ಕಾಮೆಂಟರಿಗಾಗಿ ಲಂಕಾಗೆ ಬಂದಿಳಿದ ದಕ್ಷಿಣ ಆಫ್ರಿಕಾದ ಮಾಜಿ ಆಟಗಾರ ಹೆಡ್​ ಕೋಚ್​ ಆಗಿ ನೇಮಕ!

ಕೋಚ್​ ಹುಡುಕಾಟದಲ್ಲಿದ್ದ ಕೊಲೊಂಬೊ ಕಾಮೆಂಟರಿಗಾಗಿ ಶ್ರೀಲಂಕಾಗೆ ಬಂದಿದ್ದ ಆಫ್ರಿಕಾದ​ ಮಾಜಿ ಬ್ಯಾಟ್ಸ್​ಮನ್​ರನ್ನು ಕೋಚ್​ ಆಗಿ ನೇಮಕ ಮಾಡಿಕೊಳ್ಳುವಲ್ಲಿ ಯಶಸ್ವಿಯಾಗಿದೆ. ಅವರಿಗೆ ಶ್ರೀಲಂಕಾದ ದಿಗ್ಗಜ ಕ್ರಿಕೆಟಿಗ ರಂಗನಾ ಹೆರಾತ್​ ಸಹಾಯಕರಾಗಿ ನೇಮಕಗೊಂಡಿದ್ದಾರೆ..

ಕೊಲೊಂಬೊ : ಇದೇ ತಿಂಗಳ 26ರಿಂದ ಆರಂಭವಾಗಲಿರುವ ಲಂಕಾ ಪ್ರೀಮಿಯರ್​ ಲೀಗ್​(ಎಲ್​ಪಿಎಲ್​) ಕಾಮೆಂಟರಿ ಮಾಡಲು ಶ್ರೀಲಂಕಾಗೆ ಬಂದಿಳಿದಿದ್ದ ದಕ್ಷಿಣ ಆಫ್ರಿಕಾದ ಮಾಜಿ ಬ್ಯಾಟ್ಸ್​ಮನ್​ ಹರ್ಷೆಲ್ ಗಿಬ್ಸ್​ ಕೊಲೊಂಬೋ ಕಿಂಗ್ಸ್​ ತಂಡದ ಮುಖ್ಯ ಕೋಚ್​ ಆಗಿ ನೇಮಕಗೊಂಡಿದ್ದಾರೆ.

ಕೊಲೊಂಬೊ ಕಿಂಗ್ಸ್​ ಈ ಮೊದಲು ಆಸ್ಟ್ರೇಲಿಯಾದ ಮಾಜಿ ಆಟಗಾರ ಡೇವ್​ ವಾಟ್ಮೋರ್​ ಅವರನ್ನು ಮುಖ್ಯ ಕೋಚ್​ ಆಗಿ ನೇಮಕ ಮಾಡಿತ್ತು. ಆದರೆ, ಅವರು ವೈಯಕ್ತಿಕ ಕಾರಣಗಳಿಂದ ಲೀಗ್​ನಿಂದ ಹಿಂದೆ ಸರಿದಿದ್ದರು.