ಸಿಡ್ನಿ: ಹಾಲಿ ಚಾಂಪಿಯನ್ ಆಸ್ಟ್ರೇಲಿಯಾ ಶುಕ್ರವಾರದಿಂದ ಆರಂಭವಾಗಲಿರುವ ಐಸಿಸಿ ಮಹಿಳಾ ಟಿ-20 ವಿಶ್ವಕಪ್ನ ಉದ್ಘಾಟನಾ ಪಂದ್ಯದಲ್ಲಿ ಬಲಿಷ್ಠ ಭಾರತದ ಸವಾಲನ್ನು ಎದುರಿಸುತ್ತಿದೆ.
ಟೂರ್ನಮೆಂಟ್ನ ಉದ್ಘಾಟನಾ ಪಂದ್ಯ ಸಿಡ್ನಿ ಶೋಗ್ರೌಂಡ್ ಸ್ಟೇಡಿಯಂನಲ್ಲಿ ನಡೆಯಲಿದ್ದು, ಫೈನಲ್ ಪಂದ್ಯ ಪ್ರಸಿದ್ಧ ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್ನಲ್ಲಿ ಮಾರ್ಚ್ 8ರಂದು ನಡೆಯಲಿದೆ.
ಆಸ್ಟ್ರೇಲಿಯಾ ತಂಡವನ್ನು ಮೆಗ್ ಲ್ಯಾನಿಂಗ್ ಮುನ್ನಡೆಸಲಿದ್ದು, ತವರಿನ ಲಾಭ ಪಡೆದು 5ನೇ ಬಾರಿ ಪ್ರಶಸ್ತಿಯನ್ನು ಎತ್ತಿ ಹಿಡಿಯುವ ಆಲೋಚನೆಯಲ್ಲಿದೆ. ಇತ್ತ ಭಾರತ ಕಳೆದ ವಿಶ್ವಕಪ್ನಂತೆ ಮತ್ತೆ ಆಸೀಸ್ಗೆ ಶಾಕ್ ನೀಡಲು ತಯಾರಾಗಿದೆ.
ಪ್ರಶಸ್ತಿ ಗೆದ್ದ ತಂಡಗಳು?
ಆಸ್ಟ್ರೇಲಿಯಾ ಇಡೀ ಟಿ-20 ಟೂರ್ನಮೆಂಟ್ ಇತಿಹಾಸದಲ್ಲಿ ಅತ್ಯಂತ ಯಶಸ್ವಿ ತಂಡ ಎನಿಸಿಕೊಂಡಿದೆ. ಆಸೀಸ್ ಮಹಿಳಾ ತಂಡ 2010, 2012, 2014 ಹಾಗೂ 2018ರಲ್ಲಿ ಟಿ-20 ವಿಶ್ವಕಪ್ಗಳನ್ನು ಗೆದ್ದಿದೆ. ಇನ್ನು 2009ರಲ್ಲಿ ಇಂಗ್ಲೆಂಡ್ ಹಾಗೂ 2016ರಲ್ಲಿ ವೆಸ್ಟ್ ಇಂಡೀಸ್ ತಂಡ ತಲಾ ಒಂದು ಬಾರಿ ವಿಶ್ವಕಪ್ ಎತ್ತಿ ಹಿಡಿದಿವೆ. 2009 ಹಾಗೂ 2010ರಲ್ಲಿ ನ್ಯೂಜಿಲ್ಯಾಂಡ್ ತಂಡ ರನ್ನರ್ ಅಪ್ ಪ್ರಶಸ್ತಿ ಪಡೆದಿದೆ. ಇನ್ನು ಭಾರತ ತಂಡ 2009, 2010 ಹಾಗೂ 2018ರಲ್ಲಿ ಸೆಮಿಫೈನಲ್ ಪ್ರವೇಶಿಸಿರುವುದೇ ಅತ್ಯುತ್ತಮ ಸಾಧನೆಯಾಗಿದೆ.
ಎಷ್ಟು ತಂಡಗಳಿಂದ ಪೈಪೋಟಿ?
ನಾಳೆಯಿಂದ ಶುರುವಾಗಲಿರುವ ವಿಶ್ವಕಪ್ ಸಮರದಲ್ಲಿ 10 ತಂಡಗಳು ಭಾಗವಹಿಸಲಿವೆ. ಲೀಗ್ನಲ್ಲಿ ಎರಡು ಗುಂಪುಗಳಿದ್ದು, ತಲಾ 5 ತಂಡಗಳಾಗಿ ವಿಂಗಡಿಸಲಾಗಿದೆ. ಪ್ರತಿಯೊಂದು ತಂಡವೂ ತಲಾ 4 ಲೀಗ್ ಪಂದ್ಯಗಳನ್ನಾಡಲಿವೆ. ಅಂಕ ಪಟ್ಟಿಯಲ್ಲಿ ಮೊದಲೆರಡು ಸ್ಥಾನ ಪಡೆಯುವ ತಂಡಗಳು ಸೆಮಿಫೈನಲ್ ಪ್ರವೇಶಿಸಲಿವೆ.
