ಕೇಪ್ಟೌನ್: ವಿಶ್ವ ಕ್ರಿಕೆಟ್ನ ಶ್ರೇಷ್ಠ ವೇಗದ ಬೌಲರ್ಗಳಲ್ಲಿ ಒಬ್ಬರಾದ ಡೇಲ್ ಸ್ಟೈನ್ ತಮ್ಮ ವೃತ್ತಿ ಜೀವನದಲ್ಲಿ ಸ್ಟೀವ್ ಸ್ಮಿತ್ರಿಗೆ ಬೌಲಿಂಗ್ ಮಾಡುವುದಿಲ್ಲ ಎಂಬುದೇ ಖುಷಿಯ ವಿಚಾರ ಎಂದು ಹೇಳಿಕೊಂಡಿದ್ದಾರೆ.
ಒಂದು ವರ್ಷ ನಿಷೇಧದ ನಂತರ ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಮರಳಿದ ಸ್ಟೀವ್ ಸ್ಮಿತ್ ಕಳೆದ ತಿಂಗಳು ನಡೆದ ಮುಕ್ತಾಯವಾದ ಆ್ಯಶಸ್ ಸರಣಿಯಲ್ಲಿ 774 ರನ್ಗಳಿಸಿ ತಾವೊಬ್ಬ ಟೆಸ್ಟ್ ಸ್ಪೆಷಲಿಸ್ಟ್ ಎಂಬುದನ್ನು ಕ್ರಿಕೆಟ್ ಜಗತ್ತಿಗೆ ತೋರಿಸಿಕೊಟ್ಟಿದ್ದರು.
ಇದೀಗ ಸ್ಮಿತ್ ಕುರಿತು ಮಾತನಾಡಿರುವ ಸ್ಟೈನ್, ತಾನೆಂದೂ ಸ್ಟಿವ್ ಸ್ಮಿತ್ಗೆ ಬೌಲಿಂಗ್ ಮಾಡುವುದಿಲ್ಲ ಎಂಬುದೇ ಖುಷಿಯ ವಿಚಾರವಾಗಿದೆ. ಸ್ಮಿತ್ ಬ್ಯಾಟಿಂಗ್ ನಡೆಸುತ್ತಿದ್ದರೆ ಅವರಿಗೆ ಲೆಗ್ಸೈಡ್ ಅಥವಾ ಔಟ್ಸೈಡ್ಗೆ ಬೌಲಿಂಗ್ ಮಾಡಬೇಕೆಂಬುದೇ ತಿಳಿಯುವುದಿಲ್ಲ. ಸ್ಮಿತ್ ಅಸಾಂಪ್ರದಾಯಿಕ ಶೈಲಿಯಲ್ಲಿ ಬ್ಯಾಟಿಂಗ್ ನಡೆಸುತ್ತಾರೆ. ಸ್ಮಿತ್ಗೆ ಬೌಲಿಂಗ್ ಮಾಡುವುದು ಬೌಲರುಗಳಿಗೆ ಸವಾಲಿನ ಕೆಲಸ ಎಂದಿದ್ದಾರೆ.
ಸ್ಟೈನ್ ತಮ್ಮ ವೃತ್ತಿ ಜೀವನದಲ್ಲಿ ಸ್ಮಿತ್ ಹಾಗೂ ವಿಂಡೀಸ್ನ ಶಿವನರೈನ್ ಚಂದ್ರಪಾಲ್ಗೆ ಬೌಲಿಂಗ್ ಮಾಡಬೇಕಾದರೆ ತುಂಬಾ ಕಷ್ಠ ಅನುಭವಿಸಿದ್ದರಂತೆ. ಇವರಿಬ್ಬರೂ ಟೆಸ್ಟ್ ಕ್ರಿಕೆಟ್ನ ಕ್ಲಾಸ್ ಬ್ಯಾಟ್ಸ್ಮನ್ಗಳಾದ ಜಾಕ್ ಕಾಲೀಸ್, ಮೈಕಲ್ ವಾನ್ಗಿಂತಲೂ ಭಿನ್ನರಾಗಿದ್ದಾರೆ. ಕಾಲೀಸ್, ವಾನ್ ಅಂತಹವರಿಗೆ ಬೌಲಿಂಗ್ ಮಾಡಬೇಕಾದರೆ ಅವರು ಅನುಸರಿಸುವ ಬ್ಯಾಟಿಂಗ್ ತಂತ್ರಗಾರಿಕೆಯನ್ನು ಗುರುತಿಸಿ ಅದಕ್ಕೆ ತಕ್ಕನಾದ ಬೌಲಿಂಗ್ ಮಾಡುವ ದಾರಿಯನ್ನು ಕಂಡುಕೊಂಡಿದ್ದೆ. ಆದರೆ ಸ್ಮಿತ್-ಚಂದ್ರಪಾಲ್ರನ್ನು ಔಟ್ ಮಾಡುವುದು ಹೇಗೆ ಎಂಬ ಚಿಂತೆ ನನಗೆ ತುಂಬಾ ಕಾಡಿತ್ತು ಎಂದು ಸ್ಟೈನ್ ತಿಳಿಸಿದ್ದಾರೆ.
ಈಗಾಗಲೆ ಟೆಸ್ಟ್ ಕ್ರಿಕೆಟ್ಗೆ ನಿವೃತ್ತಿ ಘೋಷಿಸಿರುವ ಡೇಲ್ ಸ್ಟೈನ್ ತಾವೂ ಸ್ಮಿತ್ಗೆ ಬೌಲಿಂಗ್ ಮಾಡಲು ಸಾಧ್ಯವಿಲ್ಲ ಎಂಬ ವಿಚಾರವೇ ನನಗೆ ಖುಷಿ ತಂದಿದೆ ಎಂದು ಆಸ್ಟ್ರೇಲಿಯಾ ಕ್ರಿಕೆಟ್ ವೆಬ್ಸೈಟ್ಗೆ ನೀಡಿದ ಸಂದರ್ಶನದಲ್ಲಿ ಉಲ್ಲೇಖಿಸಿದ್ದಾರೆ.
ಮುಂದಿನ ಬಿಗ್ಬ್ಯಾಶ್‌ ಟಿ20 ಲೀಗ್ನಲ್ಲಿ ಮೆಲ್ಬೋರ್ನ್ಸ್ಟಾರ್ ತಂಡದ ಪರ ಡೇಲ್ ಸ್ಟೈನ್ ಡೆಬ್ಯೂ ಮಾಡಲಿದ್ದಾರೆ.
