ದುಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ನ ಇಂದಿನ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್ ಹಾಗೂ ಸನ್ರೈಸರ್ಸ್ ಹೈದರಾಬಾದ್ ತಂಡ ಮುಖಾಮುಖಿಯಾಗಲಿವೆ. ಪ್ಲೇಆಫ್ ರೇಸ್ನಲ್ಲಿ ಉಳಿದುಕೊಳ್ಳಬೇಕಾದರೆ ಡೆವಿಡ್ ವಾರ್ನರ್ ಪಡೆಗೆ ಈ ಗೆಲುವು ಅತಿ ಮಹತ್ವದಾಗಿದೆ.
ಶ್ರೇಯಸ್ ಅಯ್ಯರ್ ನೇತೃತ್ವದ ಪಡೆ ಆಡಿರುವ 11 ಪಂದ್ಯಗಳ ಪೈಕಿ 7ರಲ್ಲಿ ಗೆಲುವು ಸಾಧಿಸಿ, ಸದ್ಯ 2ನೇ ಸ್ಥಾನದಲ್ಲಿದೆ. ಆದರೆ ಈ ಹಿಂದಿನ ಎರಡು ಪಂದ್ಯಗಳಲ್ಲಿ ಡೆಲ್ಲಿ ತಂಡ ಸೋಲು ಕಂಡಿರುವುದು ತಂಡಕ್ಕೆ ಸ್ವಲ್ಪ ಮಟ್ಟ ಹಿನ್ನಡೆಯಾಗಿದೆ. ಆದರೆ ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಿ ಮತ್ತೊಮ್ಮೆ ಅಗ್ರಸ್ಥಾನಕ್ಕೇರುವ ಇರಾದೆಯಲ್ಲಿದೆ.
ಬ್ಯಾಟಿಂಗ್ ಹಾಗೂ ಬೌಲಿಂಗ್ ವಿಭಾಗದಲ್ಲಿ ಡೆಲ್ಲಿ ಪಡೆ ಉತ್ತಮವಾಗಿದ್ದು, ಶಿಖರ್ ಧವನ್ ಕೂಡ ಉತ್ತಮ ಫಾರ್ಮ್ನಲ್ಲಿದ್ದಾರೆ. ಆದರೆ ತಂಡದ ಪರ ಪೃಥ್ವಿ ಶಾ, ರಿಷಭ್ ಪಂತ್, ಹೆಟ್ಮಾಯರ್ ಹಾಗೂ ರಹಾನೆ ಉತ್ತಮ ಪ್ರದರ್ಶನ ನೀಡುತ್ತಿಲ್ಲ.
ಡೆಲ್ಲಿ ತಂಡ ಕೂಡ ಸಮತೋಲನದಿಂದ ಕೂಡಿದ್ದು, ಹಿಂದಿನ ಪಂಜಾಬ್ ವಿರುದ್ಧದ ಪಂದ್ಯದಲ್ಲಿ ಸುಲಭವಾಗಿ ಗೆಲುವು ಸಾಧಿಸುವ ಹಂತದಲ್ಲಿದ್ದ ತಂಡ ದಿಢೀರ್ ಆಗಿ ಕುಸಿತಗೊಂಡು ಸೋಲು ಕಾಣುವಂತಾಯಿತು. ಆದರೆ ಇಂದಿನ ಪಂದ್ಯದಲ್ಲಿ ಗೆಲುವು ಸಾಧಿಸಿದಾಗ ಮಾತ್ರ ಫ್ಲೇ-ಆಪ್ ಹಂತಕ್ಕೇರುವ ಕನಸು ಜೀವಂತವಾಗಿರಲಿದ್ದು, ಎರಡು ತಂಡಗಳ ನಡುವೆ ಬಿರುಸಿನ ಪಂದ್ಯ ಏರ್ಪಡುವ ಸಾಧ್ಯತೆ ಇದೆ.
ಸನ್ರೈಸರ್ಸ್ ತಂಡ: ಡೇವಿಡ್ ವಾರ್ನರ್(ಕ್ಯಾಪ್ಟನ್), ಬ್ಯಾರಿಸ್ಟೋ(ವಿ.ಕೀ), ಮನೀಷ್ ಪಾಂಡೆ, ವಿಜಯ್ ಶಂಕರ್, ಜಾಸನ್ ಹೋಲ್ಡರ್, ಪ್ರಿಯಾಂ ಗರ್ಗ್, ಅಭಿಷೇಶ್ ಶರ್ಮಾ, ರಾಶೀದ್ ಖಾನ್, ಖಲೀಲ್ ಅಹ್ಮದ್, ಸಂದೀಪ್ ಶರ್ಮಾ, ಟಿ. ನಟರಾಜನ್,ಕೇನ್ ವಿಲಿಯಮ್ಸನ್,ಎಸ್.ಗೋಸ್ವಾಮಿ, ಸಿದ್ಧಾರ್ಥ್ ಕೌಲ್, ಮೊಹಮ್ಮದ್ ನಬಿ
ಡೆಲ್ಲಿ ಕ್ಯಾಪಿಟಲ್ಸ್: ಶಿಖರ್ ಧವನ್, ಅಜಿಂಕ್ಯಾ ರಹಾನೆ,ಶ್ರೇಯಸ್ ಅಯ್ಯರ್(ಕ್ಯಾಪ್ಟನ್), ರಿಷಭ್ ಪಂತ್(ವಿ,ಕೀ),ಶಿಮ್ರಾನ್ ಹೆಟ್ಮಾಯರ್, ಸ್ಟೋನಿಸ್, ಅಕ್ಸರ್ ಪಟೇಲ್,ಆರ್.ಅಶ್ವುನ್, ರಬಾಡಾ, ಅನ್ರಿಕ್ ನಾರ್ಟ್ಜೆ, ತುಷಾರ್ ದೇಶಪಾಂಡೆ,ಪೃಥ್ವಿ ಶಾ,ಹರ್ಷಲ್ ಪಟೇಲ್,ಅಲೆಕ್ಸ್ ಕ್ಯಾರಿ,ಪ್ರವೀಣ್ ದುಬೆ