ಎರಡು ಗುಂಪಿನಲ್ಲಿರುವ ತಂಡಗಳು
ಗ್ರೂಪ್ ಎ- ಭಾರತ, ಆಸ್ಟ್ರೇಲಿಯಾ, ಬಾಂಗ್ಲಾದೇಶ, ನ್ಯೂಜಿಲ್ಯಾಂಡ್, ಶ್ರೀಲಂಕಾ,
ಗ್ರೂಪ್ ಬಿ- ದಕ್ಷಿಣ ಆಫ್ರಿಕಾ, ಇಂಗ್ಲೆಂಡ್, ಪಾಕಿಸ್ತಾನ, ಥಾಯ್ಲೆಂಡ್, ವೆಸ್ಟ್ ಇಂಡೀಸ್
ಸಂಪೂರ್ಣ ವೇಳಾಪಟ್ಟಿ:
- ಫೆ. 21 -ಆಸ್ಟ್ರೇಲಿಯಾ- ಭಾರತ- ಸಿಡ್ನಿ- 1:30ಕ್ಕೆ ಆರಂಭ
- ಫೆ. 22- ವೆಸ್ಟ್ ಇಂಡೀಸ್-ಥಾಯ್ಲೆಂಡ್ - ಪರ್ತ್-11:30
- ಫೆ. 22- ನ್ಯೂಜಿಲ್ಯಾಂಡ್- ಶ್ರೀಲಂಕಾ- ಪರ್ತ್-4:30
- ಫೆ. 23- ಇಂಗ್ಲೆಂಡ್- ದಕ್ಷಿಣ ಆಫ್ರಿಕಾ-ಪರ್ತ್-4:30
- ಫೆ. 24- ಆಸ್ಟ್ರೇಲಿಯಾ- ಶ್ರೀಲಂಕಾ-ಪರ್ತ್- 11:30
- ಫೆ. 24- ಭಾರತ- ಬಾಂಗ್ಲಾದೇಶ- ಪರ್ತ್- 4:30
- ಫೆ. 26 - ಇಂಗ್ಲೆಂಡ್- ಥಾಯ್ಲೆಂಡ್- ಕ್ಯಾನ್ಬೆರಾ- 8:30(ಬೆಳಿಗ್ಗೆ)
- ಫೆ. 26- ವೆಸ್ಟ್ ಇಂಡೀಸ್- ಪಾಕಿಸ್ತಾನ- ಕ್ಯಾನ್ಬೆರಾ-1:30
- ಫೆ. 27- ಭಾರತ-ನ್ಯೂಜಿಲ್ಯಾಂಡ್- ಕ್ಯಾನ್ಬೆರಾ- 8:30
- ಫೆ. 27- ಆಸ್ಟ್ರೇಲಿಯಾ- ಬಾಂಗ್ಲಾದೇಶ- ಕ್ಯಾನ್ಬೆರಾ- 1:30
- ಫೆ. 28- ದಕ್ಷಿಣ ಆಫ್ರಿಕಾ- ಥಾಯ್ಲೆಂಡ್- ಕ್ಯಾನ್ಬೆರಾ- 8:30
- ಫೆ. 28- ಇಂಗ್ಲೆಂಡ್- ಪಾಕಿಸ್ತಾನ- ಕ್ಯಾನ್ಬೆರಾ- 1:30
- ಫೆ. 29- ನ್ಯೂಜಿಲ್ಯಾಂಡ್- ಬಾಂಗ್ಲಾದೇಶ- ಮೆಲ್ನೋರ್ನ್- 8:30
- ಫೆ. 29- ಭಾರತ-ಶ್ರೀಲಂಕಾ- ಮೆಲ್ಬೋರ್ನ್- 1:30
- ಮಾರ್ಚ್ 1-ದ.ಆಫ್ರಿಕಾ-ಪಾಕಿಸ್ತಾನ-ಸಿಡ್ನಿ-8:30
- ಮಾರ್ಚ್ 1- ಇಂಗ್ಲೆಂಡ್-ವೆಸ್ಟ್ ಇಂಡೀಸ್-ಸಿಡ್ನಿ- 1:30
- ಮಾರ್ಚ್ 2- ಶ್ರೀಲಂಕಾ- ಬಾಂಗ್ಲಾದೇಶ- ಮೆಲ್ಬೋರ್ನ್-8:30
- ಮಾರ್ಚ್ 2-ಆಸ್ಟ್ರೇಲಿಯಾ-ನ್ಯೂಜಿಲ್ಯಾಂಡ್- ಮೇಲ್ನೋರ್ನ್-1:30
- ಮಾರ್ಚ್ 3- ಪಾಕಿಸ್ತಾನ-ಥಾಯ್ಲೆಂಡ್- ಸಿಡ್ನಿ- 8:30
- ಮಾರ್ಚ್ 3- ವೆಸ್ಟ್ ಇಂಡೀಸ್-ದ.ಆಫ್ರಿಕಾ-ಸಿಡ್ನಿ-1:30
- ಮಾರ್ಚ್ 5 ಸೆಮಿಫೈನಲ್ 1- ಸಿಡ್ನಿ- 8:30
- ಮಾರ್ಚ್ 5- ಸೆಮಿಫೈನಲ್ 2- ಸಿಡ್ನಿ- 1:30
- ಮಾರ್ಚ್ 8- ಫೈನಲ್- ಮೆಲ್ಬೋರ್ನ್-1:30
