ನೆ 12 ರನ್​ಗಳಿಸಿದ್ದ ಪೂಜಾರ ಸ್ಪಿನ್ನರ್ ಜ್ಯಾಕ್​ ಲೀಚ್​ಗೆ ವಿಕೆಟ್​ ಒಪ್ಪಿಸಿದರೆ, ಶುಬ್ಮನ್​ ಗಿಲ್​(50), ಅಜಿಂಕ್ಯ ರಹಾನೆ(0) ಹಾಗೂ ರಿಷಭ್​ ಪಂತ್(11) ಅನುಭವಿ ವೇಗಿ ಜೇಮ್ಸ್​ ಆ್ಯಂಡರ್ಸನ್​ಗೆ ವಿಕೆಟ್​ ಒಪ್ಪಿಸಿದರು. ನಂತರ ಬಂದ ವಾಷಿಂಗ್ಟನ್ ಸುಂದರ್​ ಶೂನ್ಯಕ್ಕೆ ಡಾಮ್​ ಬೆಸ್​ ಬೌಲಿಂಗ್​ನಲ್ಲಿ ಜೋಸ್​ ಬಟ್ಲರ್​ಗೆ ಕ್ಯಾಚ್​ ನೀಡಿ ಪೆವಿಲಿಯನ್​ ಸೇರಿಕೊಂಡರು.

ಈ ಸಂದರ್ಭದಲ್ಲಿ ಕೊಹ್ಲಿ ಜೊತೆಗೂಡಿದ ಅಶ್ವಿನ್​ 7ನೇ ವಿಕೆಟ್​ಗೆ 53 ರನ್​ಗಳ ಜೊತೆಯಾಟ ನಡೆಸಿದರು. ಈ ಜೋಡಿ 19 ಓವರ್​ಗಳ ಕಾಲ ಕ್ರೀಸ್​ನಲ್ಲಿದ್ದು, ಪಂದ್ಯವನ್ನು ಡ್ರಾಗೊಳಿಸಲು ಪ್ರಯತ್ನಿಸಿದರಾದರೂ ಅಶ್ವಿನ್(9) ಔಟಾಗುವುದರೊಂದಿಗೆ ಭಾರತದ ಸೋಲು ಖಚಿತವಾಯಿತು.

3 ವಿಕೆಟ್ ಪಡೆದ ಜೇಮ್ಸ್ ಆ್ಯಂಡರ್ಸನ್​

ಅಶ್ವಿನ್ ಬೆನ್ನಲ್ಲೇ 104 ಎಸೆತಗಳಲ್ಲಿ 9 ಬೌಂಡರಿ ಸಹಿತ 72 ರನ್​ಗಳಿಸಿದ್ದ ನಾಯಕ ಕೊಹ್ಲಿ ವೇಗಿ ಬೆನ್​ಸ್ಟೋಕ್ಸ್​ ಬೌಲಿಂಗ್​ನಲ್ಲಿ ಬೌಲ್ಡ್​ ಆದರು. ನದೀಮ್​(0) ಜ್ಯಾಕ್​​ ಲೀಚ್​ಗೆ ಹಾಗೂ ಜಸ್ಪ್ರೀತ್ ಬುಮ್ರಾ(4) ಜೋಫ್ರಾ ಆರ್ಚರ್​ಗೆ ವಿಕೆಟ್​ ಒಪ್ಪಿಸುವ ಮೂಲಕ ಭಾರತ ತಂಡ 58.1 ಓವರ್​ಗಳಲ್ಲಿ 192 ರನ್​ಗಳಿಗೆ ಸರ್ವಪತನಗೊಂಡು 227 ರನ್​ಗಳ ಸೋಲು ಕಂಡಿತು.

ಇಂಗ್ಲೆಂಡ್ ಪರ ಜ್ಯಾಕ್ ಲೀಚ್​ 4, ಜೇಮ್ಸ್​ ಆ್ಯಂಡರ್ಸನ್​ 3 ಡಾಮ್​ ಬೆಸ್​, ಜೋಫ್ರಾ ಆರ್ಚರ್​ ಮತ್ತು ಬೆನ್​ ಸ್ಟೋಕ್ಸ್​ ತಲಾ ಒಂದು ವಿಕೆಟ್​ ಪಡೆದು ಗೆಲುವಿನಲ್ಲಿ ಪ್ರಮುಖ ಪಾತ್ರವಹಿಸಿದರು.