ಬ್ರಿಸ್ಬೇನ್ : ಭಾರತದ ವಿರುದ್ಧ ಮೂರನೇ ಟೆಸ್ಟ್ ವೇಳೆ ಭುಜದ ನೋವಿಗೆ ತುತ್ತಾಗಿರುವ ವಿಲ್ ಪುಕೋವ್ಸ್ಕಿ ಬ್ರಿಸ್ಬೇನ್ ಟೆಸ್ಟ್ನಲ್ಲಿ ಆಡುವುದು ಅನುಮಾನ ಎನ್ನಲಾಗುತ್ತಿದೆ. ಒಂದು ಅವರು ಫಿಟ್ ಆಗದಿದ್ದರೆ ನಿರ್ಣಾಯಕ ಟೆಸ್ಟ್ನಲ್ಲಿ ಆರಂಭಿಕನಾಗಿ ಮಾರ್ಕಸ್ ಹ್ಯಾರೀಸ್ ಕಣಕ್ಕಿಳಿಯಲಿದ್ದಾರೆ ಎಂದು ಆಸ್ಟ್ರೇಲಿಯಾ ತಂಡದ ಮುಖ್ಯ ಕೋಚ್ ಜಸ್ಟಿನ್ ಲ್ಯಾಂಗರ್ ಹೇಳಿದ್ದಾರೆ.
ಸಿಡ್ನಿ ಟೆಸ್ಟ್ನಲ್ಲಿ ಪದಾರ್ಪಣೆ ಮಾಡಿದ್ದ ಪುಕೋವ್ಸ್ಕಿ ಫೀಲ್ಡಿಂಗ್ ವೇಳೆ ಭುಜದ ಗಾಯಕ್ಕೊಳಗಾಗಿದ್ದರು. ಹಾಗಾಗಿ, ಪಂದ್ಯದ ನಂತರ ಅವರು ಸ್ಕ್ಯಾನಿಂಗ್ಗೆ ಒಳಗಾಗಿದ್ದರು. ವಿಲ್ ಡೈವ್ ಮಾಡುವ ಮೊದಲು ಭುಜದ ನೋವನ್ನು ಹೊಂದಿದ್ದರು. ಅವರು ಪಂದ್ಯದ ನಂತರ ಸ್ಕ್ಯಾನಿಂಗ್ಗೆ ಹೊರಟಿದ್ದು ಕೇವಲ ಏನಾಗಿರಬಹುದು ಎಂದು ತಿಳಿದುಕೊಳ್ಳಲು ಮಾತ್ರ.
ಇಂದು ಅಭ್ಯಾಸದ ವೇಳೆ ಅವರು ಹೇಗೆ ಚಟುವಟಿಕೆಯಿಂದಿದ್ದರು, ಫುಲ್ಸ್ ಅಪ್ ಮಾಡುತ್ತಿದ್ದರು ಎಂಬುವುದನ್ನು ನೋಡಿದ್ದೇವೆ. ಹಾಗಾಗಿ, ಅವರು 4ನೇ ಟೆಸ್ಟ್ ಪಂದ್ಯದ ವೇಳೆಗೆ ಸರಿಯಾಗಲಿದ್ದಾರೆ ಎಂಬ ಆಶಯದಲ್ಲಿದ್ದೇವೆ. ಒಂದು ವೇಳೆ ಅವರು ಫಿಟ್ ಆಗದಿದ್ದರೆ, ಮಾರ್ಕಸ್ ಹ್ಯಾರಿಸ್ ಇನ್ನಿಂಗ್ಸ್ ಆರಂಭಿಸುವುದು ಸ್ಪಷ್ಟ ಎಂದು ಲ್ಯಾಂಗರ್ ಹೇಳಿದ್ದಾರೆ.
ಪುಕೋವ್ಸ್ಕಿ ಪದಾರ್ಪಣೆ ಟೆಸ್ಟ್ನಲ್ಲಿ ಅರ್ಧಶತಕ ಸಿಡಿಸಿ ತಮ್ಮ ಟೆಸ್ಟ್ ಕೆರರಿಯರ್ ಉತ್ತಮವಾಗಿ ಆರಂಭಿಸಿದ್ದರು. ಇನ್ನು, ಹ್ಯಾರೀಸ್ ಕೂಡ ಆಸೀಸ್ ಪರ 9 ಟೆಸ್ಟ್ ಪಂದ್ಯಗಳನ್ನಾಡಿದ್ದರು, 2 ಅರ್ಧಶತಕ ಸಹಿತ 385 ರನ್ಗಳಿಸಿದ್ದಾರೆ.
ಇದನ್ನು ಓದಿ:ಭಾರತೀಯರ ಸರಣಿ ಗೆಲುವಿನ ಹಸಿವಿನ ಮುಂದೆ ಗಬ್ಬಾದಲ್ಲಿ ನಮ್ಮ ದಾಖಲೆಗಳು ಹೆಚ್ಚು ಅನುಕೂಲಕರವಲ್ಲ
