ಬ್ರಿಸ್ಬೇನ್: ಆರಂಭಿಕ ಬ್ಯಾಟ್ಸ್ಮನ್ ವಿಲ್ ಪುಕೋವ್ಸ್ಕಿ ಭಾರತ ವಿರುದ್ಧದ ನಾಲ್ಕನೇ ಮತ್ತು ಅಂತಿಮ ಟೆಸ್ಟ್ ಪಂದ್ಯದಿಂದ ಹೊರಗುಳಿದಿದ್ದಾರೆ ಎಂದು ಆಸ್ಟ್ರೇಲಿಯಾ ಟೆಸ್ಟ್ ನಾಯಕ ಟಿಮ್ ಪೇನ್ ಖಚಿತಪಡಿಸಿದ್ದಾರೆ.
ಪುಕೋವ್ಸ್ಕಿ ಬದಲಿಗೆ, ಮಾರ್ಕಸ್ ಹ್ಯಾರಿಸ್ ಆರಂಭಿಕ ಬ್ಯಾಟ್ಸ್ಮನ್ ಆಗಿ ಕಣಕ್ಕಿಳಿಯಲಿದ್ದಾರೆ. ಮೂರನೇ ಟೆಸ್ಟ್ ಪಂದ್ಯದ ವೇಳೆ ಭುಜದ ನೋವಿನಿಂದ ಕ್ಷೇತ್ರರಕ್ಷಣೆ ತರಬೇತಿಗೆ ಇಳಿಯದ ಪುಕೋವ್ಸ್ಕಿ ಅಂತಿಮ ಟೆಸ್ಟ್ ಪಂದ್ಯಕ್ಕಾಗಿ ನೆಟ್ಟಿನಲ್ಲೂ ಅಭ್ಯಾಸಕ್ಕೆ ಆಗಮಿಸಿರಲಿಲ್ಲ.
"ವಿಲ್ ಪುಕೋವ್ಸ್ಕಿ ನಾಳೆ ಆಡುವುದಿಲ್ಲ, ಅವರು ಇಂದು ಬೆಳಗ್ಗೆ ಅಭ್ಯಾಸ ನಡೆಸಲು ಯತ್ನಿಸಿದ್ರು, ಆದರೆ ಅವರಿಗೆ ಸಾಧ್ಯವಾಗಲಿಲ್ಲ. ಅವರು ಈ ಟೆಸ್ಟ್ ಪಂದ್ಯದಿಂದ ಹೊರಗುಳಿಯಲಿದ್ದು, ಮಾರ್ಕಸ್ ಹ್ಯಾರಿಸ್ ಆರಂಭಿಕನಾಗಿ ಕಣಕ್ಕಿಳಿಯಲಿದ್ದಾರೆ. ಮಾರ್ಕಸ್ ಏನು ಮಾಡುತ್ತಾರೆಂದು ನಾವು ಎದುರು ನೋಡುತ್ತಿದ್ದೇವೆ "ಎಂದು ಪೇನ್ ವರ್ಚುವಲ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದಾರೆ.
"ಹ್ಯಾರಿಸ್ ಯಾವುದೇ ಗಡಿಬಿಡಿಯಿಲ್ಲದ ಉತ್ತಮ ಆಟಗಾರ, ಅವನು ಈಗ ಬಹಳ ಸಮಯದಿಂದ ಉತ್ತಮವಾಗಿ ಆಡಿದ್ದಾರೆ. ಅವನು ತನ್ನ ಅವಕಾಶಕ್ಕೆ ಅರ್ಹನಾಗಿದ್ದಾನೆ "ಎಂದು ಪೇನ್ ಹೇಳಿದ್ದಾರೆ.
ಭಾರತದ ವಿರುದ್ಧದ ನಾಲ್ಕನೇ ಟೆಸ್ಟ್ ಬಗ್ಗೆ ಮಾತನಾಡುತ್ತಾ,"ವಿಶ್ವ ಟೆಸ್ಟ್ ಚಾಂಪಿಯನ್‌ಶಿಪ್‌ ಕಾರಣದಿಂದ ಪ್ರತಿ ಟೆಸ್ಟ್ ಮುಖ್ಯವಾಗಿದೆ. ಆಸ್ಟ್ರೇಲಿಯಾ ಪರವಾಗಿ ನೀವು ಆಡುವ ಪ್ರತಿಯೊಂದು ಟೆಸ್ಟ್ ಪಂದ್ಯವೂ ದೊಡ್ಡದಾಗಿದೆ, ಈ ಟೆಸ್ಟ್ ಬಲವಾದವರ ವಿರುದ್ಧ ಎಂಬುದನ್ನೂ ತಿಳಿದಿದ್ದೇವೆ, ಆದರೆ ನಾವು ಅದರ ಮಾರ್ಗವನ್ನು ಬದಲಾಯಿಸುವುದಿಲ್ಲ. ಕೌಶಲ್ಯದ ಮೇಲೆ ಕಾರ್ಯಗತಗೊಳಿಸಲು ಪ್ರಯತ್ನಿಸಬೇಕು" ಎಂದು ಹೇಳಿದ್ದಾರೆ.
